Skólavarðan - 2020, Page 43

HAUST 2020 SKÓLAVARÐAN 43
Uppeldi / RADDIR
Aðsend grein
Leiðtoginn í mér
Ræktum félags- og tilfinningalega hæfni barna og eflum lífsfærni til að blómstra á þekkingaröld.
Ímyndaðu þér heim þar sem hlúð er
að forystuhæfileikum, virkni og ábyrgð
hvers barns og lögð áhersla á að rækta
og þróa leiðtogaeiginleika óháð félags-
legri eða fjárhagslegri stöðu, menntun,
heimilisaðstæðum eða bakgrunni.
Þekkingarsamfélag okkar kallar
eftir næstu kynslóð leiðtoga sem skapa
jákvæðar breytingar, hvetja aðra til að
hugsa öðruvísi, viðra skoðanir sínar af
virðingu og festu, hvetja til framfara,
og bæta stöðugt heiminn. Við trúum á
samfélag þar sem hlúð er að frumkvæði,
ábyrgð og getu hvers og eins og lögð er
áhersla á að rækta og þróa samskipta-
hæfileika og leiðtogaeiginleika allra.
Leiðtoginn í mér er framlag
FranklinCovey til skóla á öllum
stigum þar sem lagður er grunnur að
persónulegri forystu og færni nemenda,
kennara og fjölskyldna. Nálgunin byggir
á rannsóknum um hvernig
megi umbreyta menningu
skólasamfélags og efla færni
nemenda í mannlegum
samskiptum á öllum
skólastigum.
Alþjóðlegar verðlauna-
lausnir FranklinCovey
eru sérsniðnar að
viðfangsefnum skóla á
öllum stigum. Þær fela í sér
grunnfærni á sviði ábyrgðar,
áhrifa, samningatækni,
tímastjórnunar og nýsköp-
unar. Leiðtoginn í mér
aðstoðar nemendur við að
auka sjálfstraust sitt, tilfinn-
ingastjórnun, frumkvæði,
virkni og skipulagshæfileika. Ásamt því
er lögð áhersla á notkun markmiða-
setningar og forgangsröðunar, sem og
heilbrigðs tjáningarmynsturs við að
leysa ágreining, finna skapandi lausnir,
virða fjölbreytileika og ólíkar skoðanir.
Þessi lífsleikni færir börnum á
öllum aldri möguleika til að blómstra í
skóla og lífinu sjálfu, mæta áskorunum
og hvetja til umbóta á ýmsum sviðum.
Við virkjum kennara, nemendur og
aðra starfsmenn með námskeiðum,
markþjálfun og námsefni sem byggir
í senn á rannsóknum og húmor og
stuðlar að árangri til framtíðar í námi
og starfi. Notast er við skemmtilegar
og gagnlegar æfingar, myndbönd og
vandað kennsluefni til að leiðbeina
ungu fólki við að temja sér heilbrigð
lífsviðhorf og færni til að byggja upp
gott líf sem grundvallast á trausti.
Auk þessarar þekkingar sem
mun skila kennurum og nemendum
ævilöngum ávinning í samskiptum
og leiðtogahæfni, þá hljóta kennarar
aðgang að vefsíðu sem býður upp á
fjölbreytt efni á íslensku (og 15 öðrum
tungumálum) og einingar í sérfræðslu
á sviði ýmissa þátta sem mikilvægt
er að efla innan skólakerfisins, þ.m.t.
heilbrigðra samskipta og skapandi
hugsunar.
Leiðtoginn í mér hefur hlotið
jákvæðar móttökur innan skólakerfisins
á Íslandi og hefur skilað góðum árangri
fyrir nemendur og kennara. Þar á meðal
er Kristín Gísladóttir, skólastjóri á
Uglukletti, sem segir:
„Í Uglukletti leggjum við meðal
annars áherslu á jákvæða sálfræði,
sjálfræði, leiðandi uppeldi,
heilsueflandi leikskóla og
styrkleikamiðaða nálgun.
