Morgunblaðið - 01.08.2020, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 1. ÁGÚST 2020
Vaðlaheiðargöng
Reykjavík
Akureyri
Seyðisfjörður
Akureyri
Ey
ja
fjö
rð
ur
- keyrðu í gegn og fáðu rukkun í heimabanka
Þetta þarf ekki að vera flókið
Athugið að eftirvagna þarf ekki að
skrá né borga fyrir sérstaklega!
Þjónustuver Vaðlaheiðarganga
er opið 10 til 12 og 13 til 15 virka daga
464 1790 veggjald@veggjald.is
STANGVEIÐI
Eggert Skúlason
eggert@mbl.is
Mikið hefur verið rætt um þá
miklu veiði sem nú er í Eystri-
Rangá. Hún er eins og flestir
þekkja á sem byggir alfarið á
seiðasleppingum. En það gerir
systuráin Ytri-Rangá líka. Það er
því ljóst að miklu skiptir hver
uppruni seiðanna er og meðhöndl-
un þeirra.
Nú er það að gerast að Affallið,
sem er fjögurra stanga á í Land-
eyjum er að gefa mjög góða veiði.
Affallið var hástökkvari vikunnar í
veiðitölum og skilaði áin tæplega
250 löxum í síðustu viku og er það
mesta vikuveiði á landinu ef frá er
talin þúsund laxa vikan í Eystri-
Rangá. Það er Landssamband
veiðifélaga sem vikulega birtir
veiðitölur á vef sínum angling.is
og eru tölurnar fengnar þaðan. Af-
fallið er komið í áttunda sæti yfir
gjöfulustu laxveiðiárnar í sumar
og fór upp fyrir mörg af stóru
nöfnunum eins og Selá, Langá,
Hofsá og fleiri. Líklegt er að hún
klífi enn hærra í næstu tölum.
Guðmundur Atli Ásgeirsson er
umsjónarmaður Affallsins og þetta
kemur honum ekki á óvart. „Við
slepptum sömu seiðum og gert var
í Eystri-Rangá. Þetta voru mjög
flott og sterk seiði og þau hafa
greinilega komist vel frá vetrar-
dvölinni í sjó,“ sagði Guðmundur
Atli í samtali við Morgunblaðið.
Hann telur að Affallið eigi jafn-
vel inni metár, en mesta skráða
veiði sem hægt er að sjá í Affall-
inu var árið 2010. Þá veiddist
1.021 lax en í fyrra var veiðin ekki
nema 323 laxar. Affallið var síð-
asta miðvikudag komið í 516 laxa
og mikið af fiski í ánni að sögn
veiðimanna. Veitt er á flugu og
maðk í ánni og þar er ekki sleppi-
skylda á laxi. Það er þó alla vega
hvernig hin ýmsu holl bregðast við
því. Þannig segir Guðmundur Atli
að í síðustu viku hafi verið holl
sem sleppti nánast öllum fiski.
Þá er ljóst að Þverá í Fljótshlíð
er líka að fara að láta að sér
kveða, en áin er komin yfir hundr-
að laxa, að sögn Guðmundar Atla
sem einnig fóstrar hana. Það er
ljóst að nóg verður að gera hjá
Guðmundi Atla í sumar fram á
haust því hann hefur yfirumsjón
með septemberveiði í Eystri-
Rangá og er að selja í allar þessar
þrjár ár. Þverá er síðsumarsá og
fer seinna af stað en nágrannar
hennar.
Þegar Guðmundur Atli er beð-
inn um skýringar á þessari sér-
stöðu þessara þriggja áa í grennd
við Fljótshlíðina telur hann að þar
eigi mjög stóran þátt Einar Lúð-
víksson, sem var framkvæmda-
stjóri veiðifélags Eystri-Rangár
þar til í fyrra, og að hann hafi
þróað aðferðir sem nýtast vel við
sleppingar.
Fögur er hlíðin – full af laxi
 Vikuveiðin í Eystri-Rangá yfir þúsund laxar  Affallið í Landeyjum komið í hóp aflamestu ánna
Morgunblaðið/Einar Falur
Spriklandi lax Mikil veiði hefur verið í rangæskum ám að undanförnu.
Afl ahæstu árnar
Heimild: www.angling.is
0 1.000 2.000 3.000
Staðan 29. júlí 2020
Veiðistaður
Stanga-
fjöldi Veiði
31. júlí
2019
1. ágúst
2018
Eystri-Rangá 18 3.308 1.349 1.367
Ytri-Rangá & Hólsá, vesturbakki 18 1.140 628 1.549
Urriðafoss í Þjórsá 4 793 680 1.038
Miðfjarðará 10 729 647 1.422
Norðurá 15 645 225 1.352
Haffjarðará 6 566 302 1.075
Þverá og Kjarrá 14 538 421 1.975
Affall í Landeyjum 4 516 90 155
Selá í Vopnafi rði 6 482 606 706
Langá 12 425 198 1.003
Hofsá og Sunnudalsá 6 404 325 384
Laxá í Kjós 8 389 83 667
Blanda 9 334 480 771
Jökla 8 333 237 303
Laxá á Ásum 4 316 275 402
Fallegur urriði Guðmundur Atli Ásgeirsson með urriða úr Ytri-Rangá.