Morgunblaðið - 24.12.2020, Blaðsíða 55

SVÍÞJÓÐ
Bjarni Helgason
bjarnih@mbl.is
Knattspyrnukonan Svava Rós Guð-
mundsdóttir er tilbúin að taka
næsta skref á sínum ferli en hún
verður ekki áfram í herbúðum
sænska úrvalsdeildarfélagsins
Kristianstad á næstu leiktíð.
Svava Rós, sem er 25 ára gömul,
mun yfirgefa sænska félagið um
áramótin þegar samningur hennar
rennur út í Svíþjóð en hún gekk til
liðs við Kristianstad frá Röa í Nor-
egi í nóvember 2019.
Hún er uppalin hjá Val á Hlíðar-
enda en gekk til liðs við Breiðablik
árið 2015 og varð Íslandsmeistari
með liðinu á sínu fyrsta tímabili í
Kópavoginum.
Hún á að baki 103 leiki í efstu
deild þar sem hún hefur skorað 26
mörk en hún skoraði sex mörk og
gaf nokkrar stoðsendingar til við-
bótar í sextán leikjum með Kristi-
anstad á nýafstaðinni leiktíð.
Erfið ákvörðun
„Það var mjög erfið ákvörðun að
yfirgefa Kristianstad, sérstaklega
þar sem liðinu gekk virkilega vel á
síðustu leiktíð og leikur í Meistara-
deildinni á komandi keppnis-
tímabili,“ sagði Svava Rós í samtali
við Morgunblaðið.
„Ég hef verið í viðræðum við önn-
ur lið og mér fannst þetta fínn tíma-
punktur til þess að taka næsta skref
á mínum ferli. Beta [Elísabet Gunn-
arsdóttir] er frábær þjálfari og hún
hefur gert þvílíkt mikið fyrir mig
ásamt Bjössa [Birni Sigurbjörns-
syni] aðstoðarþjálfara og öllum hin-
um í þjálfara- og starfsteymi Kristi-
anstad.
Það var því virkilega erfitt að
þurfa að hringja í þau og segja þeim
að ég yrði ekki áfram hjá liðinu. Að
sama skapi átti ég mjög góð samtöl
við bæði Betu og Bjössa. Þau skildu
og virtu mína ákvörðun, þótt þau
hafi kannski ekki verið neitt sér-
staklega sátt í fyrstu. Mér stóð til
boða að vera áfram hjá Kristianstad
en mér fannst sjálfri kominn tími til
þess að prófa eitthvað nýtt,“ sagði
Svava en hún á að baki 24 A-lands-
leiki þar sem hún hefur skorað eitt
mark.
Sóknarkonan hélt út í atvinnu-
mennsku í janúar 2018 þegar hún
gekk til liðs við norska úrvalsdeild-
arfélagið Röa en hún segir mikinn
mun á því að spila á Íslandi og í Sví-
þjóð.
„Breiðablik og Valur eru frábær
lið og bestu liðin á Íslandi í dag, það
er klárt mál. Ég get alveg tekið
undir það upp að vissu marki að
þessi lið séu svipuð að styrkleika og
sum lið í sænsku úrvalsdeildinni.
Þau gætu hæglega strítt mörgum
liðum í deildinni en munurinn á
deildunum, það er að segja þeirri ís-
lensku og sænsku, er gríðarlega
mikill.
Hérna úti eru allir leikir virkilega
erfiðir og bilið á milli liðanna í Sví-
þjóð er mun minna en á Íslandi. Þú
ferð ekki inn í neinn leik vitandi það
að þú sért að fara vinna nokkuð
þægilegan sigur. Þú getur mjög
auðveldlega tapað á móti botnliðum
sænsku úrvalsdeildarinnar, jafnvel
þó að liðið þitt eigi fínasta leik.
Eins eru æfingarnar í Svíþjóð
meira krefjandi en á Íslandi að því
leyti að þú ert að æfa með leik-
mönnum sem eru komnir lengra en
heima. Þá eru líka fleiri leikmenn
komnir lengra í Svíþjóð en á Íslandi
og ég finn það sjálf að ég hef bætt
mig mikið sem leikmaður á þessum
þremur árum í Svíþjóð og Noregi.“
Skemmtilegur bónus
Kristianstad átti frábært tímabil,
hafnaði í þriðja sæti sænsku úrvals-
deildarinnar á síðustu leiktíð, og
leikur í Meistaradeild Evrópu í
fyrsta sinn í sögu félagsins á kom-
andi keppnistímabili.
