Morgunblaðið - 01.08.2020, Blaðsíða 32

32 MINNINGAR
MORGUNBLAÐIÐ LAUGARDAGUR 1. ÁGÚST 2020
Helgi Jónsson,
afi minn, var yndis-
legur maður.
Frá því ég man
eftir mér var hann
alltaf svo glæsilegur og snyrti-
lega til fara.
Rétt áður en hann fór á
Dvalarheimilið Höfða fórum við
fjölskyldan að kíkja á hann, þá
tók þessi mikla þvottaefnislykt á
móti okkur þegar við löbbuðum
inn. Þá hafði hann verið að taka
til, að sjálfsögðu. Alltaf svo
ákveðinn í að hafa snyrtilegt í
kringum sig.
Þegar ég var lítil var ég oft hjá
ömmu og afa á Akureyri,
Laugarvatni og í Kópavogi. Eft-
irminnilegastur var tíminn þegar
afi var bankastjóri á Akureyri.
Við amma Halla höfðum það gott
á daginn, kíktum stundum á afa á
skrifstofuna og það er í minning-
unni ein flottasta skrifstofa sem
ég hef séð. Þar lærði ég að gang-
andi vegfarandi ætti alltaf rétt-
inn þar sem amma hikaði ekki
við að strunsa yfir gangbrautirn-
ar.
Við fórum reglulega á rúntinn
og smá bílasölurúnt í leiðinni, afi
var mikill bílaáhugamaður. Hann
átti alltaf fína bíla og ég man
ekki eftir bílunum hans öðruvísi
en glansandi fínum.
Það eru góðar og eftirminni-
legar minningar frá því við vor-
um í sumarbústaðnum á Laugar-
vatni. Hann passaði mikið upp á
það, þegar við barnabörnin fór-
um út á bát, að við værum innan
ákveðins svæðis. Ef einhver fór
lengra en mátti þá var afi ekki
kátur og leyfði þeim að heyra
það.
Tíminn sem við áttum saman á
Laugarvatni er dýrmætur. Fara
út á bát, veiða silung og koma
með hann upp í bústað til ömmu
þar sem hann var steiktur á
pönnu.
Hann spilaði á píanó og
harmonikku. Þegar við heimsótt-
um hann í júní sl. söng Guð-
mundur minn og dansaði fyrir
hann, afi hafði orð á því hvað það
hefði verið gaman ef hann væri
með harmonikkuna. Ég er sam-
mála, það hefði verið gaman. En
við skemmtum okkur vel án
hennar í þetta skiptið. Strákun-
um mínum þótti gaman að heim-
sækja afa því hann kom oft með
góðar og skemmtilegar sögur.
Afi var alltaf hreinskilinn og
orðheppinn maður, sagði það
sem honum fannst. Hann var
mikill stjórnandi og stjórnaði al-
veg fram á hinsta dag.
Ég er þakklát fyrir að hafa átt
góðan afa og góða ömmu, lærði
mikið af þeim báðum og tek þann
lærdóm með mér út í lífið.
Halla Karen.
Það er rosalega gott þegar
maður getur horft til baka og
verið svona þakklátur fyrir allan
tímann sem ég fékk með þér og
Helgi Jónsson
✝ Helgi Jónssonfæddist 9. febr-
úar 1928. Hann lést
14. júlí 2020.
Útförin fór fram
22. júlí 2020.
ömmu. Þegar ég var
lítill áttuð þið heima
á Akranesi þar sem
þú varst útibús-
stjóri í Landsbank-
anum og bjugguð á
bankaloftinu. Það
var alltaf rosalega
gaman að heim-
sækja ykkur, á
Akranesi og síðar
norður á Akureyri.
