Fréttablaðið - 30.12.2020, Síða 57

Eva Sóley Guðbjörnsdóttir, framkvæmdastjóri fjármála-sviðs Icelandair Group, segir
að fjárhagsleg endurskipulagning
félagsins hafi verið f lókin og krefj-
andi. „Lokahnykkurinn var vel
heppnað hlutafjárútboð þar sem
félagið tryggði sér 23 milljarða
króna í hlutafé og sjö þúsund nýir
hluthafar bættust við hluthafahóp
félagsins,“ segir hún.
Hvað var krefjandi á árinu sem er
að líða?
„Árið 2020 fór vel af stað hjá Icel-
andair Group, rekstur félagsins var
í takt við áætlanir fyrstu tvo mán-
uðina og útlitið fyrir árið var gott.
Þá skall kórónuveirufaraldurinn á
og þar með hvarf tekjugrundvöllur
félagsins að miklu leyti á aðeins
nokkrum vikum. Eins og önnur
flugfélög neyddumst við til að draga
saman seglin eins hratt og mögu-
legt var. Það var ljóst að við ættum
mikið verk fyrir höndum að koma
félaginu í gegnum erfiðar aðstæður
og á sama tíma tryggja rekstrar-
grundvöll þess til framtíðar og verja
störf. Eitt af stærstu verkefnunum í
þessari vegferð var fjárhagsleg end-
urskipulagning félagsins sem var í
senn flókin og krefjandi. Með sam-
stilltu átaki framúrskarandi starfs-
fólks okkar og ráðgjafa náðum við
að ljúka þessu verkefni á nokkrum
mánuðum þar sem allir hagaðilar
lögðu sitt af mörkum. Lokahnykk-
urinn var vel heppnað hlutafjárút-
boð þar sem félagið tryggði sér 23
milljarða króna í hlutafé og sjö
þúsund nýir hluthafar bættust við
hluthafahóp félagsins.“
Hvað gekk vel á árinu 2020?
„Við erum þakklát fyrir þann
mikla stuðning sem félaginu var
sýndur í útboðinu. Samhliða fjár-
hagslegri endurskipulagningu
vann starfsfólk af öllum sviðum
Icelandair Group þrekvirki í þjón-
ustu við viðskiptavini í gjörbreyttu
umhverfi. Þá tókst okkur með mik-
illi útsjónarsemi að sækja ný verk-
efni, til dæmis í leigu- og fraktflugi,
og þar með nýta innviði og auka
tekjur félagsins. Þar á meðal voru
um 80 ferðir með lækningavörur
frá Kína til Þýskalands, Kanada og
Bandaríkjanna.
Um miðjan júní, þegar sóttvarna-
reglur á landamærum voru rýmkað-
ar, náðum við að nýta sveigjanleika
leiðakerfis Icelandair og bregðast
hratt við aukinni eftirspurn eftir
f lugi með góðum árangri. Það voru
þó vonbrigði að þurfa að skella í
lás aftur um miðjan ágúst þegar
ástandið hóf að versna á ný.
Í öllum þeim krefjandi verkefn-
um sem við stóðum frammi fyrir á
árinu sýndi það sig enn og aftur að
styrkleikar félagsins liggja meðal
annars í reynslu og þekkingu starfs-
fólks og ekki síst samheldni þegar á
móti blæs.“
Hvernig horfir árið 2021 við þér í
rekstrinum?
„Árið 2021 verður krefjandi en
jafnframt spennandi ár. Megin-
verkefni okkar verður að lágmarka
rekstrarkostnað á meðan núverandi
ástand varir en á sama tíma tryggja
að félagið sé tilbúið að taka á loft um
leið og heimurinn hefur náð betri
tökum á kórónuveirunni. Starfs-
fólk félagsins vinnur nú hörðum
höndum að því að undirbúa við-
spyrnuna sem verður vonandi fyrr
en síðar á nýju ári.
