Fréttablaðið - 30.12.2020, Blaðsíða 9

Hrókeringar hjá löggunni
Em bætti ríkis lög reglu stjóra var
aug lýst laust til um sóknar eftir að
Haraldur Johannessen sagði starfi
sínu lausu í byrjun desember í fyrra
en nokkur styr hafði staðið um
Harald.
Sjö sóttu um starfið og var Sig­
ríður Björk Guðjónsdóttir, lögreglu­
stjóri á höfuðborgarsvæðinu, talin
hæfust af þeim sem sóttu um og tók
hún við embættinu þann 16. mars.
Halla Berg þóra Björns dóttir
var skipuð lög reglu stjóri á höfuð­
borgar svæðinu eftir að Sig ríður
Björk lét af því em bætti en miklar
hrókeringar hafa verið meðal lög­
reglustjóra á árinu. Páley Berg þórs­
dóttir lét af em bætti lög reglu stjóra
í Vest manna eyjum í sumar þegar
hún var skipuð lög reglu stjóri á
Norður landi eystra. Grímur Her­
geirsson var skipaður lögreglustjóri
í Vestmannaeyjum í hennar stað.
Þá var Úlfar Lúðvíksson skip­
aður í embætti lögreglustjóra á
Suðurnesjum eftir að Ólafur Helgi
Kjartansson steig til hliðar. Miklar
illdeilur hafa verið innan lögregl­
unnar á Suðurnesjum á árinu.
Forsetakosningar
Guðni Th. Jóhannesson sigraði
með yfirburðum þegar Íslendingar
gengu til forsetakosninga í júní.
Guðni fékk yfir 150 þúsund atkvæði
og mótframbjóðandi hans, Guð­
mundur Franklín Jónsson, fékk tæp
13 þúsund atkvæði.
Kosningabaráttan var litrík en
þetta var í fyrsta skipti sem sitjandi
forseti fær mótframboð eftir fyrsta
kjörtímabil sitt. Guðmundur Frank­
lín óskaði Guðna og fjölskyldu hans
til hamingju eftir að úrslitin voru
ljós. Guðni þakkaði þjóðinni fyrir
stuðninginn og sagði hann veita sér
þann kraft sem hann óskaði sér til
að halda áfram á sömu braut á for­
setastóli.
Snjóflóð
Mikil mildi þykir að ekki fór verr er
tvö snjó flóð féllu á Flat eyri og eitt í
Súganda firði í janúar. Tvö flóðanna
fóru yfir varnar garða. Ölmu Sóleyju
Ericsdóttur, unglingsstúlku sem
lenti í seinna flóðinu á Flat eyri, var
bjargað eftir um 40 mínútur undir
snjó en hún lá í rúmi sínu þegar
flóðið féll.
Fyrra f lóðið féll á Flateyri um
klukkan 23 og það seinna um
fimmtán mínútum síðar. Stuttu
eftir að snjóf lóðin féllu á Flateyri
féll snjóflóð í Súgandafjörð til móts
við Suðureyri. Við flóðið skall f lóð­
bylgja á höfninni í bænum og bátar
slitnuðu frá. Talið er að heildar­
kostnaður Hafnarsjóðs Ísafjarðar­
bæjar vegna snjóflóðanna sé um 25
milljónir króna.
Þá lést 23 ára karlmaður eftir
að hann varð fyrir snjóf lóði við
Móskarðshnjúka í Esjunni þann
29. janúar. Maðurinn var f luttur
með þyrlu Landhelgisgæslunnar
á Landspítala en var úrskurðaður
látinn við komuna þangað.
Eldsvoðar
Þrír létu lífið eftir að eldur kom upp
í íbúðarhúsi við Bræðraborgarstíg
1 í Reykjavík þann 25. júní. Maður
á sjötugsaldri hefur verið ákærður
fyrir manndráp og tilraun mann­
dráps með því að kveikja í húsinu.
Öll þau sem létust í brunanum
voru pólsk ir rík is borg ar ar. Málið
vakti mikla reiði meðal margra sem
kröfðust úr bóta í mál efn um er lends
verka fólks hér á landi.
Íbúar og aðstandendur hinna
látnu hafa lagt fram tíu bótakröfur
vegna brunans en hluti íbúanna varð
fyrir miklu líkamstjóni og öll urðu
þau fyrir verulegu andlegu áfalli.
28. júní kom fjöldi fólks saman
á Austur velli til að minnast þeirra
látnu og hvetja stjórn völd til að
bæta úr ó við unandi að stæðum inn­
flytj enda á Ís landi. 73 einstaklingar
voru skráð með búsetu í húsinu.
Mikið var um eldsvoða á árinu en
í október lést kona þegar eldur kom
upp í íbúðarhúsi í Borgarfirði. Þá
lést karlmaður eftir eldsvoða í húsi
við Hafnarstræti á Akureyri í maí.
