Morgunblaðið - 15.10.2020, Síða 28

28 FRÉTTIRInnlent
MORGUNBLAÐIÐ FIMMTUDAGUR 15. OKTÓBER 2020
hafnasvæði Samskipa er við Voga-
bakka við Elliðaárvog. Eins og fram
hefur komið í fréttum er Eimskip
um þessar mundir að taka í notkun
ný og stór gámaskip. Þetta eru
stærstu skip íslenska flotans, rúm-
lega 26 þúsund brúttótonn að stærð.
Samhliða framkvæmdum við nýja
hafnarbakka og landfyllingar hyggj-
ast Faxaflóahafnir ráðast í dýpkanir
í Viðeyjarsundi og Kleppsvík og
verður hluti efnisis sem þannig fæst
nýttur í landagerðina. Þessi dýpkun
er nauðsynleg vegna tilkomu nýrra
og stærri skipa sem eru með meiri
djúpristu en þau gömlu. Fyrsti
áfanginn, dýpkun á Viðeyjarsundi
fyrir framan Sundabakka, var boð-
inn út nýlega og er áætlað að opna
tilboð í verkið í dag, 15. október.
Dýpkunarefni úr Viðeyjarsundi
verður losað í aflagða efnisnámu á
hafsbotni suðaustur af Engey en þar
hefur verið losað efni síðan árið
2005. Alls hafa þegar verið haugsett-
ir rúmlega 1.000.000 rúmmetrar af
dýpkunarefni í þessa námu sem
hætt var að nýta til efnistöku fyrir
meira en 20 árum. Stefnt er að verk-
lokum dýpkunar 1. apríl 2021.
Hvar verður Sundabrautin?
Nú stendur yfir vinna starfshóps
sem samgönguráðherra skipaði til
að endurmeta áætlanir um Sunda-
braut. Starfshópurinn stefnir að því
að skila niðurstöðu síðar í þessum
mánuði. Verkefni starfshópsins er
að endurmeta þá tvo kosti sem
starfshópur um Sundabraut á veg-
um ríkisins og Samtaka sveitarfé-
laga á höfuðborgarsvæðinu (SSH)
taldi fýsilegasta í skýrslu sinni sem
kynnt var í júlí í fyrra. Það eru jarð-
göng yfir í Gufunes og lágbrú sem
þverar hafnarsvæðið við Kleppsvík.
Verði lágbrú talin besti kosturinn
mun Sundabrautin þvera hafnar-
svæðið fyrir neðan Klepp. Sunda-
brautin er ekki með í því umhverf-
ismati sem nú er að hefjast og ekki
verið að velta upp möguleikum sem
gætu komið upp vegna hennar, upp-
lýsir Inga Rut Hjaltadóttir for-
stöðumaður tæknideildar Faxaflóa-
hafna Morgunblaðið.
Ráðist í stækkun Sundahafnar
 Um er að ræða hafnargerð í Vatnagörðum, sem Faxaflóahafnir ætla að ráðast í á næstu árum
 Viðamesta verkið er landfylling fyrir framan vöruhótel Eimskips  Dýpkað á Viðeyjarsundi
Morgunblaðið/Eggert
Sundahöfn Það verður ekkert smáræðis verkefni að fylla höfnina fyrir framan vöruhótel Eimskips við Vatnagarða-
bakka. Fyrir miðri mynd eru byggingar Fóðurblöndunnar við Korngarða. Fyrirtækið mun víkja í fyllingu tímans.
Fyrirhuguð þróun Sundahafnar
Skarfabakki
Klepps-
spítali
Sundabakki
Vogabakki
Lenging Skarfabakka
Sæbraut
Vatnagarðar
Klettagarðar
Lenging Sundabakka
Viðeyjarsund
Elliðavogur
Lenging
Vogabakka
D ý p
k u n
a r s
v æ ð
i
Dýpkunarsvæði
Fyrirhugaðar landfyllingar
Nýr Kleppsbakki
BAKSVIÐ
Sigtryggur Sigtryggsson
sisi@mbl.is
Fyrir dyrum stendur næsti áfangi
þróunar Sundahafnar í Reykjavík.
