Fréttablaðið - 30.12.2020, Qupperneq 4

Í september í fyrra féllst
dómstóllinn á að taka mál
Ólafs til efnismeðferðar.
STJÓRNSÝSLA Ríkisútvarpið verður
áfram á auglýsingamarkaði og
verulega er skerpt á skilgreiningu á
hvað er sjálfstæður framleiðandi í
nýjum þjónustusamningi mennta-
og menningarmálaráðuneytisins
við Ríkisútvarpið sem gildir út árið
2023.
Lilja Alfreðsdóttir, mennta- og
menningarmálaráðherra, hefur
áður boðað að Ríkisútvarpið verði
tekið af auglýsingamarkaði, þá
hefur Katrín Jakobsdóttir for-
sætisráðherra lýst yfir að hún sé
opin fyrir hugmyndinni en þá með
hækkuðu útvarpsgjaldi. Í könnun
frá því í fyrra vilja 59 prósent lands-
manna draga úr umsvifum eða að
Ríkisútvarpið hverfi af auglýsinga-
markaði.
„Það er mín skoðun að fyrir-
komulagið eigi að vera sambærilegt
og á hinum Norðurlöndunum, það
er að segja, takmörkun ríkismið-
ils á auglýsingamarkaði og styrkir
til einkarekinna fjölmiðla. Það er
Alþingi eitt sem getur breytt þessu
og ég hvet þingheim til að styðja
við frumvarp mitt um stuðning til
einkarekinna miðla,“ segir Lilja.
Í fyrri samningi þurfti Ríkisút-
varpið að verja 8 til 11 prósentum
af heildartekjum sínum til kaupa á
efni, 756 milljónum króna árið 2019.
Í nýja samningnum þarf að verja 12
prósentum af innheimtu útvarps-
gjaldi, miðað við innheimt útvarps-
gjald árið 2019 yrðu það tæpar 553
milljónir króna.
„Sjálfstætt starfandi eru að fá
meira samkvæmt nýjum þjónustu-
samningi út frá hlutdeild, það er
prósentuhlutfalli. Hins vegar er
heildarfjárhæðin lægri sökum þess
að tekjur RÚV hafa dregist saman í
núverandi árferði,“ segir Lilja.
„Viðmiðunargrunni var breytt
til að tryggja meiri fyrirsjáanleika,
en hlutfallstalan hækkuð, þar sem
markmiðið var að svipuð upphæð
færi til kaupa af sjálfstæðum fram-
leiðendum og raunin var á fjögurra
ára gildistíma fyrri samnings. Aug-
lýsingatekjur RÚV hafa lækkað
um hátt í milljarð á aðeins tveimur
árum og því er betra að miða við
traustari tekjugrunn.“
Líkt og greint var frá fyrr á
þessu ári rann stór hluti af þeim
greiðslum Ríkisútvarpsins í þætti
sem framleiddir voru af Ríkisút-
varpinu og verktakagreiðslur. Í
viðtali í sumar vísaði útvarpsstjóri
í viðauka samningsins þar sem stóð
„og fleira“. Töldu kvikmyndafram-
leiðendur þær greiðslur ekki í anda
samningsins. Þá hefur Fjölmiðla-
nefnd einnig gert athugasemd við
skilgreiningu Ríkisútvarpsins.
Aðspurð hvort ákvæðið í nýja
samningnum sé viðurkenning á
því að túlkun Ríkisútvarpsins hafi
ekki verið í anda þess sem lagt var
upp með, segir Lilja að skilningur
sinn á hugtakinu sé ótvírætt sá sem
komi fram í samningnum. „Skiln-
ingur minn er ótvírætt sá sem birt-
ist í þessum nýja samningi. Fyrri
samningur tók ekki af allan vafa
um þetta en skilningur nú er skýr í
þessa veru.“
Samningsdrögin voru komin vel
á veg haustið 2019, var samningur-
inn meðal annars ræddur í ríkis-
stjórn fyrir rúmu ári síðan. Segir
Lilja að það hafi staðið til að ljúka
samningnum áður en gildistíma
hins lauk, en það hafi verið eðlilegt
að semja við nýjan útvarpsstjóra.
Þegar hann var mættur til starfa þá
hafi verið kominn heimsfaraldur og
aðstæður einkennilegar. „Lykilat-
riðið hér er þó, að aðilar sammælt-
ust um að gildistími fyrri samninga
framlengdist og því var unnið eftir
honum á árinu 2020.“
arib@frettabladid.is
Ótvírætt er hvað merkir að
vera sjálfstæður framleiðandi
Mennta- og menningarmálaráðherra segir að það sé Alþingis að breyta veru Ríkisútvarpsins á auglýs-
ingamarkaði. Upphæðir sem renna til sjálfstæðra framleiðenda lækka en skerpt er á skilgreiningu hug-
taksins. Ráðherra segir sinn skilning á hugtakinu ótvírætt þann sem er í nýja þjónustusamningnum.
Heildartekjur Ríkisútvarpsins voru tæpir 6,9 milljarðar í fyrra, munu þær lækka í ár. FRÉTTABLAÐIÐ/SIGTRYGGUR ARI
Lilja Alfreðsdótt-
ir, mennta- og
menningarmála-
ráðherra
COVID-19 Fyrstu skammtar af Pfiz-
er-bóluefninu voru af hentir í gær
á starfsstöðvum Heilbrigðisstofn-
unar Norðurlands (HSN) á Blöndu-
ósi, Sauðárkróki, Siglufirði, Dalvík,
Akureyri og Húsavík.
