Dagblaðið Vísir - DV - 30.12.2020, Qupperneq 11

FRÉTTIR 11DV 30. DESEMBER 2020
milli ríkisins og Félags ís­
lenskra hjúkrunarfræðinga
þann 10. apríl. Mikil reiði
greip um sig meðal hjúkr­
unarfræðinga þegar samning­
urinn var kynntur þeim, enda
töldu þeir kjörin samkvæmt
samningnum ekki góð. Það fór
því svo að samningurinn var
felldur þann 29. apríl. Hávært
kall barst frá landsmönnum
samhliða kjaraviðræðunum,
þar sem skorað var á ríkið að
gera vel við hjúkrunarfræð­
inga sem höfðu staðið í fram­
línunni í kórónuveirufaraldr­
inum.
Maí
Í byrjun maí var ákveðið að
slaka á sóttvarnaaðgerðum.
Tilslakanir tóku gildi þann
4. maí þar sem samkomu­
bann var rýmkað úr 20 í 50
manns. Faraldurinn var tal­
inn í rénun og hafði Ísland
vakið heimsathygli fyrir gott
gengi í baráttunni við veiruna.
Margir töldu baráttuna unna
og mátti greina mikinn létti
í samfélaginu sem fagnaði
tilslökunum og sumrinu og
landsmenn hófu að ferðast um
landið til að halda uppi ferða­
þjónustunni og geðheilsunni.
Líkamsrækt, íþróttir og sund­
ferðir voru aftur á dagskrá
og knæpur máttu hafa opið til
23.00.
Dýr landkynning
Stjórnvöld ákváðu að ráðast í
landkynningu á Íslandi sem
ferðamannastað á erlendum
mörkuðum með markaðs­
átakinu: Ísland – saman í
sókn. Fjöldi auglýsingastofa
sóttist eftir því að fá að taka
verkefnið að sér, en fyrir val­
inu varð bresk stofa, M&C
Saatchi, íslenskum stofum til
lítillar gleði. Eftirminnilegasti
afrakstur þessa markaðsátaks
er sennilega herferðin Let It
Out. Þar til gerðum hátölurum
var komið fyrir víðs vegar um
landið og fólki boðið að losa
um uppsafnaða streitu vegna
heimsfaraldursins með því
að láta öskur sín hljóma hér á
landi. Ísland hefur ætlað vel á
annan milljarð króna í þetta
átak.
Icelandair fylgdi eftir stóru
hópuppsögninni með því að til­
kynna að félagið vantaði um
30 milljarða inn í reksturinn.
Hið opinbera samþykkti lána­
línu, en skilyrti hana við að­
komu markaðarins í gegnum
hlutafjárútboð á genginu ein­
um, og allsherjar endurskipu­
lagningu á fjárhag félagsins.
Útboðið fór fram á haustmán­
uðum og tókst vel til.
Lítið gekk á í Alþingi nema
þá til þess að afgreiða allra
brýnustu málin er tengdust
aðgerðum ríkisins vegna CO­
VID­19 faraldursins. Í viðtali
við DV seinna um sumarið
sagði Steingrímur J. Sigfús­
son, forseti Alþingis, að í upp­
hafi hefðu menn ekki vitað
hvernig þetta yrði, en þegar
þingið var ekki undanskilið
20 manna samkomubanni
hefði hann þurft að bregðast
við. „Það máttu bara vera 20
í salnum í einu, aðrir horfðu
á umræður í hliðarsölum
þingsins og svo þegar kom að
atkvæðagreiðslum þurfti að
fara í þessa hringekju,“ sagði
Steingrímur og vísaði til þess
að þingmennirnir röðuðu
sér upp í röð með tvo metra
á milli manna og gengu inn
í þingsal einum megin og úr
honum hinum megin í hala­
rófu. Þannig var tryggt að
þingmenn mættust ekki meira
en þurfti. Steingrímur rifjaði
enn fremur upp fjarfundi
þingnefnda, sem þá voru ný­
mæli. „Þetta var eiginlega bíó
að fylgjast með þessu,“ sagði
hann. „Það verður talað um
þetta í framtíðinni.“
Verkfall starfsmanna Efl­
ingar hjá öðrum sveitarfélög­
um á höfuðborgarsvæðinu en
Reykjavík stóð í um viku í
apríl.
Samherjabörnin
Tekist var á um uppbyggingu
varnarmannvirkja við Kefla­
víkurflugvöll innan ríkis­
stjórnarinnar, en sagt var að
Vinstri græn hefðu hafnað
uppbyggingunni með öllu.
Guðlaugur Þór Þórðarson
utanríkisráðherra lagði tillög­
una fram í ríkisstjórninni og
sagði þar að um væri að ræða
12­18 milljarða framkvæmd
sem skapa myndi hundruð
starfa á Suðurnesjum.