Þegar þið fluttuð
norður fékk ég að dvelja lengri
tíma með ykkur í senn, þú fórst
með mig á völlinn, komst mér að
á fótboltaæfingum með KA. Þið
amma voruð svo natin að gera
dvölina skemmtilega. Skemmti-
legustu tímarnir voru þegar
haldið var upp í bústað með ykk-
ur. Sumarbústaðurinn á Laugar-
vatni var greinilega uppáhalds-
staður ykkar, og minn líka. Þið
amma voru svo dugleg að taka
mig og Helga Rafn bróður minn
með og ekki má gleyma að Helgi
Teitur sonur ykkar gerði dvölina
enn skemmtilegri. Á Laugar-
vatni fengum við ómetanlegan
tíma með ykkur, hvert einasta
sumar var haldið upp í bústað
þar sem ævintýraheimur hvers
barns beið eftir manni, vatnið
var mikið aðdráttarafl þar sem
við veiddum mikið, auk þess sem
við fengum að smíða og bralla
eins og við nenntum. Ófáa fiska
veiddum við saman, þar sem ég
og þú fórum saman á bát og lögð-
um net á meðan nafnarnir Helgi
Teitur og Helgi Rafn lögðu net á
öðrum stað á litla bátnum. Þegar
heim var komið var talið og höfð-
um við nánast alltaf vinninginn,
ekki þarf þó að taka fram að við
fórum alltaf mikið lengra og með
stærra net.
Þú hefur verið mér mikil fyrir-
mynd í svo mörgu í lífinu, at-
hafnasamur, skemmtilegur, hlýr
og góður maður að öllu leyti, og
það besta er að ég náði að segja
þér margoft hvað ég er þákklát-
ur að eiga þig sem afa og hvað
mér þykir vænt um þig.
Hvíldu nú í friði elsku besti afi
minn, nú færð þú að hitta ömmu í
sumarlandinu góða.
Sverrir Örn Gunnarsson.
Þegar ég frétti andlát Helga
móðurbróður míns rann upp fyr-
ir mér að nú væri móðir mín ein
eftir af upprunalega Hlaða-íhald-
inu, sem svo var kallað.
Helgi var mjög myndarlegur
og vörpulegur maður, með yfir-
bragð aristókrata. Jafnan var
hann kátur og brosmildur en
samt fastur fyrir á sinn ljúf-
mannlega hátt.
Það var manni lærdómsríkt og
raunar forréttindi að hafa þekkt
hann alla ævi, því fyrirmynd var
hann ungviðinu góð. Helgi komst
vegna lyndiseinkunnar sinnar
skjótt til æðstu metorða og
mannaforráða innan Landsbank-
ans. Þar sat Helgi í hásæti sínu
og stjórnaði af visku sinni og
röggsemi. Maður heyrði því jafn-
an fleygt að hann hefði ávallt
verið farsæll í starfi sínu þannig
að vel kom bæði bankanum sem
og viðskiptavinum hans.
Helgi var lánsamur í maka-
vali, því yndislegri og glæsilegri
konu var vart að finna en Höllu.
Saman eignuðust þau glæsilegan
og mannvænlegan hóp afkom-
enda. Vissulega féll Halla vin-
kona mín frá allt of fljótt og varð
stórt skarð fyrir skildi að henni
genginni. Síðar varð Helgi svo
lánsamur að kynnast Margréti,
sem er kona mikilla mannkosta
og falleg utan sem innan.
Þó svo að Helgi hafi náð góð-
um aldri gerir fráfall hans mann-
lífið vissulega litlausara og sökn-
uðinn ekkert minni eða
auðveldari.
Ég sendi hópnum hans Helga
innilegar samúðarkveðjur og bið
algóðan Guð að blessa ykkur og
varðveita og um leið blessa minn-
ingu góðs og vandaðs manns.
Þorsteinn.
Helgi föðurbróðir minn er lát-
inn, 92 ára að aldri. Hann var
yngstur fjögurra bræðra, hinir
voru í aldursröð Garðar, Ólafur og
Páll. Helga kynntist ég í barn-
æsku og var hann aldrei langt
undan.
