Morgunblaðið - 24.12.2020, Blaðsíða 54

FRAKKLAND
Jóhann Ingi Hafþórsson
johanningi@mbl.is
„Þetta hefur gengið ótrúlega vel.
Það er búið að vera draumatímabil
hjá mér þetta fyrsta atvinnumanna-
tímabil,“ sagði Kristján Örn Krist-
jánsson, oftast kallaður Donni, í
samtali við Morgunblaðið. Kristján,
sem fagnar 23 ára afmælinu sínu á
morgun, jóladag, hefur leikið afar
vel með Pays d’Aix í efstu deild
Frakklands í handbolta á leiktíðinni,
en hann kom til félagsins fyrir tíma-
bilið frá ÍBV. Fjölnismaðurinn er
markahæstur hjá sínu liði með 45
mörk í 10 leikjum í frönsku deild-
inni. Hann átti ekki erfitt með að að-
lagast því að spila í einni sterkustu
deild Evrópu.
„Nei, svo sem ekki. Það var eigin-
lega erfiðara að aðlagast æfingunum
sem eru erfiðari og fleiri en maður
vanur. Það er æft mun oftar og leng-
ur en á Íslandi. Þegar maður fer í
leiki gerir maður það sem maður
kann og það hefur gengið svona
ljómandi vel,“ sagði Donni. Hann
viðurkennir að hafa komið sjálfum
sér á óvart á köflum á leiktíðinni, en
hann skoraði sjö mörk strax í fyrsta
leik á móti Paris SG, sem hefur ver-
ið með mikla yfirburði í frönskum
handbolta síðustu ár. „Ég átti aldrei
von á að ég myndi skora sjö mörk á
móti PSG þar sem ég var að spila á
móti gæjum sem spiluðu með
Frökkum þegar Ísland fékk silfrið á
Ólympíuleikunum og ég hef lengi lit-
ið upp til. Mesta stressið var í upp-
hitun þegar ég horfði yfir völlinn og
sá leikmenn eins og Mikkel Hansen
og Nikola Karabatic og ég spurði
sjálfan mig hvað ég væri að gera
hérna. Um leið og leikurinn byrjaði
fór þetta og maður gleymir sér í
leiknum. Við töpuðum leiknum en
áttum séns á að vinna þá. Þetta var
mikil reynsla.“
Donni, sem er uppalinn hjá Fjölni,
telur sig hafa bætt sig á þeim örfáu
mánuðum sem hann hefur spilað
sem atvinnumaður.
„Maður er alltaf að takast á við
nýjar áskoranir og það var stór
áskorun að fara í deild sem er að
mínu mati önnur af tveimur sterk-
ustu deildum Evrópu ásamt þeirri
þýsku. Það gekk vel að aðlagast
hraðanum og styrknum sem er í
þessari deild og það dregur mann
áfram og bætir mann,“ sagði hann.
Níu sigurleikir í röð
Eftir tapið á móti PSG í fyrsta
leik hefur Aix farið í magnaða sig-
urgöngu og unnið alla níu leiki sína.
Fyrir vikið er liðið í þriðja sæti með
18 stig, eins og Montpellier en með
leik til góða. PSG hefur leikið þrem-
ur leikjum meira en Aix og er í topp-
sætinu með 26 stig, fullt hús stiga.
Fjölnismaðurinn viðurkennir að fáir
hjá Aix hafi átt von á jafn góðu
gengi, en hann hrósaði markverð-
inum Wesley Pardin og þjálfaranum
Thierry Anti sérstaklega.
„Við áttum aldrei von á þessu.
Þetta er í fyrsta sinn sem liðið nær
svona góðum árangri. Aix hefur
mest unnið fimm leiki í röð. Við er-
um með sex nýja leikmenn og allt
annað lið. Helmingur leikmannanna
sem spiluðu á síðustu leiktíð er far-
inn og þetta var ekki eitthvað sem
við bjuggumst við. Við erum með
frábæran markvörð sem er ekki
hægt að líta fram hjá. Hann er búinn
að vera langbesti markvörður deild-
arinnar. Þjálfarinn er líka rosalega
góður, hann Thierry Anti, hann
kemur með mikla fagmennsku í
þetta og kann allt saman upp á 100.
Hann er búinn að vera fljótur að
setja saman nýtt lið og hann er góð-
ur í að nýta bekkinn. Þetta eru ekki
bara sjö leikmenn, heldur allur leik-
mannahópurinn sem er í þessu sam-
an. Ég er sjálfur búinn að vinna mér
inn sæti í byrjunarliðinu. Ég var
ekki byrjunarliðsmaður alveg fyrst
en ég er búinn að sanna fyrir þjálf-
aranum að ég ráði við að byrja leik-
ina. Ég hef verið í byrjunarliðinu
síðustu vikur,“ sagði Kristján.