Athygli vakti þegar stærstu
hluthafar í Samherja fram­
seldu hlutabréf sín til barna
sinna. Tímasetningin olli
tortryggni í kjölfar Sam­
herjamálsins, sem var um­
fangsmikið á síðasta ári. En
Samherjamenn færðu þau rök
fyrir ákvörðuninni að þetta
hefði verið í nokkur ár í und­
irbúningi og ætti að treysta
mikilvæg fjölskyldutengsl.
Kjaraviðræður við Flug­
freyjufélagið sigldu í strand í
mánuðinum. Deilan harðnaði
til muna þegar fréttir láku út
að Icelandair væri að skoða
þann möguleika að ganga til
viðræðna við annað stéttar­
félag í flugstéttinni og snið­
ganga þannig Flugfreyju­
félagið alfarið.
Utankjörfundaratkvæða­
greiðsla vegna forsetakosn­
inganna þann 27. júní hófst í
lok mánaðarins og voru tveir
í framboði. Sitjandi forseti
Guðni Th. Jóhannesson, og
Guðmundur Franklín Jónsson.
Áfram bárust tíðindi um
uppsagnir í ferðaþjónustunni
og víðar. Bláa lónið sagði upp
403 starfsmönnum eftir mik­
inn samdrátt og óvissu.
Júní
Kórónuveirufaraldurinn setti
strik í reikninginn hjá þeim
landsmönnum sem hugðust
verja frídögum utan land­
steinanna og mikil umræða
skapaðist um réttindi þeirra
sem höfðu bókað sér svonefnd­
ar pakkaferðir. Margar ferða­
skrifstofur brugðu á það ráð
að bjóða viðskiptavinum end­
urgreiðslu í formi inneigna,
mörgum til lítillar gleði. Fjöl­
margir stigu fram opinberlega
og greindu frá samskiptum
sínum við ferðaskrifstofur og
vandkvæðum við að fá ferð­
irnar endurgreiddar. Sam­
kvæmt ályktun Evrópuþings­
ins áttu neytendur skýlausan
rétt til endurgreiðslu þó þeir
gætu vissulega þegið inn­
eign í staðinn, en það væri þá
þeirra val en ekki ferðaskrif­
stofunnar. Stjórnvöld brugðu
á það ráð að koma á fót svo­
nefndum Ferðaábyrgðarsjóði
til að endurgreiða neytendum
pakkaferðir og var ferðaskrif­
stofum veittur sex ára frestur
til að greiða sjóðnum til baka.
Forsetakosningar
Kjaramál voru áfram áber­
andi í umræðunni. Flugfreyj­
ur og Icelandair skrifuðu und­
ir nýjan kjarasamning sem
var síðar felldur með afger­
andi hætti í atkvæðagreiðslu
félagsmanna Flugfreyjufélags
Íslands. Icelandair tilkynnti í
kjölfarið að felldi samningur­
inn hefði verið þeirra besta
boð og óvíst væri hvað fram­
haldið hefði í för með sér.
Hjúkrunarfræðingar féllust
á miðlunartillögu ríkissátta­
semjara og var ákveðið að vísa
afmörkuðum hluta launaliðar
í Gerðardóm. Gerðardómur
reyndist svo vonbrigði og var
talið að með honum hafi ekki
tekist að leiðrétta laun hjúkr­
unarfræðinga í samræmi við
ábyrgð þeirra og menntun til
samræmis við aðrar viðmið­
unarstéttir.
Landsmenn gátu hugsað um
eitthvað annað en faraldurinn
þann 27. júní þegar forseta­
kosningar fóru fram. Þar
hlaut sitjandi forseti, Guðni
Th. Jóhannesson, yfirgnæf­
andi meirihluta atkvæða, eða
um 92,2% gildra atkvæða. Er
það næstmesti stuðningur sem
nokkur hefur hlotið í forseta­
kjöri í lýðveldissögunni.
Umdeild ritstjórastaða
Annað stórt fréttamál í júní
var ritstjórastaða hagfræði­
tímaritsins Nordic Economics
Policy Review. Hagfræðingn­
um Þorvaldi Gylfasyni hafði
verið boðin staðan, sem hann
þáði, en fjármálaráðuneytið
lagðist gegn því, þar sem
þeim þótti Þorvaldur of póli­
tískur til að gegna stöðunni.
Ákvörðunina rökstuddi ráðu­
neytið með vísan í Wikipedia­
síðu um Þorvald, sem sagði
hann formann stjórnmála­
afls. Síðar kom á daginn að
þær upplýsingar voru rangar.
Bjarni Benediktsson fjár­
málaráðherra var kallaður á
fund stjórnskipunar­ og eftir­
litsnefndar og beðinn um að
skýra afstöðu ráðuneytisins í
málinu. Í kjölfarið hófst um­
ræða um stöðu fræðimanna á
Íslandi og þær afdrifaríku af­
leiðingar sem stjórnmálaskoð­
anir gætu haft á feril þeirra.
Þrennt lést í
miklum bruna
á Bræðra-
borgarstíg.
MYND/
ANTON BRINK