„Það er vissulega svekkjandi að fá
ekki að taka þátt í Meistaradeildinni
með Kristianstad. Ég er ekki að ein-
blína á lið sem spila í Evrópukeppni
og það er ekki skilyrði eða neitt
slíkt. Tímabilið í þessum sterkustu
deildum Evrópu er líka í fullum
gangi og því óljóst hvaða lið leika í
Evrópukeppnum á næstu leiktíð.
Það væri skemmtilegur bónus að
semja við lið sem spilar í Meist-
aradeildinni en við sjáum hvernig
þetta þróast. Samningur minn við
Kristianstad rennur út um áramótin
og ég á von á því að mín mál skýrist
mjög fljótlega eftir það,“ sagði
Svava Rós Guðmundsdóttir enn-
fremur í samtali við Morgunblaðið.
Tilbúin að taka næsta
stóra skrefið á ferlinum
 Landsliðskonan Svava Rós Guðmundsdóttir er á leið í sterkari deild í Evrópu
Ljósmynd/Issa Sjostedt
Sókn Svava Rós Guðmundsdóttir hefur gert það gott með Kristianstad í Sví-
þjóð undanfarin tvö ár en hún hóf atvinnumannsferilinn með Röa í Noregi.
ÍÞRÓTTIR 55
MORGUNBLAÐIÐ FIMMTUDAGUR 24. DESEMBER 2020
Mér sýnist að starfshópurinn
sem KSÍ skipaði til að skoða leng-
ingu tímabilsins og fjölgun leikja í
úrvalsdeild karla í fótbolta hafa
komist að góðri niðurstöðu.
Það er raunhæft að lengja
tímabilið með því að bæta við
fimm umferðum þar sem efstu
liðin annars vegar og neðstu liðin
hins vegar mætast innbyrðis.
Betra en að fækka liðum úr tólf í
tíu og spila þrefalda umferð. Eða
fjölga í fjórtán og spila tvöfalda
umferð.
En mér finnst miður að um-
ræðan hafi aðeins snúist um úr-
valsdeild karla. Það er ekki síður
ástæða til að lengja tímabilið í úr-
valsdeild kvenna.
Ísland stendur mun betur að
vígi í kvennafótbolta en í karlafót-
bolta, miðað við aðrar þjóðir í
Evrópu, og það á að leita allra
leiða til að viðhalda þeirri stöðu.
Á meðan Ísland fær færri lið
en áður í Evrópumótum karla frá
árinu 2022 vegna slaks árangurs
fær Ísland fleiri lið en áður í
Meistaradeild kvenna 2021 vegna
góðs árangurs. Því þarf að fylgja
eftir.
Rétt eins og hjá körlunum á að
vera auðvelt að hefja keppni hjá
konunum í byrjun apríl og leika
fram í miðjan október. Sennilega
auðveldara ef eitthvað er.
Þar er hægt að enda tímabilið
á nákvæmlega sama hátt og lagt
er til hjá körlunum og bæta við
fjórum umferðum. Leika 22 um-
ferðir í stað 18 á þann hátt að
fimm efstu liðin mætist innbyrðis
á lokasprettinum, sem og fimm
neðstu liðin. Vonandi ber hreyf-
ingunni gæfa til að framkvæma
þessar breytingar samhliða á
báðum deildum.
BAKVÖRÐUR
Víðir Sigurðsson
vs@mbl.is
Aron Einar Gunnarsson landsliðs-
fyrirliði í knattspyrnu skoraði stór-
brotið mark þegar hann innsiglaði
sigur Al-Arabi, 3:1, á Al-Kharai-
tiyat í katörsku úrvalsdeildinni í
gær. Aron skaut af 60 metra færi
yfir markvörð heimaliðsins og í net-
ið. Sigurinn var gríðarlega mik-
ilvægur fyrir Aron og Heimi Hall-
grímsson þjálfara en liðin voru jöfn
og neðst fyrir leikinn. Al-Arabi
fleytti sér upp í níunda sæti af tólf
liðum með sigrinum en þetta var
aðeins annar sigurinn í fyrstu tíu
umferðum deildarinnar.
Aron skoraði af
60 metra færi
Sigur Aron Einar Gunnarsson
fagnar markinu magnaða í gær.
Tryggvi Hrafn Haraldsson knatt-
spyrnumaður frá Akranesi er geng-
inn til liðs við Valsmenn og hefur
samið við þá til þriggja ára.
