Morgunblaðið - 19.11.2020, Blaðsíða 20

ÚR BÆJARLÍFINU
Margrét Þóra Þórsdóttir
Eyjafirði
Í Eyjafjarðarsveit er skemmti-
legt samstarfsverkefni í gangi, en
það setti sveitarfélagið í gang ný-
verið til að stuðla að verslun í
heimabyggð á þessum erfiðu tím-
um. Finnur Yngvi Kristinsson
sveitarstjóri segir að sveitarfélagið
hafi útbúið gjafabréf fyrir alla sína
starfsmenn upp á 5.000 krónur í
þakklætisskyni fyrir sveigjanleika
og jákvæðni á tímum heimsfarald-
urs, en gjafabréfið virkar hjá
þjónustuaðilum í sveitarfélaginu.
Samhliða því var ákveðið að
bjóða þeim sem áhuga hafa á að
kaupa gjafabréf fyrir vini sína og/
eða vandamenn í jólagjöf eða við
hvers lags tækifæri. „Tilgangurinn
er að sjálfsögðu að örva atvinnu-
lífið á svæðinu og þá frábæru
frumkvöðlastarfsemi sem hér er til
staðar,“ segir Finnur Yngvi.
Gjafabréfið var kynnt á raf-
rænum fundi í fyrrakvöld og var
vel tekið í framtakið. Fjölmargir
þjónustuaðilar í sveitarfélaginu
hafa þegar skráð sig á lista þeirra
sem taka við gjafabréfinu. „Í mín-
um huga er þetta mikilvægt verk-
efni því það gefur stórum og flott-
um hópi fólks í sveitarfélaginu
sem býður fram sinn varning eða
þjónustu færi á að koma saman
undir einu sameinuðu merki,“ seg-
ir Finnur Yngvi.
  
Nýr hjólreiða- og göngustíg-
ur er á teikniborðinu hjá Sval-
barðsstrandarhreppi, en hann mun
í framtíðinni tengjast stígakerfum
Akureyrar og Eyjafjarðarsveitar,
ná frá bæjarmörkum við Akureyri,
yfir Leirubrú og að Garðsvík þar
sem hreppsmörk eru í norðri.
Björg Erlingsdóttir sveitar-
stjóri segir að þegar sé búið að
vinna tillögur að legu stígsins eftir
ströndinni. Hönnunargögn liggi
fyrir en eftir sé að ákveða og fast-
setja legu stígsins og fullhanna
hann út frá því, þá á eftir að end-
urskoða fjárhagsáætlanir og semja
við landeigendur. Vegagerðin hef-
ur óskað eftir áfangaskiptingu
verksins. Áfangarnir verða þrír,
einn liggur frá Leirubrú að Vaðla-
heiðargöngum, annar frá göng-
unum og að Svalbarðseyri og sá
þriðji liggur þaðan og að Garðsvík.
Björg segir ekki ákveðið á hvaða
áfanga verði byrjað en líkur á að
nyrsti hlutinn frá Svalbarðseyri og
að Garðsvík verði síðastur í röð-
inni.
Björg segir þeim fjölga mjög
sem hjóla sér til heilsubótar. „Við
sjáum kippinn sem kom í umferð
gangandi og hjólandi fólks þegar
stígurinn fram að Hrafnagili var
tekinn í notkun og allir íbúar á
svæðinu geta nýtt sér til útivistar.
Við verðum líka vör við vaxandi
umferð hjólreiðamanna ár frá ári.
Með göngu- og hjólastíg fáum við
hjólandi umferð af erfiðum þjóð-
vegi og gefum gangandi vegfar-
endum tækifæri á að njóta náttúru
og útivistar,“ segir hún. „Fyrst og
fremst eru stígarnir gerðir fyrir
heimamenn og íbúa í nágranna-
sveitarfélögum en nýtast augljós-
lega fyrir aðra gesti og ferða-
menn.“
Stefnt er að því að ganga frá
samningum við landeigendur og
Vegagerð fyrir gerð fjárhagsáætl-
unar ársins 2022 og að hægt verði
að hefja framkvæmdir á því ári.
Björg segir að í millitíðinni hafi
verið unnið að gönguleiðum innan
Svalbarðseyrar, meðfram stönd-
inni, og nú sé verið að vinna kort
þar sem gestir geti séð hvar hent-
ugt er að leggja bifreiðum, hvar sé
að finna borð og bekki, hversu
langar gönguleiðir séu og hvað
markvert ber fyrir augu á leiðinni.
  
