Morgunblaðið - 10.09.2020, Blaðsíða 29

FRÉTTIR 29Erlent
MORGUNBLAÐIÐ FIMMTUDAGUR 10. SEPTEMBER 2020
Tímapantanir á
opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
Boris Johnson, forsætisráðherra
Bretlands, tilkynnti í gær hertar
sóttvarnaaðgerðir stjórnvalda
vegna kórónuveirufaraldursins, en
nýjum tilfellum hefur fjölgað ört í
Bretlandi síðustu daga.
Samkvæmt nýju reglunum mega
nú ekki fleiri en sex manns hittast í
einu. Þá verður smitrakning skylda
á börum og öðrum stöðum þar sem
fólk getur hist.
Undanþágur verða veittar í viss-
um tilfellum, svo sem í brúðkaupum
og jarðarförum, og fyrir vinnustaði
og fjölmennar fjölskyldur. Johnson
sagði einnig á upplýsingafundi
stjórnvalda að skimunum á fólki
sem kæmi frá hættusvæðum yrði
hraðað.
Aðgerðirnar koma ekki til af
góðu, þar sem daglega greinast um
3.000 ný tilfelli af kórónuveirunni í
Bretlandi. Þeir sem nú smitast eru
einkum ungt fólk, en sú hefur einn-
ig verið raunin í flestum öðrum
ríkjum Evrópu sem hafa þurft að
glíma við „aðra bylgju“ kórónuveir-
unnar.
Johnson kynnti einnig „tungl-
skots“-áætlun, þar sem skima
mætti milljónir manna á hverjum
degi fyrir veirunni til að leyfa þeim
sem eru ósmitaðir að ferðast án
takmarkana.
Sagði Johnson að ef þessi aðferð
gengi upp gæti það þýtt að sum svið
bresks atvinnulífs sem hafa átt erf-
itt uppdráttar, líkt og leikhús, gætu
farið að nálgast „eðlilegt líf“, jafn-
vel fyrir næstu jól.
AFP
Bretland Boris Johnson kynnti hertar aðgerðir stjórnvalda í gær.
Herða mjög á
sóttvörnum Breta
 Stefna að fjöldaskimunum í lok árs
Stefán Gunnar Sveinsson
sgs@mbl.is
Þúsundir hælisleitenda í Grikklandi
eru nú á vergangi eftir að eldur
kviknaði í Moria-flóttamannabúðun-
um á eyjunni Lesbos. Eyðilagði
hann allar búðirnar, þar sem um
4.000 manns höfðust við, og að auki
stórt tjaldsvæði, þar sem áætlað var
að um 8.000 manns til viðbótar
hefðu búið sér skjól. Engan sakaði
svo vitað sé.
Kyriakos Mitsotakis, forsætisráð-
herra Grikklands, sagði í gær að
upptök eldsins mætti rekja til „of-
beldisfullra viðbragða“ við niður-
stöðum kórónuveiruprófa, en eldsins
varð vart nokkrum klukkustundum
eftir að tilkynnt hafði verið að 35
manns í búðunum hefðu greinst já-
kvæðir fyrir kórónuveirunni.
Hermdu fyrstu fréttir af vettvangi
að hælisleitendur í sóttkví hefðu
kveikt eldana vísvitandi.
Ursula von der Leyen, forseti
framkvæmdastjórnar Evrópusam-
bandsins, sagði að hún væri miður
sín yfir tíðindunum og hét því að það
væri í forgangi að tryggja öryggi
þeirra sem þarna hefðu misst skjól.
Þá hefur Evrópusambandið lofað
því að borga fyrir flutning 400 ung-
menna án foreldra til annarra ríkja.
Heiko Maas, utanríkisráðherra
Þýskalands, sagðist vilja að hin að-
ildarríki ESB íhuguðu hvernig þau
gætu aðstoðað.
Norsk stjórnvöld hafa þegar heit-
ið því að þau muni taka að sér 50
flóttamenn frá Sýrlandi, en óvíst er
hvort grísk stjórnvöld muni heimila
þeim flóttamönnum sem nú dveljast
á Lesbos að yfirgefa eyjuna.
Aðstæðurnar þóttu mjög lakar
Flóttamannastofnun Sameinuðu
þjóðanna lýsti því yfir í gær að hún
væri að leita að öllum leiðum til þess
að koma skjóli yfir flóttamennina,
og hvatti stofnunin alla til þess að
sýna stillingu, en spenna hefur ríkt
á milli flóttamannanna og innfæddra
íbúa Lesbos-eyjar undanfarna mán-
uði.
Flóttamannastofnunin hefur auk
nokkurra mannréttindasamtaka
löngum gagnrýnt aðbúnað fólksins í
Moria-búðunum, sem voru þær
stærstu í Grikklandi. Var hreinlæt-
isaðstöðu ábótavant auk þess sem
búðirnar voru byggðar með 2.800
manna hámarksfjölda í huga.
Íbúar Moria-búðanna kölluðu þær
„frumskóginn“, en áætlað var að um
20.000 manns hefðu þurft að hafast
þar við þegar mest var. Vændi, kyn-
ferðisofbeldi, slagsmál og morð voru
þar sögð daglegt brauð, og hefur
fjöldi fólks þar orðið fyrir hníf-
stunguárásum eða öðru ofbeldi.
Þúsundir flóttamanna á
vergangi eftir eldsvoða
 Stærstu flóttamannabúðir Grikkja brunnu til kaldra kola
AFP
Moria Ung stúlka stendur fyrir framan brunarústir í flóttamannabúðunum.