Morð
Karlmaður á sextugsaldri var í júní
ákærður fyrir að hafa orðið eigin­
konu sinni að bana í Sandgerði í
lok marsmánaðar. Í ákæru er byggt
á því að banamein konunnar hafi
verið kyrking. Aðalmeðferð í máli
mannsins fór fram í nóvember og er
dóms að vænta á nýju ári.
Karlmaður á þrítugsaldri var
handtekinn og síðar ákærður fyrir
að hafa orðið móður sinni að bana
en móðir hans fannst látin í íbúð í
Hafnarfirði í apríl. Bæði sonurinn
og sambýlismaður konunnar voru
handteknir á vettvangi en sam­
býlismaðurinn var f ljótlega
látinn laus.
Heimsfaraldur á Íslandi
Þann 28. febrúar greindist
fyrsta tilfelli COVID­19
hér á landi þegar íslensk­
ur karlmaður greindist
með sjúkdóminn eftir að
hafa verið á ferðalagi á
Norður­Ítalíu. Þau tilfelli
sem greindust dagana
á eftir mátti öll rekja til
Norður­Ítalíu og Austur­
ríkis en þann 6. mars greind­
ist hér fyrst innanlandssmit.
Í kjölfar þess lýsti ríkis­
lögreglustjóri yfir neyðarstigi
almannavarna í samráði við sótt­
varnalækni og þann sama dag var
sett á heimsóknarbann á hjúkrunar­
heimilum og á Landspítala. Síðan þá
hafa dunið yfir þrjár bylgjur farald­
ursins og erum við enn stödd í þeirri
þriðju.
Síðan í mars hafa verið í gildi ein­
hvers konar samkomutakmarkanir
og er nú í gildi tíu manna samko­
mubann. Búið er að tryggja bólu­
efni fyrir í það minnsta tæp 90 pró­
sent þjóðarinnar og komu fyrstu
skammtarnir til landsins þann 28.
desember.
Stjórnvöld hafa kynnt ýmis
efnahagsúrræði vegna kórónavei­
rufaraldursins sem ætlað er að
nýtist beint heimilum og fyrir­
tækjum í landinu. Meðal úrræða
eru lokunarstyrkir og brúarlán,
barnabótaauki, lenging tekju­
tengdra atvinnuleysisbóta og ferða­
gjöf til allra landsmanna sem náð
hafa átján ára aldri. Gert er ráð fyrir
að afkoma ríkissjóðs versni um 192
milljarða króna á næsta ári vegna
beinna efnahagslegra áhrifa farald­
ursins. Þá er alls gert ráð fyrir 264
milljarða króna halla árið 2021.
Mannréttindadómstóll Evrópu
Yfirdeild Mannréttindadómstóls
Evrópu (MDE) staðfesti í byrjun
desember dóm réttarins í Lands­
réttarmálinu sem kveðinn var
upp 12. mars í fyrra. Einróma
niðurstaða var sú að með því
að hafa ekki skipað dómara
við Landsrétt í samræmi
við landslög hafi íslenska
ríkið brotið í bága við
ákvæði Mannréttinda­
sáttmálans um réttláta
málsmeðferð.
Í apríl kusu dóm­
arar MDE nýjan for­
seta dómsins og það
va r hinn íslensk i
Róbert Spanó sem tók
við embættinu af gríska
dóma r a nu m L i no s­
Alexandre Sicilianos.
Skjálfandi jörð
Mikið var um jarðhræringar
við Grindavík á árinu og aðfara­
nótt 31. janúar mældust þar til
að mynda fjórtán skjálftar. Þann
26. janúar lýstu almannavarnir
yfir óvissustigi vegna landriss og
mögulegrar kvikusöfnunar við
fjallið Þorbjörn á Reykjanesi, við­
bragðsáætlun var kynnt fyrir
íbúum Grindavíkur á fjölmennum
íbúafundi degi síðar. Á fundinum
var lögð áhersla á að allir héldu ró
sinni en væru þó við öllu búnir.
Flestir voru skjálftarnir á svæð­
inu ekki ýkja stórir en þann 12.
mars mældist skjálfti af stærðinni
5,2 og tæpum tveimur vikum síðar
mældist skjálfti af stærðinni 3,4. Þá
mældust stórir skjálftar á svæðinu í
kringum Grindavík í júlí og fundust
þeir vel á höfuðborgarsvæðinu. Það
sama má segja þegar stærsti skjálfti
sem mælst hefur á Reykjanesi síðan
árið 1968, af stærðinni 5,7, reið
yfir í október en hann fannst vel í
Reykjavík og vakti athygli víða um
heim þar sem Katrín Jakobsdóttir
forsætisráðherra var í viðtali við
bandaríska dagblaðið Washington
Post þegar skjálftinn dundi yfir.