Helgi og kona hans Hallbjörg
voru alltaf mjög indæl og barngóð
og var mjög eftirsóknarvert að
fara til þeirra í heimsókn, enda
áttu þau ekkert barn þegar ég var
að slíta barnsskónum og naut
þess að sjálfsögðu. Ég minnist
þess að þau fóru í siglingu þegar
ég hef verið 4-5 ára og færðu mér
forláta Lappabúning að gjöf við
heimkomu, en þá var ekki mikið
um erlend föt og þótti mér bún-
ingurinn gersemi enda litfagur.
Svo liðu árin og ég eins og fleiri
naut þess að vera tengdur þessum
heiðurshjónum. Ég á margar
ógleymanlegar minningar frá
heimsóknum til Helga og Höllu,
en þau voru vandað og gott fólk.
Halla lést árið 1998, sem var
Helga og börnum þeirra mikið
áfall.
Frá barnæsku og þar til fram
yfir fermingu ólst ég upp við það
að Helgi og pabbi áttu saman
sauðfé, eflaust til að afla matar til
heimilisþarfa og sér til skemmt-
unar, en ærnar voru yfir 100 þeg-
ar mest var.
Búskapurinn var rekinn á jörð-
inni Árbæ í Ölfusi þar sem faðir
þeirra átti land. Fjölskyldan
stundaði heyskap á jörðinni og afi
og fjölskyldan voru með hross
þar, enda stundaði hann hrossa-
rækt.
Jörðinni fylgja veiðihlunnindi
og sáu þeir Helgi og pabbi um þau
mál. Þá var veitt í net og þurfti því
að fara og vitja um kvölds og
morgna. Þá kom upp sú staða að
þeir bræður sáu að ekki var
stunduð veiði frá Þórustöðum og
varð úr að þeir fengu veiðina þar
og bættu við sig enda stutt milli
lagna Árbæjar og Þórustaða.
Þess má geta að fjölskyldan hafði
hesthús í Árbæ og á Selfossi. Afi
hafði byggt hesthús og gerði í
miðju þorpinu og nutu allir
fjölskyldumeðlimir þess er það
vildu.
Páll bróðir Helga var einnig í
hestum um tíma og tók hann þátt
í heyskap og öllu hrossatengdu.
Á haustin var bílskúr okkar,
sem er við þjóðveg nr. 1 á Selfossi,
breytt í vel búið sláturhús þar
sem þeir bræður slátruðu sínu fé
og nágrannar komu með sitt fé og
allir sameinuðu krafta sína við
slátrunina. Þá var til reiðu frysti-
geymsla sem var í húsi Páls.
Faðir bræðranna, Jón Pálsson
dýralæknir, leit eftir öllu hrein-
læti við slátrunina, og er þetta
fyrsta heimaslátrunin þar sem
menn fóru heim með kjötið skoð-
að og stimplað af dýralækni.
Þegar þetta var bjó fjölskyld-
an á sama reit á Selfossi og var
stutt í allar áttir, en það átti eftir
að breytast þegar Helgi og Halla
fluttust frá Selfossi 1971. Auk
hestamennsku hafði Helgi mik-
inn áhuga á stangveiði, en hana
stundaði hann um árabil.
Í gegnum það sem að framan
greinir ólst ég upp og tók fullan
þátt. Ég er þakklátur pabba og
Helga fyrir lærdóminn og
reynsluna af þessu.
Ég kynntist Helga mjög vel og
vorum við alla tíð vinir og frænd-
ur góðir. Helgi hafði alla kosti
sem góða og vandaða menn
prýða.
Ég bið góðan guð að styrkja
börn hans og aðra afkomendur í
sorginni.
Jón Ólafsson.
Við hjónin sáum Helga Jóns-
son fyrrverandi bankaútibús-
stjóra síðast á ættarmóti afkom-
enda Hlaðasystkina á Minniborg
síðasta sumar.
Það var þá tekið til þess
hversu ern Helgi var. Teinréttur
á velli en hann var með hærri
mönnum. Samsvaraði sér vel
með þykkt hár. Hann var léttur í
fasi við þetta tækifæri og virtist
fylgjast með öllu. Það hvarflaði
ekki að manni þá að þar færi
maður á tíunda tug og manni
fannst sjálfsagt að hann myndi
lifa lengi eftir þetta, slík reisn og
skýrleiki sem var yfir honum.
