Börn og menning - 01.04.2002, Blaðsíða 20

BÖRN OC /AENN|N6
IBBY FRETTIR
Nýr formaður Barna og bóka
Eins og frá er greint í Tíðindum varði Anna Heiða
Pálsdóttir nýverið doktorsritgerð sína í bama-
bókmenntum en í kjölfar þess var henni snarlega kippt í
formannssæti félagsins okkar, Böm og bækur, en í það
var hún kosin á aðalfundi síðastliðið vor. Iðunn
Steinsdóttir sem stýrt hefur félaginu farsællega
síðastliðin Ijögur og hálft ár tekur sæti varaformanns og
verður þannig hægri hönd Önnu Heiðu á meðan hún
tekur fyrstu skrefin í þessu mikilvæga embætti. N)
öðmm formönnum ólöstuðum verður ekki á móti mælt
að Iðunn hefur rifið upp starfsemi félagsins þannig að
það hefur aldrei verið öflugra. Fjárhagsstaða félagsins er
sterkari en oft áður og tala félagsmanna er nú komin í
tvö hundmð sextíu og níu.
Bókakaffi
Að venju var tvívegis haldið bókakaffi í vetur á
vegum Bama og bóka í samstarfi við SÍUNG.
Samkomumar vom báðar í Súfistanum, fyrir fullu húsi
og rúmlega það, enda fátt notalegra en sitja yfir góðu
kaffi og hlusta á umfjöllun um bamabækur.
Fyrra bókakaffi vetrarins bar yfírskriftina Fesljós í
myrkrinu og var haldið 14. nóvember. Þar sem liðið var
nærri jólum voru gestir trakteraðir á upplestri úr
nokkmm jólabókanna.
Auður Jónsdóttir las úr bók sinni Algjört frelsi og
Olga Guðrún Ámadóttir las úr bók Guðmundar
Ólafssonar, Lísa og galdrakarlinn í Þarnæstugötu.
Iðunn Steinsdóttir las kafla úr bók sænsku
skáldkonunnar Moni Nilsson-Brannström, Tsatsiki og
mútta, í þýðingu Friðriks Erlingssonar, Kristín
Thorlacius las úr eigin þýðingu á bókinni Sannleikann
eða lífið eftir Celiu Rees, Sigþrúður Gunnarsdóttir las úr
Vefnum hennar Karlottu eftir E.B. White í þýðingu
Helgu Soffíu Einarsdóttur og Vilborg Dagbjartsdóttir
las eigin þýðingu úr bókinni Bestu vinir: skemmtilegar
sögur um vináttu í ritstjóm Önnu Falk.
Seinna bókakaffí vetrarins sem haldið var 27.
febrúar var með gjörólíku sniði.
Katrín Jakobsdóttir hóf leikinn og stiklaði á stóm um
það sem henni fannst markverðast í bamabókaútgáfu
síðasta árs. Nefndi hún tölu sína Gleði og glaumur en
hvar eru öróttu illmennin. Næst steig Brynhildur
Þórarinsdóttir í pontu og talaði um Vitið í vitleysunni.
Ekki verður fjölyrt um viðfangsefni Katrínar og
Brynhildar hér þar sem bæði erindin em prentuð í þessu
blaði.
Að loknu stuttu hléi birti Anna Heiða Pálsdóttir
gestum sýnishom af efni doktorsritgerðar sinnar en
einnig er fjallað um hana á öðmm stað í þessu blaði.
Ráðstefna
Eaugardaginn 23. mars var hin árlega bamabóka-
ráðstefna í Gerðubergi haldin á vegum eftirtalinna aðila:
Menningarmiðstöðin Gerðuberg, Börn og bækur,
SÍUNG, Skólasafnamiðstöð Reykjavíkur, Félag
skólasafnskennara og Þöll.
Yfirskrift ráðstefnunnar var Út um víðan völl og
vom haldin fjögur fróðleg og skemmtileg erindi um ólík
efni.
Unnur Hjaltadóttir, skólasafnskennari við Hlíðaskóla,
reið á vaðið með tölu sem hún nefndi Með rætur í
fortíðinni. Greindi hún ráðstefnugestum frá því hvemig
hún segir nemendum Hlíðaskóla sögur á hálfsmánaðar-
fresti. Nemendur skólans höfðu vanist því hjá Ármanni
Kr. Einarssyni, forvera hennar, að sagðar væm sögur en
ekki lesnar og sá hún sig knúna til að halda þeim sið.
Sagðist hún einkum hafa notað þjóðsögur þar sem henni
fyndist nemendur sækja í þær styrk auk skemmtunar.
Böm á gmnnskólaaldri þurfa að takast á við alls konar
vanda í daglegu lífi og em oft full af óöryggi. Með því
að setja sig í spor söguhetja þjóðsagnanna geta þau verið
viss um að allt fari vel að lokum því í þessum sögum
sigrar hið góða ævinlega.
Á eftir Unni hélt Úlfhildur Dagsdóttir, bókmennta-
fræðingur og bókaverja, erindi um myndasögur undir
heitinu Af hetjum, skrímslum og skattborgurum. Lýsti
hún með dæmum á glæmm nokkmm einkennum
myndasagna og sýndi muninn á evrópskum,
bandarískum og japönskum myndasögum. Einnig
spunnust nokkrar umræður um stöðu þessarar
bókmenntagreinar hér á landi en staðreyndin er sú að
þær örfáu tilraunir sem gerðar hafa verið hér til að gefa
út myndasögur, frumsamdar eða þýddar, hafa ekki
gengið upp. Auk þess eru íslendingar illa læsir á
myndir þar sem sagnahefð okkar byggist eingöngu á
hinu ritaða orði. Ekki er heldur laust við að myndasögur
hafi verið litnar homauga hér á landi og jafnvel taldar
geta spillt lestrarkunnáttu bama.
Að þessum tveimur erindum loknum var tekið
hádegisverðarhlé þar sem ráðstefnugestir, u.þ.b. 40
talsins (nær eingöngu konur!), fengu kærkomið tækifæri
til að spjalla saman yfir ágætum veitingum.
Þriðji íyrirlesturinn bar titilinn Saga og arfleifð en
hann flutti dr. Anna Heiða Pálsdóttir. Eins og frá er
18