Börn og menning - 01.04.2002, Blaðsíða 21

BÖRN oc /v\ENN|N6
greint á öðrum stað í þessu blaði varði Anna Heiða
nýverið doktorsritgerð sína en fyrirlesturinn fjallaði um
einn kafla ritgerðarinnar.
Síðasta erindið á ráðstefnunni hélt Rakel Pálsdóttir,
þjóðffæðingur, sem hefur að undanfomu verið að
rannsaka flökkusögur. Nefndi hún erindi sitt Hárin á
höfði mér rísa; Hryllingssögur meðal barna og
unglinga. Flökkusögur meðal bama og unglinga hafa
fram að þessu aðeins verið lítill hluti af rannsóknum
Rakelar en hún hyggst nú einbeita sér að þeim. Sagði
hún ljóst að böm byija að segja sögur nánast um leið og
þau byrja að tala. Megineinkenni sagna þeirra taka síðan
breytingum á mismunandi aldursskeiðum. Sögur yngri
barnanna enda ævinlega vel en þetta breytist á
unglingsárunum en á þeim aldri telur Rakel að
sagnamennskan rísi hæst.
Norrœnn fundur
Dr. Anna Heiða Pálsdóttir sótti sameiginlegan fúnd
norrænu IBBY deildanna í Stokkhólmi 15.-17. mars.
Svíar greindu frá því að komið hefði verið á
sérstökum Astrid Lindgren verðlaunasjóði sem úthlutað
verður úr árlega 5 milljón krónum sænskum. Verðlaunin
geta hlotið jafnt einstaklingar sem félög er vinna
bamabókmenntum brautargengi.
Þar sem Guðlaug Richter gengur úr stjóm IBBY
samtakanna á heimsþinginu í haust var á dagskrá
umræða um hvort Norðurlönd ættu að koma sér saman
um tilnefningu fulltrúa sem yrði sérstakur tengiliður
landanna við stjóm samtakanna. Var samþykkt að löndin
styddu Danann Vagn Plenge í stjómarkosningunum í
Basel í haust.
íslandsdeildin sér um útgáfu Nordisk blad á þessu
ári og var samþykkt tillaga deildarinnar um að hafa
þemað húmor í bamabókum. Fundinum lauk með því að
fulltrúar hvers lands kynntu barnabókaútgáfu síðasta
árs.
Alþjóðlegu samtökin IBBY
Vorfundur stjómar IBBY-samtakanna var haldinn í
Bologna 8. og 9. apríl í tengslum við hina árlegu
bamabókamessu. Guðlaug Richter fulltrúi íslands í
stjóminni sat fundinn. Á dagskrá fundarins vom hinir
ýmsu þættir í starfsemi samtakanna en þar að auki fór
mikill tími í að ræða undirbúning fímmtíu ára
afmælisþings IBBY-samtakanna sem verður haldið í
Basel í Sviss 29. september til 3. október 2002.
Þingið er öllum opið en hámarksþátttaka er þó
bundin við 450 manns. Síðasti skráningardagur er 31.
maí nk. Á þinginu verður litið yfir farinn veg í starfsemi
samtakanna en einnig verður horft til framtíðar. Þeim
sem hafa áhuga á að kynna sér dagskrá heimsþingsins í
Basel eða hvaðeina í starfsemi IBBY-samtakanna er
bent á að skoða ágæta heimasíðu þeirra, www.ibby.org
I kjölfar stjómarfundarins var haldinn blaðamanna-
fúndur á vegum samtakanna. Fundurinn var á fyrsta
degi bókamessunnar og var hann fjölsóttur enda var þá
tilkynnt hver hlýtur H.C. Andersen verðlaunin á þessu
ári. Það ríkti dauðaðögn í salnum þegar Jay Heale frá
Suður-Afríku, formaður dómnefndarinnar, greindi frá
því að það væm rithöfundurinn Aidan Chambers frá
Bretlandi og landi hans, myndskreytirinn Quentin
Blake. Bmtust þá út mikil fagnaðarlæti og fór ekki á
milli mála að þeir áttu báðir heita aðdáendur í salnum.
Þeir taka við verðlaununum við hátíðlega athöfn á
heimsþinginu í Basel í haust.
Vorvindar 2002
Á sumardaginn fýrsta veitti félagið okkar, Böm og
bækur, hinar árlegu viðurkenningar sínar í Norræna
húsinu. Þær hlutu að þessu sinni:
Guðjón Sveinsson sem hlýtur Vorvinda fyrir ritstörf
sín í þágu bama og framlag sitt til bamamenningar.
Guðjón Sveinsson gaf út sína fyrstu bók árið 1967 og
hefúr síðan þá skrifað á fjórða tug bóka fýrir böm.
Sérstaka athygli vakti bók hans Ört rennur œskublóð
(1972) sem lýsir af einstöku innsæi lífi ungs manns í
sjávarþorpi úti á landi og átökum hans við umhverfið
og sjálfan sig.
Anna Gunnhildur Ólafsdóttir hlýtur Vorvinda fyrir
bama- og unglingabókina Niko er kom út haustið 2001.
Niko er fyrsta bók Önnu Gunnhildar og fjallar um
dreng sem alist hefúr upp í Sarajevo en flytur til íslands
ásamt foreldmm sínum eftir að ófriður í heimalandi hans
hefur hrakið fjölskylduna á brott. Með þessu framlagi
sínu hefúr Anna Gunnhildur sannarlega minnt á tilgang
hinna alþjóðlegu IBBY-samtaka sem stofnuð vom til
þess að brúa bil á milli ólíkra menningarhópa með
bamabókum og efla þannig skilning á milli þjóða.
Leikfélag Kópavogs hlýtur Vorvinda fyrir
áhugaverða leikgerð sína á Grimms-ævintýrum.
Leikfélagið var stofnað af áhugamönnum um leiklist árið
1957. Það hefúr sérstaklega beitt sér fýrir að vinna með
unglingum og stofnaði sérstakan unglingaleikhóp 1994.
Leikritið Grimm er kraftmikil og fjörug sýning sem
byggir á nýstárlegum spuna og höfðar einstaklega vel til
barna. í leikskrá segir: „Ævintýrin endurspegla að
einhverju leyti lífið. Þar er gleði og þar er sorg, þar er
ótti og kátína, ríkidæmi og örbirgð.“
19