Morgunblaðið - 10.09.2020, Blaðsíða 54

54 MENNING
MORGUNBLAÐIÐ FIMMTUDAGUR 10. SEPTEMBER 2020
Kristín Heiða Kristinsdóttir
khk@mbl.is
„Ég hugsaði mig vissulega um
hvort ég ætti að fara út, vegna co-
vid-heimsfaraldursins, en þú getur
rétt ímyndað þér viðbrögðin hjá
Kristjáni Jóhannssyni mínum söng-
kennara þegar ég var eitthvað að
efast. Hann tók ekki í mál að ég
færi ekki, sagði mér að drífa mig
eins og skot. Ég er heldur betur
ánægður núna að Kristján skyldi
hvetja mig til dáða,“ segir Gunnar
Björn Jónsson, ungur tenór sem
situr nú í sóttkví eftir heimkomu frá
Salzburg, en þangað fór hann og
gerði sér lítið fyrir og sigraði í
söngkeppni um síðustu helgi.
„Ég fann þessa keppni inni á appi
sem heitir YAP Tracker og er hugs-
að fyrir óperusöngvara til að finna
söngprufur, keppnir, óperuhátíðir
og fleira. Þetta kemur sér vel fyrir
unga söngvara sem eru nýkomnir
úr námi að leita fyrir sér og koma
sér á framfæri. Ég sótti um að fá að
taka þátt í keppninni og ég sendi
inn hljóðupptöku, en Kristján var
mér innan handar í því, enda þekkir
hann vel mína rödd og hvað ég get,
því hann var kennari minn í söng-
námi mínu í Söngskóla Sigurðar
Demetz. Við völdum að senda upp-
töku þar sem ég syng aríu úr Mad-
ama Butterfly, Addio fiorito asil, og
það fleytti mér inn sem þátttakanda
í keppninni. Aðeins 120 manns kom-
ust í gegnum þá síu af þeim 300
sem sóttu um.“
Söng aríur með háa cé-inu
Gunnar varð þá að taka stökkið
og fara út til Salzburg í miðjum
heimsfaraldri til að taka þátt í
keppninni þar.
„Eftir fyrstu og aðra umferð vor-
um við níu söngvarar sem stóðum
eftir til að taka þátt í lokaúrslit-
unum og að þeirri keppni lokinni
stóð ég uppi sem sigurvegari. Mig
grunaði ekki að ég mundi sigra,
enda vissi ég ekkert út í hvað ég
var að fara. Ég hef verið að syngja
hér heima á Íslandi en ekki á al-
þjóðavettvangi, en auðvitað hafði ég
trú á mér og markmið mitt var að
komast í úrslitahópinn. Sigurinn
var sannarlega óvæntur og virki-
lega gaman að hafa stokkið út í
þetta,“ segir Gunnar sem réðst ekki
á garðinn þar sem hann er lægstur
þegar kom að söngnum í úrslit-
unum, hann söng þar tvær krefj-
andi aríur, eina úr Faust-óperunni,
Salut! Demeure chaste et pure, og
aríu úr La Boheme, Che gelida
manina. Báðar þær aríur skarta háa
c-inu og þegar Gunnar er spurður
hvort hann hafi ekki verið tauga-
trekktur fyrir það segir hann svo
ekki hafa verið.
„Ég er heppinn með að það ligg-
ur nokkuð vel fyrir mér að syngja
háu tónana. Kristján hefur kennt
mér að óttast ekki að fara upp á
háa c-ið, ekki láta skelfingarsvip
færast yfir mig þegar það nálgast,
heldur reisa bara brjóstkassann og
láta vaða,“ segir Gunnar og hlær.
Reiknar með að fá hlutverk
Gunnar segir að ekkert aldurs-
takmark hafi verið í keppninni úti í
Salzburg, en þau sem komust í úr-
slit voru á aldrinum frá 25 ára til
þrítugs. Gunnar er 32 ára, en hvað
þýðir sigur í svona keppni fyrir
hann, mun þetta opna einhverjar
dyr?
„Þessi keppni er haldin í
tengslum við óperufestival í Salz-
burg þar sem settar eru upp óperu-
sýningar. Keppnin er í raun haldin
til að leita að nýjum röddum í upp-
færslur. Ég er að bíða eftir svörum
með að fá að vita hvað verður í
framhaldi af þessum sigri. Ég
reikna með að fá hugsanlega hlut-
verk í einhverri óperusýningu á
þessu festivali.“
Þarf að spýta í lófa og stökkva
Eftir að Gunnar lauk námi hjá
Kristjáni Jóhannssyni í Söngskóla
Sigurðar Demetz árið 2014 fór hann
í framhaldsnám í söng til Ítalíu í tvö
ár, í Civica Scuola di Musica Clau-
dio Abbado, sem er í Mílanó.
„Að því loknu þarf maður að selja
sjálfan sig, en það er mikið hark að
reyna að finna einhverjar leiðir til
að komast eitthvað áfram. Vonandi
opnar þessi sigur minn í Salzburg
einhverjar leiðir fyrir mig,“ segir
Gunnar sem hefur verið að stúdera
og safna í sarpinn óperuhlutverkum
undanfarið með Kristjáni Jóhanns-
syni.
„Ég þarf að vera tilbúinn með
eitthvað ef og þegar kallið kemur.
Þeir sem eru í þessum bransa segja
að maður þurfi að hafa hraðar
hendur ef maður er orðinn 32 ára,
spýta í lófa og stökkva. Ég er á
þeim stað núna að ég er tilbúinn til
að sýna hvað í mér býr. Ég finn það
innra með mér núna. Ég finn líka
fyrir áhuga og velvild í minn garð
hér heima, sem skiptir miklu máli.
