Morgunblaðið - 10.09.2020, Blaðsíða 53

MENNING 53
MORGUNBLAÐIÐ FIMMTUDAGUR 10. SEPTEMBER 2020
Nánari upplýsingar um sýningartíma á sambio.is
Magnaður nýr spennuþriller
með Russell Crowe í aðalhlutverki.
SÝND MEÐ ÍSLENSKU
OG ENSKU TALI
AÐRAR MYNDIR Í
SÝNINGU:
* Harry Potter
* Tröll 2 (ísl. tal)
* Hvolpasveitin (ísl. tal)
* The Secret :
Dare to dream
FYRSTA STÓRMYND ÁRSINS
Nýjasta Meistaraverk
Christopher Nolan
SÝND MEÐ
ÍSLENSKU TALI
Frábær ný teiknimynd fyrir
alla fjölskylduna.★★★★★
★★★★★
★★★★★
The Guardian
The Times
The Telegraph
Kristín Heiða Kristinsdóttir
khk@mbl.is
„Við þurfum að miða vetrarstarfið
okkar við fjöldatakmarkanir sem
fylgja covid, en við fögnum því að
nú hefur verið fjölgað úr hundrað í
tvö hundruð sem mega koma sam-
an og að bilið milli fólks hefur ver-
ið minnkað úr tveimur metrum í
einn. Við þurfum því að hafa auð
sæti á milli gesta sem sitja í Saln-
um á viðburðum hjá okkur,“ segir
Aino Freyja Järvelä, forstöðumað-
ur Salarins í Kópavogi, og bætir
við að þau séu með ákveðna covid-
stillingu á miðasölunni, sem sé
sannarlega betri kostur en að loka
Salnum alveg.
„Við ætlum að bjóða upp á fjöl-
breytta dagskrá í vetur. Við erum
stolt af sérstakri dagskrá sem er
tengd 250 ára afmæli tónskáldsins
Ludwigs van Beethoven. Þar munu
píanóleikarar á Íslandi taka að sér
að flytja allar 32 píanósónötur
Beethovens á níu tónleikum. Þetta
er þó nokkuð maraþon og ótrúlega
skemmtilegt. Sumar af þessum
sónötum hafa ekki mikið verið
fluttar hér á landi og þykja erfiðar,
en svo eru aðrar sem allir þekkja,
eins og til dæmis Tunglskinssón-
atan. Ég hef verið að hlusta á
þetta hér í undirbúningnum og ég
held að fólk átti sig ekki á hversu
margt úr sónötum Beethovens er
inngróið í tónheiminn okkar. Við
þekkjum stef úr mörgum af þess-
um sónötum til dæmis úr bíómynd-
um og auglýsingum, án þess að
hafa endilega áttað okkur á að þau
séu frá Beethoven komin,“ segir
Aino Freyja og bætir við að hið
forna tónskáld eigi fullt erindi við
nútímann, tónlistin sé bæði létt og
leikandi en geti líka verið mjög
krefjandi. „Fyrst og fremst er
þetta ofboðslega falleg tónlist og
jafn gaman að hlusta á hana núna
og fyrir hundrað árum eða meira.“
Ókeypis á fyrstu tónleika
Aino Freyja segir að 30 píanó-
leikarar sjái um flutninginn á són-
ötum Beethovens, bæði karlar og
konur, og þau séu á ólíkum aldri.
„Þetta er einstakt tækifæri til að
heyra og sjá píanóleikara landsins
leika á einleikstónleikum, því þeir
hafa ekki oft tækifæri til þess, þeir
eru oft uppteknir að spila með öðr-
um. Fyrstu Beethoven-tónleikarnir
verða 19. september og nokkuð
óvenjulegir, því þá sjá þau Kristín
Jónína Taylor og Bryan Stanley
um píanóleikinn, en þau eru búsett
í Bandaríkjunum og komast ekki
hingað vegna covid. Þau munu
senda okkur upptökur af sér að
spila tvær sónötur sem við svo
spilum á tónleikunum. Við ætlum
að hafa ókeypis á þessa tónleika til
að kynna tónleikaröðina til leiks.