Í frétt á síðu HSN sagði að gert
væri ráð fyrir að bólusetningu með
fyrstu skömmtum lyki í gær og í dag.
„Í þessari umferð munu íbúar á
hjúkrunar- og dvalarheimilum á
Norðurlandi verða bólusettir auk
lækna og hjúkrunarfræðinga HSN
sem sinna bráðaþjónustu, alls 520
manns. Hjúkrunarfræðingar og
læknar í heilsugæslu á HSN hafa
umsjón með bólusetningunum í
samvinnu við hjúkrunarfræðinga á
hjúkrunar- og sjúkradeildum,“ segir
á síðu HSN.
Fyrst allra til að vera bólusett
á Norðurlandi var Sveinfríður
Sigurpálsdóttir sem starfað hefur
sem hjúkrunarfræðingur á HSN
á Blönduósi frá 1973. „Sveinfríður
tók bólusetningunni vel og kenndi
sér einskis meins,“ segir á vef HSN.
Og á Sauðárkróki var Halldór
Hafstað, 96 ára, á hjúkrunardeild
HSN, fyrstur til að fá bólusetningu
þar í bænum
„Haldið verður áfram með bólu-
setningar eftir áramót þegar næsti
skammtur af bóluefni berst. Ekki
verður hægt að panta bólusetningu
heldur verður fólk látið vita hvenær
því stendur til boða að mæta og
hvar. Við biðjum því fólk vinsam-
legast um að hringja ekki í heilsu-
gæslustöðina vegna þessa,“ segir á
vef HSN. – gar
Bólusetning hófst á Norðurlandi í gær
Halldór Hafstað, 96 ára, fékk fyrstur
bóluefni á Sauðárkróki. MYND/HSN
Sveinfríður Sigurpálsdóttir bólusett
fyrst Norðlendinga í gær. MYND/HSN
DÓMSMÁL Ólafur Ólafsson, fyrr-
verandi hluthafi í Kaupþingi, hefur
dregið kæru sína til Mannréttinda-
dómstóls Evrópu til baka og dóm-
stóllinn fellt mál hans niður.
Tilefni kæru Ólafs var hlutabréfa-
eign tveggja hæstaréttardómara
sem dæmdu Al-Thani málið svo-
kallaða en í því var Ólafur dæmdur
í fjögurra og hálfs árs fangelsi fyrir
markaðsmisnotkun í febrúar 2015.
Í september í fyrra féllst dóm-
stóllinn á að taka mál Ólafs til
efnismeðferðar. Í febrúar 2020 féll
áfellisdómur gegn íslenska ríkinu
í máli Sigríðar Elínar Sigfúsdóttur,
sem dæmd var fyrir markaðsmis-
notkun í starfi sem forsvarsmaður
fyrirtækjasviðs Landsbankans.
Meðal ályktana sem draga mátti
af dómi í málinu var að dómarar
yrðu ekki taldir vanhæfir í málum
sem vörðuðu aðra banka en þá sem
þeir áttu fjárhagslega hagsmuni í.
Líkt og fram kom í fréttaskýringu
Fréttablaðsins um dóminn og áhrif
hans gáfu forsendur hans ekki góð
fyrirheit um mál Ólafs Ólafssonar. Í
kæru hans til réttarins var vísað til
hlutafjáreignar dómaranna Mark-
úsar Sigurbjörnssonar og Árna
Kolbeinssonar í íslensku bönk-
unum fyrir fall þeirra, en hvorugur
átti hlutafé í banka Ólafs. Í erindi
Ólafs um afturköllun kæru sinnar
til dómsins, sem dagsett er 4. maí
síðastliðinn, er sérstaklega vísað
til dóms réttarins í máli Sigríðar
Elínar, sem féll tveimur mánuðum
fyrr. – aá
Ólafur dregur
kæruna til baka
Ólafur Ólafsson fjárfestir.
ALÞINGI Oddný G. Harðardóttir,
þingf lokksformaður Samfylking-
arinnar, vill að siðareglur ráðherra
verði skoðaðar í tengslum við veru
Bjarna Benediktssonar fjármála-
ráðherra á listsýningu sem lög-
reglan stöðvaði.
Hún segir það vonbrigði að meiri-
hlutinn á Alþingi hafi hafnað því að
kalla þing saman milli jóla og nýárs
til að ræða hegðun Bjarna.
„Já, það eru vonbrigði, svo sann-
arlega. Það er umhugsunarefni fyrir
lýðræðisríki að meirihlutinn skuli
beita sér gegn því að þingsalurinn
sé opinn fyrir umræðu um mál sem
þrjátíu þingmenn telja mikilvægt að
ræða. Bara vegna þess að meirihlut-
anum finnst það viðkvæmt fyrir sig.
Það er alvarlegt mál,“ segir Oddný.
Hún telur líkur á að mál Bjarna
verði tekið upp á þinginu á nýju ári
þó að ekkert hafi verið ákveðið í
þeim efnum.
„Í siðareglunum er talað um
skeytingarleysi um lög og reglur.
Það er bara sjálfsögð krafa að maður
sem sinnir þessum æðstu emb-
ættum virði lög og reglur. Ég tala
nú ekki um í heimsfaraldri þegar
hætta er bókstaf lega á ferðum,“
segir Oddný. – mhj
Siðareglur ráðherra verði skoðaðar vegna framferðis Bjarna
Oddný G.
Harðardóttir
þingflokksfor-
maður
3 0 . D E S E M B E R 2 0 2 0 M I Ð V I K U D A G U R4 F R É T T I R ∙ F R É T T A B L A Ð I Ð