Bændablaðið - 20.08.2020, Blaðsíða 34
Bændablaðið | Fimmtudagur 20. ágúst 202034
UTAN ÚR HEIMI
Ratcliffe fær að framleiða Grenadier-útgáfu
sína af hinum sögufræga Land Rover Defender
Segja má að milljarðamæringurinn
Jim Ratcliffe, sem á drjúgan skerf
af Íslandi, hafi náð undir sig
hönnunarstolti Breta á dögunum.
Þá tapaði Jaguar Land Rover
samsteypan máli um að Ineos
Group, sem er í eigu Ratcliffe,
yrði meinað að koma á markað
Grenadier-jeppanum í endurbættri
eftirlíkingu af gamla góða Land
Rover Defender.
Málið er nokkuð sérstakt því þessi
stolt breskra bílasmiða, bæði Jaguar
og Land Rover, eru nú í eigu Tata
Motors á Indlandi sem keypti Jaguar
Land Rover af Ford árið 2008. Stærstu
eigendur Tata Motors í dag eru um
200 stofnanafjárfestar víða um heim,
bankar og sjóðir.
Hönnunarréttarkröfu hafnað
Fór Jaguar Land Rover fram á
að fá útlitshönnun gamla Land
Roversins viðurkennda af bresku
hugverkastofnuninni. Við því varð
ekki orðið og hafnaði dómstóll
í London áfrýjunarkröfu Jaguar
Land Rover. Kannski ekki skrítið
þar sem ítalski bílaframleiðandinn
IVECO hefur framleitt jeppa sem er
mjög svipaður útlits frá 2007 undir
nafninu IVECO Massive. Hann var
reyndar framleiddur í samvinnu við
Santana Motors á Spáni sem aftur
var í nánu samstarfi við Land Rover
fyrir nokkrum áratugum og hét þá
Land Rover Santana, SA. Framleiddi
Santana þá m.a. endurskapaðan 5 dyra
Land Rover undir heitinu Santana PS-
10. Samstarfi Santana og Land Rover
var slitið árið 1983.
Framleiðslu á Landrover Defender
með gamla laginu var hætt 2016
Framleiðslu á Land Rover með gamla
útlitinu var hætt er síðasti bíllinn rann
af færibandinu í Solihull í Bretlandi
29. janúar 2016. Þá var búið að
framleiða um tvær milljónir eintaka
af bílnum sem byggði í megindráttum
á þessum sama útlitsgrunni sem kom
á markað 1948 undir heitinu Land
Rover HUE 166.
Grenadier á að koma
á markað á næsta ári
Ratcliffe getur því ótrauður haldið
áfram við að koma Grenadier í fram-
leiðslu. Segja má að búið sé að poppa
talsvert upp gamla Land Rover útlitið,
en meiningin er að hann verði öflugur
torfærujeppi til að takast á við allar
erfiðustu aðstæður. Fyrirtæki hans,
Ineos, sagði í yfirlýsingu að ætlunin
væri að koma jeppanum á markað
2021. Upphaflega var hugmyndin að
smíða bílinn að hluta í nýrri verk-
smiðju í Bridgend í Wales og grindina
í verksmiðju í Portúgal. Ineos er
einnig sagt hafa verið í samninga-
viðræðum um að kaupa verksmiðju
Daimler í Hambach í Frakklandi til
að framleiða bílinn. Ekkert hefur þó
verið staðfest í þeim efnum.
/HKr.
Hönnun Grenadier-jeppans er sótt í gamla góða Landrover Defender. Grenadier er í eigu Ineos Group, sem miljarðamæringurinn Jim Ratcliffe er aðaleigandi
að. Ráðgert var að hefja framleiðslu á jeppanum fyrir almennnan markað á næsta ári, en óvissa um endanlegan framleiðslustað og heimsfaraldur vegna
COVID-19 gætu þó mögulega sett þær áætlanir í uppnám, eða kannski að Ratcliff birtist bara á honum í laxveiði í Vopnafirði næsta sumar.
Fyrsta útgáfan af Land Rover frá 1948 sem var með framleiðsluheitið HUE 166. Síðasti Land Rover defender-jeppinn rennur af framleiðslulínunni í Solihull
í Bretlandi 29. janúar 2016. Framleiðsluheitið á honum var HI66 HUE.
Spænska útgáfan af Land Rover Defender sem framleidd var af Land Rover
Santana, SA. á Spáni fram til 1983.
Ítalska útgáfan af Land Rover Defender sem framleidd var af IVECO í sam-
starfi við Santana á Spáni.
Skeifunni 3h ll Sími: 588 5080 ll dynjandi.is
Öflugar
rafstöðvar
Hjá Dynjanda færðu öflugar rafstöðvar,
í mismunandi stærðum og gerðum
sem henta fyrir margskonar aðstæður.
Við veitum þér faglega aðstoð.
Hafðu samband.