Þau eru ægilega ánægð með mig í
mínum gamla skóla, Söngskóla Sig-
urðar Demetz , og þar er frábær
andi,“ segir Gunnar sem hefur verið
að vinna í múrverki meðfram
söngnum og segir það tvennt fara
vel saman.
Morgunblaðið/Árni Sæberg
Stórtenór Gunnar Björn kíkir fram af svölum á heimli sínu þar sem hann er í sóttkví eftir vel lukkaða söngferð til
Salzburg. Þar stóð hann uppi sem sigurvegari í söngkeppni meðal 300 söngvara sem sóttu um að taka þátt í henni.
Að reisa brjóstkass-
ann og láta vaða
 Tenórinn Gunnar Björn Jónsson sigraði í söngkeppni í
Salzburg  Núna er ég tilbúinn til að sýna hvað í mér býr
Breytingar verða gerðar á Óskars-
verðlaununum fyrir bestu kvik-
myndina frá og með árinu 2024 og
er tilgangurinn að auka fjölbreytni
og jafnrétti hvað tilnefningar varð-
ar. Á það við um kyn leikstjóra, kyn-
hneigð, kynþátt og fötlun. Verður þá
litið til tökuliðs kvikmynda, persóna
kvikmynda og tækifærum sem veitt
eru þeim sem koma að gerða mynd-
anna. Munu kvikmyndir þá þurfa að
uppfylla ákveðin skilyrði bandarísku
kvikmyndaakademíunnar sem kýs
um hvaða kvikmyndir eiga skilið að
vera tilnefndar. Frá þessu er greint í
enska dagblaðinu The Guardian.
Sem dæmi um skilyrði er nefnt að í
það minnsta ein persóna kvik-
myndar, aðal- eða mikilvæg auka-
persóna, verði að vera af kynþætti
eða uppruna sem ekki hefur verið
nægilega vel sinnt í kvikmyndum.
Óskar Verðlaunastyttan víðfræga, tákn-
mynd hinna bandarísku Óskarsverðlauna.
Aukin fjölbreytni Óskarsverðlauna
Tónleikunum
með söngv-
aranum Andrea
Bocelli, sem
halda átti 3.
október, hefur
verið frestað og
verða þeir haldn-
ir 10. apríl 2021 í
Kórnum. Ástæð-
an er útbreiðsla
Covid-19 og afleiðingar hennar.
Allir seldir miðar gilda áfram en
ef nýja dagsetningin hentar ekki
eiga miðahafar rétt á fullri endur-
greiðslu. Til að fá endurgreitt þarf
að senda tölvupóst á info@tix.is
fyrir 23. september.
Tónleikum Bocellis
frestað til 10. apríl
Andrea Bocelli
Handritshöfund-
urinn og leik-
skáldið Ronald
Harwood, sem
hlaut m.a.
Óskarsverðlaun-
in fyrir handrit
kvikmyndarinn-
ar The Pianist
árið 2003, er lát-
inn, 85 ára að
aldri. Hann skrifaði líka handrit
The Diving Bell and the Butterfly,
nokkrar bækur og af leikritum
hans má nefna Quartet og The
Dresser en það síðarnefnda var
hans þekktasta leikrit og var sam-
nefnd kvikmynd gerð eftir því.
Ronald Harwood
látinn, 85 ára
Ronald Harwood
Sýrlenskir kvikmyndatökumenn
saka landa sinn, kvikmyndaleik-
stjórann Feras Fayyad, um ósann-
sögli. Þessu greinir danska dag-
blaðið Berlingske frá. Þar kemur
fram að Fayyad hafi ítrekað í við-
tölum við fjölmiðla lýst því hversu
erfitt hafi verið fyrir sig og hættu-
legt að taka upp heimildarmyndina
Last Men in Aleppo í Sýrlandi, en
myndin var tilnefnd til Óskars-
verðlauna 2018. „Feras hefur í við-
tölum sagt að líf hann hafi verið í
hættu meðan á tökum stóð. Það vor-
um við sem vorum við það að deyja,“
segir Hassan Kattan sem vann með
tökumönnum myndarinnar, sem
segja að Fayyad
hafi ekki verið á
staðnum meðan á
tökum stóð. Kvik-
myndatökumenn-
irnir segjast enn
ekki hafa fengið
greitt fyrir vinnu
sína, en fyrir-
tækið sem fram-
leiddi myndina
mun vera gjaldþrota. Hvorki Fay-
yad né lögmaður hans vildu tjá sig
við Berlingske þegar eftir því var
leitað. Sigrid Dyekjær, núverandi
framleiðandi Fayyad, segir ásak-
anirnar tilraun til mannorðsmorðs.
Feras Fayyad sakaður um ósannsögli
Feras Fayyad
Útsölustaðir: Öll apótek, heilsuverslanir og heilsuhillur stórmarkaðanna.
Skapið varð jafnara og hitakófi
„Ég er svo ánægðmeð Femarelle a
mínar vinkonur og ég veit að nokk
Femarelle hefur hjálpaðmér alveg
líðanminni“.
Valgerður Kummer Erlingsdóttir
Femarelle vörurnar eru náttúruleg lausn
fyrir konur sem finna fyrir einkennum vegna
hormónabreytinga
Háþróuð vara semmiðar á tauga- og
innkirtlakerfið – hefur jákvæð áhrif á lund og
dregur úr þreytu.
Recharge
Margar konur hafa upplifað eftirfarandi eftir að
þær byrjuðu á FEMARELLE RECHARGE 50+
■ Slær hratt á einkenni (hitakóf og nætursviti minnka)
■ Stuðlar að reglulegum svefni
■ Eykur orku
■ Eykur kynhvöt