Bændablaðið - 20.08.2020, Side 48
Bændablaðið | Fimmtudagur 20. ágúst 202048
MATARKRÓKURINN
LÍF&LYST – BÆRINN OKKAR
Brynjar og Guðný eru bæði úr
Hvalfjarðarsveit en keyptu Bálka
staði 1 í lok árs 2018 og tóku þá
við búskapnum þar.
Býli: Staðarhreppur (hinn forni) í
Hrúta firði í Húnaþingi vestra.
Staðsett í sveit: Staðarhreppur
(hinn forni) í Hrútafirði í Húnaþingi
vestra.
Ábúendur: Brynjar Ottesen og
Guðný Kristín Guðnadóttir.
Fjölskyldustærð (og gæludýra):
Við erum 6 manna fjölskylda sem
búum hérna, Brynjar og Guðný og
börnin okkar, Arnfinnur Guðni, 14
ára, Samúel Kári, 11 ára, Þórður
Ármann, 7 ára og Bryndís Jóna, 5
ára og hundurinn okkar hún Táta.
Stærð jarðar? Eitthvað um 600 ha.
Gerð bús? Sauðfjárbú og eitthvað af
hestum fjölskyldunni til skemmtunar
og notkunar í smalamennskum.
Fjöldi búfjár og tegundir? 570 fjár
á vetrarfóðrun og 15 hross.
Hvernig gengur hefðbundinn
vinnudagur fyrir sig á bænum? Á
venjulegum degi fer Guðný til vinnu
á Hvammstanga og börnin til skóla.
Brynjar sér um dagleg störf á búinu
sem eru mismunandi eftir árstíma.
Skemmtilegustu/leiðinlegustu
bústörfin? Það er ekkert leiðin-
legt en auðvitað eru verkin mis-
skemmtileg. Það sem okkur þykir
síst er að moka skít og skafa grind-
ur. Ætli þau skemmtilegustu séu
ekki sauðburður, smalamennskur
og annað fjárrag á haustin þegar
við sjáum afraksturinn.
Hvernig sjáið þið búskapinn
fyrir ykkur á jörðinni eftir fimm
ár? Með svipuðum hætti.
Hvar teljið þið að helstu tæki
færin séu í útflutningi íslenskra
búvara? Að efla íslenska fram-
leiðslu og að lögð sé áhersla á
hreinar afurðir.
Hvað er alltaf til í ísskápnum?
Mjólk, smjör, ostur, egg og bjór.
Hver er vinsælasti maturinn
á heimilinu? Kjöt í karrí og
kjötsúpa tróna saman á toppnum
hjá fjölskyldunni.
Eftirminnilegasta atvikið við
bústörfin? Það var 8. desem-
ber 2018 þegar við pökkuðum
búslóðinni okkar niður með mik-
illi og góðri hjálp frá ættingjum
og vinum. Keyrðum norður fyrir
heiði og fyrri ábúendur keyrðu
úr hlaði með búslóðina sína. Við
fluttum inn þann dag og gáfum
fyrstu gjöfina í fjárhúsunum þá
um kvöldið.
Núðlu- og kúrbítspitsur – og haustsalat
Það lítur út eins og pitsa, lyktar
eins og pitsa, það bragðast jafnvel
svolítið eins og pitsa, en það er ekki
pitsa. Að minnsta kosti ekki að því
leyti ef pitsur eru skilgreindar af
brauðskorpunni.
Stökk núðlupitsa
Hráefni
› 2 pakkar skyndinúðlur
› 1 flaska eða dós pitsusósa
› 200 g ostur
› 50 g parmesan-ostur
› Álegg að eigin vali
› Kryddjurtir eftir smekk
Aðferð
Þetta byrjar allt með vel heitri steypu-
járnspönnu.
Tvær matskeiðar af ólífuolíu á
pönnuna og svo bætt við tveimur
(forsoðnum) pökkum af soðnum
ramen-núðlum og þeim þrýst niður
í jafnt lag. Hugmyndin er að búa til
pönnuköku af núðlum, svo það er
mikilvægt að þrýsta þétt niður og
spara sér tímann við að laga pitsubotn
með tilheyrandi vinnu og hveiti út
um allt eldhús.