Tryggvi skoraði 12 mörk í 17 leikj-
um fyrir ÍA í úrvalsdeildinni í ár og
hefur alls skorað 25 mörk í 72 leikj-
um fyrir liðið í deildinni. Hann lék
um skeið með Halmstad í Svíþjóð
og spilaði með Lilleström í Noregi
frá byrjun október og til loka tíma-
bilsins. Þar gerði hann fjögur mörk
í tíu leikjum og hjálpaði liðinu að
endurheimta sæti sitt í norsku úr-
valsdeildinni.
Tryggvi samdi
við Valsmenn
Ljósmynd/Skagafréttir
Hlíðarendi Tryggvi Hrafn
Haraldsson er kominn til Vals.
Bjarki Már Elís-
son átti stórleik
fyrir Lemgo þeg-
ar liðið heimsótti
Hannover-Burg-
dorf í þýsku 1.
deildinni í hand-
knattleik í gær.
Bjarki gerði
sér lítið fyrir og
skoraði tíu mörk
úr tólf skotum og
var markahæsti leikmaður Lemgo í
31:23-tapi liðsins. Tvö marka
Bjarka komu af vítalínunni en ís-
lenski landsliðsmaðurinn var með
rúmlega 83% skotnýtingu í leikn-
um.
Dani Baiijens var næstmarka-
hæsti leikmaður Lemgo í leiknum
með fjögur mörk en Hannover-
Burgdorf leiddi með fjórum mörk-
um í hálfleik og var sterkari aðilinn
allan leikinn. Bjarki er næst-
markahæsti leikmaður deild-
arinnar með 102 mörk í fimmtán
leikjum en liðsfélagi hans í íslenska
landsliðinu, Viggó Kristjánsson
leikmaður Stuttgart, er þriðji
markahæstur í deildinni með 101
mark í fjórtán leikjum. Bjarki er á
sínu öðru tímabili með Lemgo í
Þýskalandi en hann skoraði 216
mörk í deildinni á síðustu leiktíð og
endaði sem markahæsti leikmaður
hennar eftir að ákveðið var að
hætta keppni í 1. deildinni í apríl
vegna kórónuveirufaraldursins.
Íslendingar
berjast á
toppnum
Bjarki Már
Elísson
Alex Þór Hauksson, fyrirliði Stjörnunnar og miðjumað-
ur 21-árs landsliðsins í knattspyrnu, er á leið til Svíþjóð-
ar en Garðabæjarfélagið staðfesti í gær að það hefði
samþykkt tilboð Öster í hann. Öster leikur í sænsku B-
deildinni og hafnaði þar í fjórða sæti á nýliðnu keppnis-
tímabili. Liðið er frá borginni Växjö í suðurhluta Sví-
þjóðar og átti sitt blómaskeið seint á tuttugustu öldinni
þegar það vann sænska meistaratitilinn fjórum sinnum
frá 1968 til 1981.
Alex hefur verið í sívaxandi hlutverki hjá Stjörnulið-
inu eftir að hann kom inn í það sautján ára gamall fyrir
nokkrum árum. Hann lék 16 af þeim 17 leikjum sem
Stjarnan lék í deildinni á síðasta tímabili og skoraði í þeim tvö mörk og hef-
ur alls leikið 72 leiki í efstu deild og skorað í þeim fimm mörk. Hann er 21
árs gamall og hefur leikið þrjá A-landsleiki og 18 leiki með 21-árs landslið-
inu þar sem hann leikur væntanlega í úrslitakeppni EM í marsmánuði.
Alex Þór semur við Öster
Alex Þór
Hauksson
Sara Sif Helgadóttir handknatt-
leiksmarkvörður er komin aftur til
Fram eftir lánsdvöl hjá HK en hún
hefur leikið með Kópavogsliðinu
frá haustinu 2019. Handbolti.is
greindi frá þessu í gær og var með
staðfestingu á skiptunum frá Guð-
mundi Árna Sigfússyni, aðstoðar-
þjálfara kvennaliðs Fram, og Hall-
dóri Harra Kristjánssyni, þjálfara
HK. Sara hefur verið aðalmark-
vörður HK en Fram missti lands-
liðsmarkvörðinn Hafdísi Renötu-
dóttur til Lugi í Svíþjóð.
Sara í markið
hjá Fram
Ljósmynd/HK
Fram Sara Sif Helgadóttir hefur
verið í láni hjá HK undanfarið.