Gerðir kirkjuþings - 2018, Blaðsíða 26

26 27
og ákveðið að bjóða fulltrúum fyrirtækisins til fundar við stjórn Skálholts.
Á (2)73. fundi hinn 9. janúar 2018 voru til umfjöllunar skógræktarmál og framhald
búskapar í Skálholti. Lögð fram drög að skógræktarsamningi við Skógræktarfélag Íslands.
Þá var einnig samþykktur samningur um biskupsþjónustu og staðarhald í Skálholti sem
gildi þar til nýr vígslubiskup í Skálholti hefur verið vígður og hefur tekið við embætti sínu.
Á (2)74. fundi hinn 20. febrúar 2018 var tekin fyrir og samþykkt endurskoðuð
fjárhagsáætlun Skálholtsstaðar. Þá var lögð fram skýrsla Brunavarna Árnessýslu með
niðurstöðum úr eldvarnaskoðun og umsögn vegna gistileyfis til handa staðnum fyrir allt
að 36 manns. Að lokum var lagt fram dómnefndarálit vegna hugmyndasamkeppni um
vígslubiskupshús.
Á (2)76. fundi hinn 10. febrúar 2018 var til umfjöllunar bókun 44. fundar stjórnar
Skálholts varðandi uppbyggingu í Skálholti. Samþykkt var tillaga um að rætt verði við
ráðgjafa um framhald málsins og aðkomu ráðgjafarfyrirtækis að málinu. Þá var lagt fram
byggingarbréf til handa Skálholtsbónda.
Á (2)78. fundi hinn 15. maí 2018 var tekin fyrir beiðni um staðfestingu kirkjuráðs á því að
Skálholtsstað sé heimilt að innheimta fast gjald af hverjum hópferðabíl sem hefur viðkomu
með ferðamenn. Kirkjuráð samþykkti erindið. Þá var greint frá viðræðum við ráðgjafa um
aðkomu hans að uppbyggingarmálum í Skálholti. Samþykkt var ályktun þar sem fagnað
var aðkomu ráðgjafans að málefnum Skálholts, hann boðinn velkominn til samstarfs og
framkvæmdastjóra falið að leggja drög að samningi við hann um verkið.
Á (2)79. fundi hinn 12. júní 2018 var lögð fram skýrsla um heildarkostnað af rekstri
Skálholts árið 2017.
Á (2)80. fundi hinn 21. ágúst 2018 var fjallað um verkefnið Skálholtskógar, samningur
um leigu lands og ræktun skógar. Samningurinn var lagður fram. Kirkjuráð staðfesti
samninginn og fagnaði verkefninu.
Á (2)83. fundi hinn 29. október 2018 ályktaði kirkjuráð að veitt yrði skilyrt veðleyfi til
handa ábúanda Skálholtsjarðarinnar vegna uppgjörs hans við forvera sinn.
Önnur mál sem kirkjuráð fjallaði um á kirkjuþingsárinu og rétt þykir að gera
kirkjuþingi grein fyrir
Á (2)75. fundi hinn 9. mars 2018 var til umfjöllunar málið: Starfsreglur um val og veitingu
prestsembætta, breytingartillaga til kirkjuþings. Kirkjuráð yfirfór tillöguna og kallaði til
lögfræðing kirkjumálasjóðs og kirkjuþings sér til ráðuneytis. Kirkjuráð telur tillöguna til
bóta og leggur til að hún verði hluti af heildarendurskoðun starfsreglna sem stefnt verði að
því að leggja fyrir reglulegt kirkjuþing 2018. Kirkjuráð beinir því til biskups Íslands að hann
leiðbeini próföstum um að varamenn verði eftirleiðis frá upphafi umsóknarferlis kvaddir
til starfa við undirbúning kjörs presta. Þá var lögð fram skýrsla Skálholtsútgáfunnar til
kirkjuráðs. Skýrslan er fylgiskjal með skýrslu þessari.
Á (2)76. fundi hinn 10. febrúar 2018 var fjallað um kirkjuþing 2017, framhaldsfund
hinn 10. mars 2018. Mál sem ganga til kirkjuráðs. Aðeins eitt mál gekk til kirkjuráðs frá