Við ætlum okkur að halda áfram
að tryggja öflugar f lugsamgöngur
til og frá Íslandi og búa til tækifæri
fyrir Ísland sem tengimiðstöð í f lugi
milli Evrópu og Norður-Ameríku
með tilheyrandi ávinningi fyrir
íslenskt efnahagslíf og lífsgæði hér á
landi. Ég hef fulla trú á því að Ísland
verði áfram eftirsóttur áfangastað-
ur ferðamanna enda kjöraðstæður
hér sem munu heilla í kjölfar farald-
ursins – víðerni, öryggi og fátt fólk.
Með öf luga innviði, sveigjanlegt
leiðakerfi, sterkan efnahagsreikn-
ing, breiðan hluthafahóp og síðast
en ekki síst frábært starfsfólk, erum
við vel í stakk búin til að takast á við
það sem árið 2021 ber í skauti sér.“
Fjárhagsleg endurskipulagning flókin og krefjandi 
Eva Sóley Guðbjörnsdóttir segir meginverkefnið að lágmarka rekstrar-
kostnað Icelandair á meðan fólk ferðist ekki vegna COVID-19. MYND/AÐSEND
Jón Björnsson, forstjóri Origo, segist sakna stemningarinnar á skrifstofunni í COVID-19. „Ég
saknaði oft á þessum tímum að
sjá aðgerðir hins opinbera betur
tengdar þeim takmörkunum sem
sóttvarnirnar settu á sumar greinar
atvinnulífsins. Í rekstri gerir maður
alltaf plön sem gera ráð fyrir að
umhverfið geti orði svona til fram-
tíðar og því þurfum við að mæta
þeim aðstæðum og læra að lifa við
nýjan raunveruleika,“ segir hann.
Hvað gekk vel á árinu 2020?
„Í lok mars síðastliðins sat ég á
stjórnarfundi í skandinavísku net-
verslunarfyrirtæki og forstjórinn
lýsti því yfir að líklega væri árið
2020 farið og nýja planið væri að
stefna á að ná því á árinu 2021 sem
við höfðum stefnt að 2020. Þremur
mánuðum síðar sat ég aftur á
stjórnarfundi hjá sama fyrirtæki,
nú í gegnum fjarfund. Það var
komið allt annað hljóð í strokkinn
hjá forstjóranum. Ljóst var að þær
aðstæður sem væru komnar upp
gerðu það að verkum að við værum
að sjá f leiri nýja viðskiptavini en
nokkru sinni áður. Allt liti út fyrir
að við myndum ná 2021 mark-
miðunum núna árið 2020 slík væri
neyslubreytingin af COVID-19. Það
má því segja að vírusinn hafi orsak-
að einhverja mestu umbreytingu í
hinum stafræna heimi og fært alla
þróun fram um 2-3 ár á nokkrum
mánuðum.
Þegar ég svo kom til Origo fyrir
rétt rúmum 3 mánuðum var allt á
f leygiferð í sömu vegferð. COVID-
19 var mesti umbreytingarkraftur í
stafrænum málum sem fyrirtækið
hefur séð í nokkur ár. Á meðan ég
reyndi að kynna mér fyrirtækið
varð ég vitni að frábærri aðlögun
starfsfólks að nýjum aðstæðum
þar sem færri mættu á skrifstofu
og unnu í stað heiman að frá sér og
nýttu sér alla þá tækni sem til er til
að halda áfram með alls kyns krefj-
andi verkefni. Sjálfur sakna ég skrif-
stofustemningarinnar og þeirrar
dýnamíkur og hugmyndasköpunar
sem hún býr til, en sé líka tækifærin
í að geta búið til umhverfi sem hent-
ar frábæru fólki í að blómstra. Það
er án efa stærsti ávinningurinn.“
Hvað var krefjandi á árinu sem er
að líða?