Halldór sá hann Helga Jóns-
son fyrst í eldhúsinu í Eyvindar-
tungu þar sem hann var strákur í
sveit hjá höfðingjanum honum
Teiti Eyjólfssyni og indælis konu
hans Sigríði. Þau voru foreldrar
hennar Höllu, sem Helgi var þá
þegar búinn að fastna sér sem
konu. Halldór var kjaftfor pjakk-
ur á þessum árum og sprellikall
og man hann að Helgi hló dátt að
bullinu í stráknum en honum
sjálfum þótti hann vera eitur-
sniðugur í heimsku sinni að geta
komið þessum virðulega frænda
sínum til að hlæja.
Helgi og Halla áttu saman
langa ævi þar til Halla veiktist og
féll frá í blóma lífsins 1998, að-
eins 65 ára að aldri. Saman áttu
þau fjögur börn sem öll eru nýtir
borgarar og frá þeim stór ætt-
bogi.
Helgi var farsæll útibússtjóri
hjá Landsbankanum víða um
land, á Ísafirði, Akranesi og á
flaggskipinu Akureyri. Hann tók
líka að sér að reka frystihús fyrir
bankann í Ólafsvík um tíma
þannig að traust bankastjóranna
á honum stóð föstum fótum þeg-
ar mikið lá við.
Helgi var glaðsinna eins og öll
fjölskylda Jóns Pálssonar dýra-
læknis og Áslaugar Stephensen í
Hlöðum á Selfossi. Helgi byrjaði
sinn langa bankastarfsferil í
Landsbankanum á Selfossi sem
fulltrúi Einars Pálssonar útibús-
stjóra, þá kornungur maður með
bíladellu. Hann var sagður eiga
það til að fá bíl pabba síns lán-
aðan og fara á honum í vinnuna,
100 metra yfir Austurveginn,
sem voru þá að bankanum frá
Hlöðum. Þá þótti það nefnilega
fínna að vera á bíl en á hjóli eins
og sumum þykir víst núna.
Þeir voru fjórir bræðurnir í
Hlöðum og þar ríkti sko engin
lognmolla við matborðið. Þar var
hnakkrifist um pólitík þótt allir
væru á sama máli. En allt heim-
ilisfólkið, að honum Þorvarði
Sölvasyni, Vassa, meðtöldum,
voru harðir íhaldsmenn og hátt-
skrifaðir liðsmenn Sjálfstæðis-
flokksins. Stundum barði sá
gamli Jón dýri svo fast í borðið
til pólitískrar áherslu að leirtauið
dansaði ræl á borðinu og glamrið
heyrðist út á götu.
Það var á þessu heimili sem
Steinunn Helga, þriggja ára
dóttir Ragnheiðar, kom til fóst-
urs hjá móðursystur sinni og
Jóni dýra. Bræðurnir tóku henni
allir með kostum og kynjum og
ólst hún þar upp sem alsystir
þeirra.
Seinna byggðu þau Áslaug og
Jón sér nýtt hús á Hlaðavöllum
þaðan sem Steinunn giftist Hall-
dóri fyrir nærri 60 árum. En þá
höfðu allir bræðurnir byggt sér
hús í kallfæri þar í kring. Þótti
þetta mörgum vera einsdæmi um
samheldni þessarar fjölskyldu.
Við hjónin eigum aðeins ljúfar
minningar um hann Helga Jóns-
son og allt sem honum tengdist.
Við sendum ástvinum hans
okkar bestu kveðjur.
Steinunn Helga og Halldór.
Elskulegur bróðir okkar,
GUÐMUNDUR B. KJARTANSSON,
Tjarnargötu 27,
Keflavík,
lést á Heilbrigðisstofnun Suðurnesja
miðvikudaginn 22. júlí.
Útförin hefur farið fram í kyrrþey.
Innilegar þakkir til starfsfólks D-deildar Heilbrigðisstofnunar
Suðurnesja fyrir einstaka umönnun og hlýtt viðmót.
