Tímarit hjúkrunarfræðinga - 2020, Síða 10

að passa það sérstaklega þegar fólk klæddi sig. fljótlega tók deildin upp á því að
panta frekar fjólubláar skurðstofuhúfur því þær lágu þvert yfir ennið og héldust betur.
Lambhúshettur voru einnig pantaðar því starfsfólki leið betur með að vera alveg
hulið þó hálssvæði væri ekki talið áhættusvæði svo lengi sem fólk snerti sig ekki þar.
Veirugrímurnar voru bæði til með og án túðu. Starfsfólk fann hve slæmt loftið varð
að vera með svona grímu til lengri tíma en túðugrímurnar voru þó heldur skárri.
Einnig ollu grímurnar þrýstingi og núningi á nef og kinnar. hlífðargleraugun voru
líka ansi þétt og breið teygjan skarst stundum inn í höfuðið og olli þrýstingi. gler-
augun mynduðu þrýstingsför á húð, gjarnan á enni. alveg í byrjun faraldurs fann
starfsfólk fyrir og sá roða á húð sinni þar sem þrýstingur vegna hlífðarbúnaðar kom
strax í ljós. Því var strax farið að prófa sig áfram með umbúðir til að hlífa húðinni og
það endaði með notkun á Siltape og Mepilex lite sem virkuðu best á andliti starfs-
fólks. Þó enginn hafi fengið sár var ansi stutt í það hjá sumum. Þrýstingur skapaðist
einnig þegar heyrnartæki talstöðva lá í eyrunum og húfa og bönd þrýstu yfir. Það
þurfti því að huga að ýmsum atriðum þegar kom að hlífðarbúnaði starfsmanna.
Í byrjun faraldurs voru eingöngu notuð hlífðargleraugu en svo var einnig farið að
nota andlitshlífar á öðrum deildum og þá voru miklar hugleiðingar um hvort hlífarnar
væru nógu öruggar. Eftir miklar vangaveltur og samtöl við sýkingavarnir fór deildin
berglind guðrún chu
10 tímarit hjúkrunarfræðinga • 2. tbl. 96. árg. 2020
Hópmynd af starfsfólki smitsjúkdóma-
deildar.
Alveg í byrjun faraldurs fann starfsfólk fyrir og sá roða á húð sinni
þar sem þrýstingur vegna hlífðarbúnaðar kom strax í ljós. Því var
strax farið að prófa sig áfram með umbúðir til að hlífa húðinni og
það endaði með notkun á Siltape og Mepilex lite sem virkuðu best
á andliti starfsfólks.