„Sum fyrirtæki hafa lent á vegg
á árinu. Án nokkurrar viðvörunar
var rekstrargrundvelli fjölmargra
fyrirtækja kippt undan þeim og á
meðan sum fyrirtæki glímdu við
hraðar breytingar þurftu önnur
að glíma við gríðarlega erfiðar
aðstæður þar sem rekstrarumhverfi
þeirra breyttist dag frá degi án þess
að fyrirtækin ættu yfirhöfuð mögu-
leika á að bregðast við þeim. Slíkar
breytingar taka á og við eigum eftir
að bíta úr nálinni með hvernig við
komum út úr þessu. Ég saknaði oft
á þessum tímum að sjá aðgerðir
hins opinbera betur tengdar þeim
takmörkunum sem sóttvarnirnar
settu á sumar greinar atvinnulífs-
ins. Í rekstri gerir maður alltaf plön
sem gera ráð fyrir að umhverfið geti
orði svona til framtíðar og því þurf-
um við að mæta þeim aðstæðum og
læra lifa við nýjan raunveruleika.
Atvinnugreinar hafa áður aðlagast
og breytt sér, en það getur þurft að
hjálpa þeim þegar umhverfið breyt-
ist fyrirvaralaust.“
Hvernig horfir árið 2021 við þér í
rekstrinum?
„Upplýsingatækni er ekki lengur
stoðdeild í fyrirtæki heldur sá
umbreytingarþáttur sem ræður
mestu um hvernig þú kemur þeirri
vöru eða þjónustu sem þú ert að
selja eða koma á framfæri. Sterk
félög eru því í auknum mæli að sjá
að fjárfesting í slíkri umbreytingu
skilar sér beint í tekjumyndun
félagsins og möguleikum þess að
vera framarlega á sínu sviði.“
Saknar stemningarinnar á skrifstofunni
Jón tók við sem forstjóri Origo fyrir þremur mánuðum. FRÉTTABLAÐIÐ/ERNIR
Sigríður Margrét Oddsdóttir, f r a m k væmd a st jór i Ly f ju , segir að reksturinn á nýju ári
fari eftir því hvernig tekst til með
bólusetningar við COVID-19 og
hvaða sóttvarnaráðstafanir verða í
gildi. „Ég er bjartsýn og jákvæð að
eðlisfari og treysti því að stjórnvöld
geri allt sem er í þeirra valdi til að
tryggja að bólusetningar gangi hratt
og vel fyrir sig,“ segir hún og vekur
athygli á að starfsfólk Lyfju hafi
verið í framlínunni allt árið.
Hvað gekk vel á árinu 2020?
„Það gekk vel að ryðja nýjar
brautir, Lyfja setti á markað fyrsta
íslenska snjall apótekið, app sem er
meira en vefverslun, um er að ræða
sérsniðna þjónustu fyrir hvern og
einn viðskiptavin. Með appinu eru
upplýsingar um lyf, virkni og notk-
un aðgengilegar með einum smelli,
hægt er að kaupa lyf og fá heimsend
á innan við klukkutíma eða sækja
í næsta apótek Lyfju. Það má líka
spjalla við sérfræðinga Lyfju í app-
inu og annast lyfjakaup fyrir þá sem
ekki geta það sjálfir.
Við hófum líka að aðlaga verslan-
ir okkar og vöruval að nýrri stefnu
á árinu, Lyfja er svo miklu meira en
bara apótek. Ein mest spennandi
nýjungin í vöruvalinu okkar er
DNA próf frá MyHeritage sem veitir
upplýsingar bæði um uppruna og
genetíska áhættu á fjölda sjúk-
dóma. Hjúkrunarþjónusta Lyfju
hefur fengið aukið vægi í nýjum
verslunum okkar en í Lágmúla, á
Smáratorgi og nú síðast á Akureyri
geta viðskiptavinir fengið hjúkrun-
arþjónustu án þess að panta tíma.