Draumurinn er að geta alltaf verið
með píanótónleikaröð í framtíðinni,
því Salurinn á tvo konsertflygla af
bestu gerð, Steinway & Sons og
Bösendorfer,“ segir Aino Freyja
og bætir við að Beethoven-
tónleikarnir verði annað hvert
þriðjudagskvöld, á móti Tíbrár-
tónleikaröðinni sem fer einnig af
stað nú í september.
Dreymandi kammerverk
„Þriðjudagskvöld verða því
klassísk kvöld í Salnum fram að
jólum. Tíbrártónleikaröðin er flott
og fjölbreytt í ár. Fyrstu tónleik-
arnir í þeirri röð verða núna á
þriðjudaginn kemur þegar flaut-
leikarinn Melkorka Ólafsdóttir og
hörpuleikarinn Katie Buckley
ásamt góðum hópi tónlistarmanna
flytja fögur og dreymandi
kammerverk frá dögum impress-
jónismans. Á efnisskrá tónleikanna
er meðal annars verk Delibes, Le
Rossignol, sem Þóra Einarsdóttir
mun koma fram í auk fleiri glæsi-
legra verka. Markmið okkar er að
fá sem flesta á klassíska tónleika,
klassískir tónleikar eru ekki aðeins
fyrir sprenglærða í tónlist, heldur
fyrir alla. Einmitt þess vegna höf-
um við farið þá leið að vera með
frekar ódýrt inn og bjóða á tón-
leikaraðir með miklum afslætti í
áskriftarsölu. Minn draumur er að
alls konar fólk komi á klassíska
tónleika, því Salurinn er fyrir
alla.“
Góð leið til að kynnast
Auk tónleikaraðanna Tíbrár og
Beethovens er dagskráin afar fjöl-
breytt í vetur í Salnum.
„Til dæmis verða áfram vinsælu
kvöldin með Jóni Ólafssyni, Af
fingrum fram, þar sem hann fær
tónlistarfólk í heimsókn og spjall-
ar við það milli þess sem lagið er
tekið. Í vetur verða meðal annarra
gesta hjá honum Eivör, Diddú,
Björgvin Halldórsson, Ágústa
Eva, Jakob Frímann og Ellen
Kristjáns. Þetta er frábær leið fyr-
ir gesti til að kynnast tónlistar-
fólki sem segir frá sjálfu sér og
syngur og spilar þess á milli. Ari
Eldjárn verður til dæmis gestur
Jóns í október og það verður
væntanlega áhugavert að heyra af
tengslum hans við tónlist, en hann
spilar á hljóðfæri og hefur heil-
mikið verið í tónlist.“
Flytja lög Spilverksins
Meðal annarra viðburða á dag-
skránni eru tónleikar þar sem
Jógvan, Vignir og Matti leika og
syngja bestu lög Eagles.
„Þetta eru endurteknir tón-
leikar frá því í vor og við ætlum
líka að endurtaka tónleika í þriðja
sinn þar sem Valdimar, Hildur
Vala og Skafararnir flytja lög Spil-
verksins. Söngkonurnar Hansa og
Sigríður Thorlacíus ætla einnig að
syngja uppáhalds frönsku lögin sín
á sérstökum tónleikum og svo
verða tónleikar til heiðurs Sigfúsi
Halldórssyni sem hefði orðið
hundrað ára núna í september.
Auðvitað verður svo dagskrá
tengd jólunum þegar nær dregur
þeim árstíma,“ segir Aino Freyja
og ítrekar að allt sé þetta þó háð
covid-reglum hverju sinni.
Sjá nánar á salurinn.is
Morgunblaðið/Kristinn Magnússon
Forstöðumaður Aino Freyja segir að draumurinn sé að geta alltaf verið með píanótónleikaröð í framtíðinni, því
Salurinn eigi tvo konsertflygla af bestu gerð, Steinway & Sons og Bösendorfer, annar þeirra hér að baki henni.
Ekki aðeins fyrir sprenglærða
 Vetrarstarfið í Salnum háð covid-reglum hverju sinni  30 píanóleikarar skella sér í Beethoven-
maraþon  Ari Eldjárn einn af gestum Jóns Ólafssonar á vinsælu kvöldunum Af fingrum fram