Um er að ræða hafnargerð í Vatna-
görðum, sem Faxaflóahafnir sf. ætla
að ráðast í á næstu árum. Þegar
þessum framkvæmdum lýkur verð-
ur hafnarsvæði Sundahafnar að
mestu fullmótað. Þetta er mikilvæg-
asta vöruhöfn Íslands og þangað
koma langflestir farþegar með
skemmtiferðaskipum. Við Sunda-
höfn eru einnig mörg stærstu inn-
flutningsfyrirtæki landsins með
skrifstofur og vöruskemmur.
Umhverfismat að hefjast
Í sumar var boðin út vinna við mat
á umhverfisáhrifum framkvæmdar-
innar. Fimm tilboð bárust í verkið
frá Mannviti, VSÓ ráðgjöf, Alta,
Verkís og Eflu verkfræðistofu.
Lægsta tilboðið var frá Eflu, 9,4
milljónir, og er búið að semja við
stofuna um verkið.
Hafnargerðin í Vatnagörðum fel-
ur m.a. í sér lengingu Skarfabakka
til suðurs að Kleppsbakka, uppfyll-
ingu og landgerð og aflagningu eldri
bakka í Vatnagörðum. Viðamesta
verkið verður landfylling fyrir fram-
an vöruhótel Eimskips. Áætlað er að
í fyllinguna fari 1.125.000 rúmmetr-
ar efnis. Við þessa framkvæmd verð-
ur til 300 metra langur nýr hafnar-
bakki en eldri bakkar, alls um 770
metrar, leggjast af. Með landgerð-
inni verður til 75 þúsund fermetra
svæði fyrir gáma og aðra hafnar-
starfsemi. Efni í landgerðina mun að
mestu fást með dælingu af hafsbotni
en einnig mun hluti þess koma frá
námum á landi. Áætlað er að hefja
framkvæmdir haustið 2022. Fyrir
liggur samþykkt aðalskipulag.
Önnur atriði þróunaráætlunar-
innar felast í færslu á Kleppsbakka
til norðurs, lengingu Sundabakka til
suðurs og lengingu Vogabakka til
norðausturs.
Athafnasvæði Eimskips er við
Sundabakka gegnt Viðey en at-
Gamla höfnin í Reykjavík var
byggð á árunum 1913 til 1917 og
var hún eins og gefur að skilja gríð-
arlegt framfararskref fyrir höfuð-
borg Íslands.
En forystumenn Reykjavíkur
gerðu sér grein fyrir því að sá dag-
ur kæmi að höfnin myndi ekki duga
fyrir þá fjölbreyttu starfsemi sem
þar fór fram og óx að umfangi á
hverju ári. Inn- og útflutningur
vöru jókst, togurum fjölgaði og
skipin urðu stærri og stærri.
Í stríðslok 1945 var farið að ræða
um stækkun Reykjavíkurhafnar
eða nýtt hafnarsvæði. Ýmsir mögu-
leikar voru skoðaðir, svo sem að
loka Engeyjarsundi með hafnar-
garði frá Örfirisey út í Engey. Nýj-
ar bryggjur áttu að koma við
Kirkjusand, milli Höfða og Laugar-
ness.
En upp úr 1960 mótaðist hug-
myndin um Sundahöfn, sem næði
frá Laugarnesi inn að Gelgjutanga.
Í maí 1966 voru tilboð opnuð í 1.
áfanga Sundahafnar. Höfnin var
tilbúin í júli 1968 og fyrsti farm-
urinn losaður, úr skipinu Vatna-
jökli. Síðan hefur höfnin þróast í
takt við tímann. Hún er fyrir löngu
orðin helsta „vörugátt“ landsins og
þangað koma risastór skemmti-
ferðaskip. Í fyrra voru 190 komur
farþegaskipa til Faxaflóahafna með
188.630 farþega. sisi@mbl.is
Morgunblaðið/Styrmir Kári
Skarfabakki Í eðlilegu heimsástandi hafa risaskip komið hingað árlega.
Mikilvægasta höfnin
fyrir fólk og vörur