Hjúkrunarfræðingar Lyfju annast
heilsufarsmælingar, bólusetningar,
aðstoða við val á vörum og veita þá
hjálp sem þarf hverju sinni. Heilsu-
húsið er líka orðið hluti af Lyfju, því
geta viðskiptavinir fengið náttúru-
legar og umhverfisvænar vörur frá
Heilsuhúsinu hjá okkur.
Sjálfbærni og samfélag hafa verið
okkur hugleikin á árinu, Lyfja gerði
samning við Kolvið sem felur það í
sér að Kolviður gróðursetur árlega
sem samsvarar 2.732 trjám til móts
við þau 240 tonn af koldíoxíði sem
starfsemin losar á ári. Við tókum
í notkun fyrsta lyfjaskilakassann
sem er staðsettur í Lyfju á Smára-
torgi og verður innan tíðar í f leiri
apótekum en örugg lyfjaskil eru
eitt mikilvægasta framlag Lyfju
til umhverfisverndar. Því miður
mælast reglulega efni sem eru talin
vera ógn við lífríki og vatnaum-
hverfi í sýnum Umhverfisstofnunar,
við sýnum öll ábyrgð með því að
skila ónotuðum lyfjum í apótek til
öruggrar eyðingar. Lyfja úthlutaði
í fyrsta sinn úr styrktarsjóði sem
settur hefur verið á laggirnar, það
fengu tíu verkefni sem teljast heilsu-
eflandi og/eða hafa forvarnargildi
stuðning á árinu.“
Hvað var krefjandi á árinu sem er
að líða?
„Heimsfaraldurinn og afleiðingar
hans, við þurftum að innleiða nýtt
vinnulag, gera viðbragðsáætlanir og
breytingar til þess að tryggja öryggi
okkar viðskiptavina og starfsfólks.
Við lögðum mikla áherslu á að finna
góðar vörur á góðu verði sem nýtast
öllum til að verjast veirunni. Það
var erfiðast að þurfa á sama tíma
að takmarka samskipti og hittast
sjaldnar augliti til auglitis. Starfs-
fólk Lyfju hefur verið í framlínunni
allt árið og annast viðskiptavini
vel í krefjandi aðstæðum. Ég hef í
örfá skipti á ævinni verið jafn stolt
af teymi eins og starfsfólki Lyfju á
þessu ári.“
Hvernig horfir árið 2021 við þér í
rekstrinum?
„Það fer eftir því hvernig tekst til
með bólusetningar og hvaða sótt-
varnaráðstafanir verða í gildi. Ég
er bjartsýn og jákvæð að eðlisfari
og treysti því að stjórnvöld geri allt
sem er í þeirra valdi til að tryggja
að bólusetningar gangi hratt og vel
fyrir sig. Við hjá Lyfju höfum boðið
fram aðstoð og munum sannarlega
ekki láta okkar eftir liggja ef þess
verður óskað.
Áhersla á heilbrigði og forvarnir
hefur sjaldan verið mikilvægari en
líka lágt lyfjaverð um allt land.“
Treystir stjórnvöldum til að bólusetja þjóðina hratt
Sigríður Margrét Oddsdóttir, framkvæmdastjóri Lyfju. MYND/AÐSEND
Lokahnykkurinn
var vel heppnað
hlutafjárútboð þar sem
félagið tryggði sér 23 millj-
arða króna í hlutafé og sjö
þúsund nýir hluthafar
bættust við hluthafahóp
félagsins.
Ljóst var að þær
aðstæður sem væru
komnar upp gerðu það að
verkum að við værum að sjá
fleiri nýja viðskiptavini en
nokkru sinni áður.
Því miður mælast
reglulega efni sem
eru talin vera ógn við lífríki
og vatnaumhverfi í sýnum
Umhverfisstofnunar, við
sýnum öll ábyrgð með því
að skila ónotuðum lyfjum í
apótek til öruggrar eyðingar.
3 0 . D E S E M B E R 2 0 2 0 M I Ð V I K U D A G U R12 MARKAÐURINN