Morgunblaðið - 31.12.2020, Síða 19

Mikilvægasti
dagur ársins!
Í dag er mikilvægasti dagur ársins í starfi björgunarsveita landsins
því að nú seljum við flugelda sem fjármagna megnið af okkar starfi á komandi ári.
Án flugeldasölunnar getum við ekki sinnt þeim verkefnum sem okkur eru falin,
en þetta óvenjulega ár hefur verið fjárhagslega erfitt fyrir okkur.
Flugeldar eru vinsæl og skemmtileg vara sem orðin er mikilvæg hefð á flestum
heimilum, vara sem við höfum selt í yfir 50 ár. Stöðugt er unnið að því að gera
flugeldana umhverfisvænni, m.a. með því að taka úr þeim óæskileg efni en í logni
getur skapast af þeim svifryk, sérstaklega á meðan mesta skothríðin gengur yfir.
Við hvetjum alla landsmenn til þess að fagna áramótum og kveðja þetta
eftirminnilega ár með flugeldum. Við skorum á þig að versla við björgunarsveitirnar
því þannig tryggir þú áfram öflugt starf okkar og um leið eigið öryggi.
Við erum til fyrir þig.
Gleðilegt ár!