Víkurfréttir - 09.09.2020, Síða 74

Íslandsmeistaratitill
til Grindavíkur?
Grindvíkingar leika til úrslita um Íslandsmeistaratitilinn í 5. flokki
A-liða karla gegn Breiðabliki föstudaginn 11. september kl. 17:00.
Leikurinn fer fram á Grindavíkurvelli og verður einnig streymt á
Youtube-rás GrindavíkTV.
Á Facebook-síðu knattspyrnudeilda Grindavíkur segir: „Settur
verður upp sérstakur sjö manna völlur fyrir framan áhorfendastúkuna
þannig að aðstaða fyrir leikmenn og áhorfendur verði til fyrirmyndar.
Af sjálfsögðu verður frítt á leikinn en við viljum biðja fólk um að dreifa
vel úr sér í stúkunni og huga að sóttvörnum.“
Það er augljóslega góður efniviður í Grindavík en strákarnir hafa
staðið sig frábærlega í sumar og vonandi hampa þeir Íslandsmeistara-
titlinum á föstudaginn.
Í síðustu umferð mættu Grindvíkingar Eyjamönnum í Lengjudeild karla á heimavelli þeirra
gulklæddu sem hafa verið á góðri siglingu undanfarið. Grindvíkingar höfðu unnið síðustu
þrjá leiki á undan þessum. Leikurinn var jafn og þótt Eyjamenn hafi átt fleiri færi þá vörð-
ust Grindvíkingar vel.
Vestmanneyingar sköpuðu nokkra hættu og sóttu stíft
á Grindvíkinga í fyrri hálfleik sem vörðust ágætlega,
Vladan Dogatovic sýndi glæsilega takta í markinu í
þau skipti sem ÍBV fann glufu á vörn heimamanna.
Hættulegasta færi fyrri hálfleiks áttu Eyjamenn
þegar boltinn flæktist fyrir fótum sóknarmanns þeirra
nánast á marklínu Grindvíkinga og Dogatovic hirti
boltann af honum.
Í næstu sókn fékk Guðmundur Magnússon send-
ingu fyrir opnu marki Eyjamanna en náði ekki að reka
stóru tánna í boltann og því var markalaust í hálfleik.
Það voru Grindvíkingar sem byrjuðu seinni hálf-
leikinn betur og á 40. mínútu sneri Sigurður Bjartur
Hallsson varnarmann Eyjamanna af sér og tók skot utan
vítateigs sem hafði viðkomu í varnarmann og svo í netið.
Grindvíkingar því komnir í forystu gegn gangi leiksins.
Eftir markið féllu Grindvíkingar enn meira til baka
og þéttu vörnina en á 63. mínútu kom fyrirgjöf inn á
teig þeirra, sóknarmaður Eyjamanna tók á móti send-
ingunni og skallaði boltann í samskeytin óverjandi fyrir
Dogotovic. Eyjamenn búnir að jafna, 1:1.
Það sem eftir lifði leiks sköpuðu bæði lið sér nokkur
góð færi en fleiri mörk voru ekki skoruð. Liðin skiptu
því með sér stigunum en hefðu bæði viljað fá meira út
úr leiknum til að þokast nær toppnum.
Lengjudeild karla:
Jafntefli hjá Grindavík og ÍBV
Munaði einni skóstærð!
Guðmundur Magnússon í dauðafæri en náði ekki til knattarins.
VF-myndir: Hilmar Bragi
Sigurður Bjartur Ha
llsson skoraði mark
Grindvíkinga
gegn ÍBV og kom þ
eim yfir. Það dugði
þó ekki til sigurs.
42 // vÍKURFRÉTTiR á SUðURNESJUM Í 40 áR