Nýt borgarinnar á næsta ári
Aix er falleg borg í Suður-
Frakklandi, en því miður fyrir
Kristján hefur hann lítið getað notið
hennar vegna heimsfaraldurs. „Því
miður er þetta Covid-ástand og því
hef ég ekki séð borgina af neinu viti.
Ég er hérna með kærustunni og við
erum búin að búa hérna saman í
fimm mánuði. Þetta er rosalega fal-
leg borg og ég er mjög ánægður
með staðsetninguna. Það er stutt í
sjóinn og stutt í Marseille en út af
Covid hef ég lítið farið annað en út í
matarbúðina. Það kom smá lægð í
faraldrinum snemma á tímabilinu og
þá gat maður aðeins fengið að skoða
en ég er spenntur að fá að njóta
borgarinnar í botn á næsta ári von-
andi,“ sagði Donni.
Eyjar skref til
atvinnumennsku
Skyttan er uppalin hjá Fjölni en
Kristján lék í tvö ár með ÍBV áður
en hann hélt í atvinnumennsku.
Hann segir tímann í Vestmanna-
eyjum hafa hjálpað sér að aðlagast
lífinu fljótt í ókunnugu landi.
„Að vera í Vestmannaeyjum
hjálpaði mér að verða tilbúinn í at-
vinnumennskuna. Ég tók það skref
til að prófa að flytja út frá foreldr-
unum, búa einn og spila handbolta.
Þótt ég hafi líka klárað stúdentinn
þar og unnið, þá undirbjó það mig
vel undir að fara í atvinnumennsku.
Þetta er ekki alveg nýtt fyrir mér,
þar sem ég upplifði þetta að ein-
hverju leyti í Vestmannaeyjum.“
Missti af leik vegna mistaka
Kristján Örn var valinn í lands-
liðshóp Íslands fyrir leikinn gegn
Litháen í undankeppni HM í byrjun
síðasta mánaðar. Hann komst hins
vegar ekki til landsins þar sem hann
þurfti að fara í sóttkví í Frakklandi.
Það reyndist síðan enn meira
svekkjandi síðar meir, þar sem um
mistök var að ræða. „Ég átti að vera
í hópnum en svo fékk ég fréttir um
að markvörðurinn okkar væri smit-
aður. Ég hafði æft með honum og
mátti því ekki fara í hópinn þar sem
ég þurfti að fara í sóttkví. Mánuði
seinna fékk ég að vita að þetta hefði
verið ranglega greint smit, en við
misstum báðir af landsleikjum
vegna þessa, það var leiðinlegt,“
sagði hann.
Bjartsýnn fyrir HM
Donni er í 21 manns landsliðshópi
Íslands fyrir HM í Egyptalandi, en
aðeins 20 leikmenn verða í loka-
hópnum. Hann er bjartsýnn á að
fara á sitt fyrsta stórmót í byrjun
næsta árs. „Ég myndi segja það.
Mér finnst ég hafa tekið rétt skref í
átt að því að eiga skilið að vera í
þessum hóp. Það virðast allar hægri
skyttur Íslands vera að toppa á
sama tíma svo þetta verður áhuga-
vert. Við eigum allir skilið að vera í
þessum hópi og ég öfunda Guðmund
alls ekki að þurfa að velja,“ sagði
Kristján Örn. Auk Kristjáns munu
Alexander Petersson, Viggó Krist-
jánsson og Ómar Ingi Magnússon
berjast um skyttustöðuna hægra
megin, en Viggó er markahæsti leik-
maður þýsku 1. deildarinnar og Óm-
ar Ingi í 5. sæti yfir markahæstu
menn í sömu deild.
Spurði sjálfan mig hvað
ég væri að gera hérna
 Kristján Örn Kristjánsson hefur fengið óskabyrjun með Aix í Frakklandi
Ljósmynd/paysdaixhandball
Aix Kristján Örn Kristjánsson hefur farið mjög vel af stað í atvinnumennskunni í Frakklandi. Hann er í sextánda
sæti yfir markahæstu menn deildarinnar og Aix hefur komið skemmtilega á óvart og unnið níu leiki í röð.
54 ÍÞRÓTTIR
MORGUNBLAÐIÐ FIMMTUDAGUR 24. DESEMBER 2020
England
Deildabikarinn, 8-liða úrslit:
Everton – Manchester United ............. (0:0)
 Gylfi Þór Sigurðsson var í byrjunarliði
Everton.
 Leiknum var ekki lokið þegar blaðið fór í
prentun í gærkvöld. Sjá mbl.is/sport.
Stoke – Tottenham................................... 1:3
 Brentford og Manchester City höfðu
tryggt sér sæti í undanúrslitum.
Ítalía
C-deild:
Padova – Modena..................................... 0:1
 Emil Hallfreðsson lék fyrri hálfleikinn
með Padova sem er efst í sínum riðli deild-
arinnar.
Holland
AZ Alkmaar – Vitesse............................. 3:1
 Albert Guðmundsson var ónotaður vara-
maður hjá AZ Alkmaar.