Fyrir hönd aðstandenda,
Bjarni og Sigrún
Elskuleg móðir okkar, tengdamóðir, amma
og langamma,
VALGERÐUR HREFNA GÍSLADÓTTIR,
lést á Hrafnistu sunnudaginn 26. júlí.
Útförin fer fram frá Áskirkju miðvikudaginn
5. ágúst klukkan 13.
Fyrir hönd aðstandenda,
Guðríður Andrésdóttir
Grímheiður Andrésdóttir Jóhann Bogason
Kristjana Friðbjörnsdóttir
barnabörn og barnabarnabörn
Ástkær eiginkona, móðir, tengdamóðir,
amma og langamma,
GUÐFINNA SOFFÍA SVEINSDÓTTIR
lést laugardaginn 25. júlí á dvalar-
heimilinu Höfða, Akranesi.
Útför fer fram frá Akraneskirkju
miðvikudaginn 5. ágúst klukkan 13.
Sérstakar þakkir færum við starfsfólki dvalarheimilisins Höfða
og HVE fyrir góða umönnun.
Brandur Jónsson
Salvör Lilja Brandsdóttir Björn Þorri Viktorsson
Sveinn Brandsson Olga Grevtsova
Jón Brandsson Bergný Dögg Sophusdóttir
Heiðdís Björk Brandsdóttir
og ömmubörnin
Ástkær eiginkona mín, móðir okkar,
tengdamamma, amma og langamma,
EVA MAGNÚSDÓTTIR
Heiðargerði 48,
lést á hjúkrunaheimilinu Boðaþingi
mánudaginn 20. júlí. Útför hennar fer fram
frá Lindakirkju í Kópavogi fimmtudaginn 6. ágúst klukkan 13.
Sérstakar þakkir færum við starfsfólki Spóalundar, hjúkrunar-
heimilinu Boðaþingi, fyrir frábæra umönnun, nærgætni og hlýju.
Steinþór Marinó Gunnarsson
Sigrún Steinþórsdóttir
Erna Steinþórsdóttir Eyjólfur Hjaltason
Hildur Steinþórsdóttir Jóhannes K. Guðlaugsson
Guðrún Steinþórsdóttir Þorsteinn Pálmarsson
barnabörn og barnabarnabörn
Ástkær eiginmaður minn, faðir okkar,
tengdafaðir, afi og langafi,
HINRIK LÍNDAL HINRIKSSON,
Hjarðarholti 17, Akranesi,
lést í faðmi fjölskyldunnar sunnudaginn 26. júlí.
Útför fer fram frá Akraneskirkju 6. ágúst klukkan 13:00.
Vegna aðstæðna í þjóðfélaginu verður streymt frá athöfninni á
vef Akraneskirkju www.akraneskirkja.is
Júlíana Karvelsdóttir
Karvel Líndal Hinriksson Inga Dís Sigurðardóttir
Ása Líndal Hinriksdóttir Guðráður Gunnar Sigurðsson
Olga Líndal Hinriksdóttir Jóhann Þór L. Kristjánsson
barnabörn og barnabarnabörn
Ástkær eiginkona mín, móðir okkar,
tengdamóðir, amma og langamma,
MARGRÉT S. EINARSDÓTTIR,
fv. sjúkraliði og forstöðumaður,
Norðurbrú 1,
Garðabæ,
sem lést 16. júlí, verður jarðsungin frá Vídalínskirkju í Garðabæ
föstudaginn 7. ágúst klukkan 13.
Vegna aðstæðna í samfélaginu er athöfnin einungis fyrir allra
nánustu en verður einnig streymt á slóðinni: www.utformse.is.
Þeim sem vilja minnast hennar er bent á Barnaspítalasjóð
Hringsins.
Atli Pálsson
Hallgrímur Atlason Guðbjörg Jónsdóttir
Guðjón Atlason Ana Isorena Atlason
Atli Atlason Elin Svarrer Wang
barnabörn og barnabarnabörn