Fyrr í sumar samþykkti
sveitarstjórn Hörgársveitar að
hefja undirbúning að göngu- og
hjólastíg frá Lónsbakka við sveit-
arfélagamörkin við Akureyri og að
Þelamerkurskóla. Samþykktin var
gerð í tilefni af 10 ára afmæli
Hörgársveitar. Hjólreiðafólk getur
því hlakkað til að bruna á góðum
stíg frá Þelamörk og út að Garðs-
vík einn góðan veðurdag innan
fárra ára.
  
Samþykkt var á fundi Sveit-
arstjórnar Hörgársveitar nýverið
að auglýsa tillögu að deiliskipulagi
minjastaðar á Gáseyri og tekur
það til uppbyggingar á aðstöðu
svo hægt verði að taka á móti
gestum á minjastaðnum. Skipu-
lagssvæðið í heild er 33,6 hektarar
að stærð og er að hluta til um að
ræða friðlýst minjasvæði hins
forna verslunarstaðar á Gáseyri.
Innan skipulagssvæðisins er fyr-
irhugað að útbúa aðstöðuhús,
kirkju og koma upp salernum auk
þess sem gert verður bílastæði og
lagðir göngustígar um svæðið
þannig að það verði aðgengilegra
fyrir gesti og gangandi. Í núgild-
andi aðalskipulagi Hörgársveitar
er gert ráð fyrir að á Gásum verði
uppbygging tengd miðalda-
kaupstaðnum sem þar var og að
þar verði reist tilgátuþorp.
Hvatt til verslunar í heimasveit
Morgunblaðið/Margrét Þóra
Aftur í aldir Miðaldadagar hafa verið haldnir á Gásum frá árinu 2003, engir
þó á liðnu sumri vegna heimsfaraldursins alræmda. Myndin er tekin í fyrra.
Afmæli Akureyrarkirja er eitt helsta kennileiti bæjarins en hana teiknaði Guðjón Samúelsson á sínum tíma. Kirkjan
fagnaði 80 ára afmæli sínu í vikunni en aðstæður í samfélaginu komu í veg fyrir að hnallþórur væru á borð bornar.
Morgunblaðið/Margrét Þóra
20 FRÉTTIRInnlent
MORGUNBLAÐIÐ FIMMTUDAGUR 19. NÓVEMBER 2020
LJÓSAKRÓNUR Í ÚRVALI
Ármúla 24 • rafkaup.is
Dreifð álagsárás, sem gerð var á
mánudag og hefur verið sögð stór á
íslenskan mælikvarða, beindist að
Arion banka.
Þetta staðfestir Haraldur Guðni
Eiðsson, forstöðumaður samskipta-
sviðs bankans, í svari við skriflegri
fyrirspurn blaðamanns.
Árásin hafði afleiðingar víðar, svo
sem hjá fjarskiptafélögunum, vegna
bilunar í erlendri varnarþjónustu
sem alla jafna hefði dregið mjög úr
stærð hennar.
Haraldur bendir á að árásir á borð
við þessa hafi fyrst og fremst það
markmið að gera fyrirtækjum erfitt
fyrir með að veita viðskiptavinum
sínum þjónustu.
„Árásin hafði fyrst og fremst áhrif
á netbankann okkar og appið í um
klukkutíma,“ segir hann og bætir að-
spurður við að varnir bankans hafi
staðist.
Póst- og fjarskiptastofnun sendi
frá sér tilkynningu vegna árásarinn-
ar á þriðjudag en þar var þess ekki
getið hverjir hefðu orðið fyrir
barðinu á henni. „[Árásin] hríslaðist
um fjarskiptainnviði landsins og kom
einnig niður á greiðsluþjónustu og
auðkennisþjónustu hér á landi,“
sagði í tilkynningunni. sh@mbl.is
Morgunblaðið/Kristinn Magnússon
Arion banki Árásin hafði fyrst og fremst áhrif á netbanka Arion banka, að
sögn Haralds, sem bætir því við að varnir bankans hafi staðist árásina.
Dreifð álagsárás
gerð á Arion banka
 Varnir bankans stóðust árásina