Katar
Al-Kharitiyath – Al-Arabi ...................... 1:3
 Aron Einar Gunnarsson skoraði þriðja
mark Al-Arabi af eigin vallarhelmingi og
Heimir Hallgrímsson skipti honum af velli
á 90. mínútu.
 Þýskaland
Kiel – RN Löwen ................................. 32:23
 Alexander Petersson skoraði tvö mörk
fyrir Löwen en Ýmir Örn Gíslason komst
ekki á blað.
Hannover-Burgdorf – Lemgo............ 31:23
 Bjarki Már Elísson skoraði tíu mörk fyr-
ir Lemgo.
Bergischer – Essen ............................. 35:29
 Arnór Þór Gunnarsson skoraði fjögur
mörk fyrir Bergischer en Ragnar Jóhanns-
son skoraði ekki.
Nordhorn – Balingen.......................... 29:27
 Oddur Gretarsson skoraði átta mörk fyr-
ir Balingen.
Staða efstu liða:
Flensburg 23, Kiel 23, Rhein-Neckar Löw-
en 21, Füchse Berlín 19, Magdeburg 17,
Leipzig 17, Göppingen 15, Stuttgart 15.
B-deild:
Bietigheim – Rimpar........................... 25:24
 Aron Rafn Eðvarðsson varði níu skot í
marki Bietigheim. Hannes Jón Jónsson
þjálfar liðið.
Aue – Fürstenfeldbrück ..................... 26:27
 Arnar Birkir Hálfdánsson skoraði fimm
mörk fyrir Aue. Sveinbjörn Pétursson
varði sex skot í marki liðsins. Rúnar Sig-
tryggsson þjálfar Aue.
Sviss
Pfadi Winterthur – Kadetten............. 32:25
 Aðalsteinn Eyjólfsson þjálfar lið Kadet-
ten Schaffhausen.
 Efstu lið: Pfadi Winterthur 26, Kriens 25,
Kadetten 24, St. Gallen 24.


 LeBron James fór meiddur af velli
átta mínútum fyrir leikslok þegar
meistarar LA Lakers biðu lægri
hlut fyrir grönnum sínum í LA Clip-
pers, 109:116, á fyrsta leikdegi
NBA-deildarinnar í körfuknattleik
í fyrrinótt. James var stigahæstur
hjá Lakers með 22 stig og sagði eft-
ir leik að hann reiknaði með að ná
næsta leik sem er gegn Dallas ann-
að kvöld. Paul George skoraði 33
stig fyrir Clippers. Þá skoraði Ky-
rie Irving 26 stig fyrir Brooklyn
Nets sem vann Golden State 125:99
í hinum leik næturinnar.
Sá besti strax
meiddur af velli
AFP
NBA LeBron James skorar fyrir
Lakers gegn Clippers í fyrsta leik.
Knattspyrnukonan Sólveig Jóhann-
esdóttir Larsen er gengin til liðs við
Val frá Breiðabliki og hefur samið
við Hlíðarendafélagið til tveggja
ára. Sólveig er tvítug að aldri, leik-
ur sem kantmaður og á að baki 44
leiki í efstu deild, þar af 35 með
Breiðabliki, en hina með Fylki og
HK/Víkingi. Hún var á láni hjá
Fylki síðasta sumar og spilaði að-
eins fyrstu fjóra leiki liðsins vegna
náms erlendis og skoraði eitt mark,
gegn Val í jafnteflisleik liðanna á
Hlíðarenda. Þá á Sólveig að baki 32
leiki með yngri landsliðum Íslands.
Sólveig komin
á Hlíðarenda
Ljósmynd/Valur
Valur Sólveig Jóhannesdóttir
Larsen samdi til tveggja ára.
 Knattspyrnumennirnir Thiago,
James Milner og Xherdan Shaqiri
voru allir mættir á æfingu Englands-
meistara Liverpool í gærmorgun en
þeir hafa verið að glíma við meiðsli
síðustu vikur. Thiago lék síðast með
Liverpool um miðjan október og Mil-
ner og Shaqiri hafa verið frá síðan í
nóvember. Þetta eru góðar fréttir fyrir
Jürgen Klopp, knattspyrnustjóra liðs-
ins, en Liverpool mætir WBA 27. des-
ember, Newcastle 30. desember og
loks Southampton 4. janúar í jóla- og
nýárstörn ensku úrvalsdeildarinnar.
 Knattspyrnukonan Hafrún Rakel
Halldórsdóttir hefur framlengt samn-
ing sinn við Breiðablik til næstu
þriggja ára en Hafrún lék alla fimmtán
leiki Breiðabliks síðasta sumar þegar
liðið varð Íslandsmeistari eftir að
keppni var hætt í lok október. Hafrún,
sem er átján ára gömul, gekk til liðs
við Breiðablik frá Aftureldingu fyrir
síðasta tímabil en hún á að baki 15
leiki í efstu deild og alls 65 leiki í
meistaraflokki þar sem hún hefur
skorað 14 mörk.
Eitt
ogannað