Börn og menning - 01.04.2002, Blaðsíða 31

BÖRN 06 mENN|N£
Samtíðarskáld
Að þessu sinni kynnum við barnabókahöfundinn Helga Guðmundsson sem sendi frá sér hina
bráðskemmtilegu bók Marsibil um síðastliðin jól. JJpplýsingarnar hér fyrir neðan eru
fengnar frá Helga sjálfum og kunnum við honum bestu þakkir fyrir.
Helgi Guðmundsson
Helgi Guðmundsson er
fæddur á Staðastað á
Snæfellsnesi haustið 1943
en ólst upp á Norðfírði, þó
með nokkrum og mis-
löngum hléum, til átján ára
aldurs. Hann nam trésmíði í
Reykjavík og starfaði við
húsbyggingar á annan
áratug. Eftir það tóku við
ýmiskonar félagsmálastörf
sem í tímans rás urðu að
fullri atvinnu, á vegum verkalýðssamtakanna og
Alþýðubandalagsins sáluga. Hann var meðal annars
ritstjóri Þjóðviljans síðustu árin sem hann kom út.
Ég er stundum spurður að því hversvegna ég
skrifi fyrir börn, af hverju ég snúi mér ekki að
„alvöru skáldskap“. Ég svara: ég fæst einmitt við
„alvöru skáldskap“ og meira að segja gamni mínu!
Ég er afskaplega jarðbundinn en hef áhuga á
andstæðum af öllu mögulegu tagi - ég hika ekki við
að tefla saman mönnum og dýrum, að gefa dýrunum
mannamál og mönnunum færni til að tala við dýr
eins og í Markúsi Arelíusi. Það heillar mig líka að að
taka álfa, og þess vegna tröll og forynjur, og setja
þau inní nútímann eða væri ekki gaman að sjá
tröllskessur sem dagað hafa uppi í gömlum
þjóðsögum og gefa þeim líf á 21. öld?
Útgefin verk
Marsibil (2001)
Leópold sirkusljón hrellir borgarbúa (1998)
Markús Árelíus flytur suður (1993)
Markús Árelíus hrökklast að heiman (1992)
Markús Árelíus (1990)
Að auki hefur Helgi skrifað tvö sagnfræðirit:
Þeir máluðu bæinn rauðan og Með framtíðina að vopni.
Viðurkenningar
Viðurkenning úr verðlaunasjóði Gjafar Jóns
Sigurðssonar2001
Viðurkenning Bókasafnssjóðs höfúnda 2001
Helgi Guðmundsson
MARSIBIL
29