Sveitarstjórnarmál - 2020, Side 29

SVEITARSTJÓRNARMÁL
29
gert áætlanir um hvernig bregðast má við
til að efla viðnámsþrótt samfélagsins og
flýta bata.
Haustið 2017 var farið af stað með
svokallaðar Almannavarnavikur á
Suðurlandi að frumkvæði lögreglustjórans
í því umdæmi. Almannavarnarvikur
voru haldnar í öllum 14 sveitarfélögum
umdæmisins og var stuðst við LVN
leiðbeiningarnar í þeirri vinnu. Hún
skilaði meðal annars áætlunum um
langtímaviðbrögð við samfélagslegum
áföllum sem sniðnar voru að hverju
sveitarfélagi fyrir sig.
Árið 2019 stóðu Samband
íslenskra sveitarfélaga og Stofnun
Sæmundar fróða að könnun á stöðu
almannavarnarmála í sveitarfélögum
landsins. Einnig var könnuð þekking
á LVN og notkun á leiðbeiningunum.
Rafræn spurningakönnun var send til
forstöðumanna sveitarfélaga um land
allt. Svör bárust frá 64 sveitarfélögum
(87%), sem má telja mjög gott og
gefur góða frumhugmynd um starf
sveitarfélaga í almannavarnamálum.
Fyrstu niðurstöður sýna að töluvert vantar
á að viðbúnaður geti talist viðunandi um
land allt. Aðeins 18 sveitarfélög hafa
staðfesta viðbragðsáætlun og aðeins 8
sveitarfélög hafa kannað sitt áfallaþol
skv. lögum um almannavarnir. Hvað
varðar LVN leiðbeiningarnar kannaðist
aðeins um þriðjungur sveitarfélaga við
þær. Frekari upplýsinga þarf að afla
til að sjá hvort og hvernig þær hafa
nýst þessum sveitarfélögum við gerð
viðbragðsáætlana. En telja má víst að
mörg – og jafnvel meirihluti sveitarfélaga
- gæti auðveldað sér vinnuna við að efla
áfallaþol samfélagsins með því að nýta
LVN leiðbeiningarnar.
Vert er að undirstrika að LVN
leiðbeiningarnar geta nýst við gerð
viðbragðsáætlana vegna ólíkra
áfalla, ekki einungis náttúruhamfara,
þótt þær hafi verið í brennidepli í
rannsóknarvinnunni. Þannig nýtti stjórn
Hveragerðisbæjar LVN leiðbeiningarnar
við gerð sértækrar áætlunar vegna
H1N1 eða svínaflensunnar, sem var
skilgreind sem heimsfaraldur af Alþjóða
heilbrigðisstofnuninni í júlí 2009. Á
Íslandi smituðust þúsundir manna af Mynd af kápu skýrslunnar um LVN. Ljósm.: Vera Pálsdóttir