Þunnt lag af rifnum osti verndar
núðlurnar en bætir einnig smá fitu
og bragði sem seytlar niður þegar
þær bakast.
Næst á eftir, sósa og meiri ostur. Ég
notaði pepperoni og parmesan sem
álegg.
Pitsan fer í 250 gráðu heitan ofn
þar til hún er brúnuð og stökk. Það
tekur um það bil 20 mínútur. Þegar
þetta kemur úr ofninum, verið tilbúin
með meiri parmesan-ost til að rífa
yfir. Þetta mun líta út eins og pitsa.
Best er að losa hana varlega með
þunnum málmspaða og renna henni
út á disk.
Skreytt að eigin vali, skemmtileg til-
raun og tilbreyting.
Kúrbíts-pitsubotn án hveitis og
kolvetnis
Kúrbítur er gott hráefni í stökka og góða
pitsuskorpu – og eftirsóknarverður
eftir vinsældir blómkálsbotnsins fyrir
nokkrum árum.
Hafðu pitsuna þína bragðgóða og
mataræðið hreint.
Hráefni
› Þrír miðlungsstórir kúrbítar – oft
kallaður zucchini – eða um það bil
fjórir bollar rifinn kúrbítur
› 1 stórt egg
› 2 hvítlauksrif, söxuð
› 1/2 tsk. þurrkað oregano
› 1 poki rifinn mozzarella
› ½ biti rifinn parmesan
› 50 g maíssterkja
› salt
› Nýmalaður svartur pipar
› ¼ flaska pitsusósa
› 1/4 pakki pepperoni
› Ferskt salat og kryddjurtir eftir smekk
› Rauðar chili-flögur til að skreyta og fá
smá auka hita
› Fersk basilika (valkvætt)
Aðferð
Hitið ofninn í 220 gráður og setjið
smjörpappír á bökunarplötu. Rífið
kúrbít með rifjárni eða í matvinnslu-
vél. Notið ostadúk eða þvottahand-
klæði til að vinda umfram raka úr
kúrbítnum.
Setjið kúrbít í stóra skál með eggi,
hvítlauk, oregano. Blandið saman
við einn bolla mozzarella, parmesan
og maíssterkju. Kryddið með salti og
pipar. Hrærið þar til þessu er alveg
blandað saman.
Flytjið þetta „deig“ yfir á tilbúna
bökunarplötu og klappið í skorpu
með höndunum. Bakið þar til botninn
er gullinn og þurr viðkomu, í um 25
mínútur.
Dreifið pitsusósu yfir botninn og
toppið síðan með mozzarella og
pepperoni. Bakið þar til osturinn er
bráðinn og skorpan orðin stökk, í um
það bil 10 mínútur í viðbót. Skreytið
með rauðum chili-flögum og basiliku.
Haustsalat
Nú styttist í uppskeru og hægt að
skera flest grænmeti með rifjárni.
Hráefni
› 1/2 haus, rauðkál - rifinn eða saxaður
› 4 gulrætur - skornar fínt
› 3 msk. eplaedik
› 2 msk. jómfrúar ólífuolía
› 1 msk. hunang
› Krydd eftir smekk
› Salt og/eða pipar
› Valfrjálst er að nota þurrkaða ávexti,
fræ, saxaðar hnetur, vorlauk eða
rauðlauk
Aðferð
Í stórri skál er blandað saman káli
og gulrótunum. Næst, í lítilli eða
miðlungsstórri blöndunarskál, þeytið
saman ediki, ólífuolíu, hunangi og
kryddi.
Setjið helminginn af kálinu og
gulrótunum í skálina. Blandið restinni
af kálinu og gulrótunum út í blönduna
á meðan hrært er.
Geymið í kæli í að minnsta kosti
klukkustund.
Þegar þið eruð tilbúin að bera þetta
fram skal toppa salatið með því sem
óskað er, eins og hnetur eða fræ,
og bera fram.
Bjarni Gunnar Kristinsson
matreiðslumeistari
Haustsalat.
Bálkastaðir 1