Markmið okkar er að
byggja upp hvern og einn
einstakling þannig að hann
standi uppi sem öflugur
og sterkur. Til að ná því er
mikilvægt að þekkja inn á
sjálfan sig, geta unnið með
öðrum, vita hvaða gildi
maður vill standa fyrir
og geta nýtt þetta allt sér
til vaxtar í lífinu. Í þessu
samhengi gerum við engan
greinarmun á því hvort um
sé að ræða börn, starfsfólk,
foreldra eða samfélagið í
heild. Efni Leiðtogans í mér getur stutt
við alla þessa þætti og við gátum tengt
það við þá hugmyndafræði sem fyrir
var í leikskólanum. Við notum hug-
myndafræðina og þar með venjurnar
á þann hátt að við reynum að láta það
hafa áhrif á vinnuaðferðir, viðmót og
það hvernig við byggjum upp „andann
í húsinu“.“
Enn fremur segir Steinunn
Baldursdóttir, skólastjóri í leikskólan-
um Klettaborg, sem hefur nýtt nálgun
og efni Leiðtogans í mér síðan árið
2013:
„Verkáætlun er uppfærð árlega
og unnið er samkvæmt henni allt
skólaárið, í daglegu starfi er unnið með
venjurnar 7, leiðtogahandbók, leið-
togahlutverk, leiðtogatré, leiðtogadag,
samstarfssáttmála, 7 venju mat
fyrir starfsfólk og marga fleiri þætti í
leikskólastarfinu. Aðaláherslan er á að
byggja upp sterka einstaklinga með
góða leiðtogafærni til að takast á við
áskoranir í lífi og starfi. Leiðtogaverk-
efnið snýst ekki um að búa til litla leið-
toga úr öllum börnum, heldur að hjálpa
hverjum einstaklingi að blómstra. Hver
einstaklingur fær þannig tækifæri til að
vinna út frá sínum eigin styrkleikum
og verða besta útgáfan af sjálfum sér.
Í grunninn byggir leiðtogaverkefnið
upp skilning og færni til að geta borið
ábyrgð á eigin ákvörðunum og þannig
mótað líf sitt til hins betra ásamt því
að þroska samskiptahæfni barna og
kennara. Flestir kennarar Klettaborgar
hafa farið á námskeið í venjunum 7
og telja sig hafa haft mikið gagn af
hugmyndafræðinni bæði í leik og starfi.
Foreldrar hafa lýst ánægju sinni með
starfið og fá reglulega kynningu á
venjunum í vikulegum fréttaskotum,
með vissu er hægt að segja að leiðtoga-
verkefnið hafi haft mjög jákvæð áhrif á
skólasamfélagið í heild.“
Hugmyndafræði Leiðtogans í mér
var grunnur að rannsókn á Íslandi í
M.Ed. verkefni eftir Aðalheiði Krist-
jánsdóttur og Dagnýju Vilhjálmsdóttur.
Niðurstöður leiddu í ljós að kennarar
sem unnu eftir Leiðtoganum í mér
lögðu aukna áherslu á frumkvæði,
samvinnu og markmiðasetningu. Því
var ljóst að sú hugmyndafræði sem
notast er við nýtist kennurum í að efla
forystu- og leiðtogahæfni, ásamt því að
hafa jákvæð áhrif á lærdómssamfélagið
innan og utan skólaumhverfisins. Það
er mikilvægt að forgangsraða tækifær-
um til umbóta á sviðum leiðtogahæfni,
frumkvæðis, sjálfstrausts og heilbrigðra
samskipta þar sem bæði nemendur og
kennarar geta notið góðs af um ókomin
ár í starfi og einkalífi.
Kolbrún Harpa
Kristinsdóttir
verkefnastjóri
skrifar
Leiðtoginn í mér
hefur hlotið jákvæð-
ar móttökur innan
skólakerfisins á Ís-
landi og hefur skil-
að góðum árangri
fyrir nemendur og
kennara.
Steinunn Baldurs-
dóttir, skólastjóri
í leikskólanum
Klettaborg.
Kristín Gísladótt-
ir, skólastjóri á
Uglukletti.