Í júní lýsti almannavarnadeild
ríkislögreglustjóra yfir óvissustigi
á Norðurlandi vegna jarðskjálfta­
hrinu sem átti upptök sín um 20
kílómetrum norðaustan við Siglu­
fjörð. Varað var til að mynda við
grjóthruni á svæðinu.
Allt nötraði á Siglufirði þegar
harður jarðskjálfti að stærð 4,6 varð
rétt fyrir klukkan eitt aðfaranótt 24.
júlí og lýstu íbúar miklum drunum
og titringi. Skjálftinn fannst greini­
lega um allan Tröllaskaga og víðar á
Norðurlandi.
Júlíus Geirmundsson
Í lok október bárust fregnir um að
togarinn Júlíus Geirmundsson hefði
haldið áfram í þriggja vikna veiði­
túr eftir að kórónaveirusmit kom
upp meðal áhafnarinnar á öðrum
degi.
Á hafnar með limir sögðu á standið
um borð hafa verið skelfi legt. Þeim
hefði verið bannað að ræða veik­
indin við frétta menn eða á sam­
fé lags miðlum. Þegar í ljós kom að
lyfja birgðir um borð væru ekki
nægar fyrir alla sem voru veikir
varð að neita ein hverjum þeirra um
verkja lyf.
Skipstjóri togarans var í kjölfarið
ákærður fyrir brot á sjómanna­
lögum.
Mikill veðurofsi
Vetrarmánuðir í byrjun ársins voru
erfiðir og verða sennilega lengi í
minnum hafðir. Í byrjun janúar
lentu 39 ferðamenn í sjálf heldu á
Langjökli eftir að ferðaþjónustu­
fyrirtækið Mountaineers of Iceland
sendi hópinn af stað í vélsleðaferð
þrátt fyrir veðurviðvaranir. Hópur­
inn sat fastur í átta klukkustundir á
Langjökli ásamt tíu starfsmönnum
fyrirtækisins.
Svokallað Valentínusarfárviðri
skall á þann 14. og 15. febrúar en
áhrifa óveðursins gætti víða. Bátur
sökk í Vestmannaeyjahöfn, rýma
þurfti hús í Garðinum er kjallarinn
fylltist af vatni, maður slasaðist í
Hvalfirði og í Landeyjum brotnuðu
27 rafmagnsstaurar.
Ólga á vinnumarkaði
Mikil ólga var á atvinnumarkaði á
árinu og fóru félagsmenn Eflingar
með annars í verkfall. Félagsmenn
Eflingar hjá Reykjavíkurborg fóru
í ótímabundið allsherjarverkfall í
febrúar og efndu til baráttufundar
í Iðnó. Síðan var gengið undir lúðra­
þyt Lúðrasveitar verkalýðsins yfir
í Ráðhús Reykjavíkur. Samningar
náðust á milli félagsmanna og
sveitarfélaga eftir meira en mán­
aðarlangar verkfallsaðgerðir og
mikil fundarhöld.
Í september lýst u Sa mtök
atvinnulífsins (SA) því yf ir að
forsendur Líf kjarasamningsins
væru brostnar og því væri þeim
heimilt að segja samningnum upp
mánaðamótin á eftir kæmi verka­
lýðshreyfingin ekki til móts við
atvinnulífið.
Drífa Snædal, forseti ASÍ, sagðist
ekki telja að forsendur samnings­
ins væru brostnar. Mikilvægt væri
að halda friði á vinnumarkaði. Af
stað fóru mikil og löng fundar­
höld og þann 29. september var
tilkynnt samhljóða ák vörðun
framkvæmdastjórnar SA um að
Lífskjarasamningurinn væri áfram
í gildi.
birnadrofn@frettabladid.is
Hamfaraárið 2020 brátt á enda runnið
Heimsfaraldur, veðurofsi, jarðhræringar og ólga á atvinnumarkaði voru einkennandi fyrir óvenjulegt ár sem líður senn undir lok.
Þá áttu sér stað hrókeringar innan lögreglu og Guðni Th. var endurkjörinn forseti. Fréttablaðið fer yfir nokkur af málum ársins.
Unglingsstúlka var grafin undir snjó í um 40 mínútur þegar snjóflóð féllu á Flateyri í janúar. MYND/HAUKUR SIGURÐSSON
Raðir voru einkennandi fyrir árið og hefur fjöldi fólks beðið í röð eftir sýna-
töku, en yfir 230 þúsund sýni hafa verið tekin hér. FRÉTTABLAÐIÐ/ANTON BRINK
Guðni Th. Jóhannesson var endur-
kjörinn forseti Íslands í forsetakosn-
ingum í júní. FRÉTTABLAÐIÐ/ERNIR
INNLENDUR FRÉTTAANNÁLL
3 0 . D E S E M B E R 2 0 2 0 M I Ð V I K U D A G U R8