Dagur - 12.02.1988, Blaðsíða 20

Guðmundur Bjarnason og Valgerður Sverrisdóttir.
Kveðja jrá
þingmönnum
í dag eru liðin 70 ár frá því að blaðið
Dagur hóf göngu sína en fyrsta tölu-
blaðið kom út 12. febrúar 1918. Að
útgáfunni stóðu einstaklingar og fé-
lagasamtök á Akureyri og við Eyja-
Qörð, sem gerðu sér ljósa grein fyrir
mikilvægi þess að hafa vettvang til að
koma skoðunum sínum á framfæri
við almenning, veita upplýsingar og
segja fréttir úr bæ og byggð.
Ekkert lát hefur orðið á útgáfu
blaðsins öll þessi ár og smám saman
varð starfsemin sterkari og öflugri,
aðstæður bötnuðu, blaðið eignaðist
húsnæði, vélakostur var bættur og
starfsfólki ijölgaði. Blaðið kom út
reglulega, hálfsmánaðarlega í fyrstu,
síðan vikulega, því næst tvisvar í
viku, þá þrisvar í viku og fyrir rúm-
um tveimur árum var það stóra skref
stigið að gera Dag að dagblaði, fyrsta
dagblaði utan Reykjavíkursvæðisins.
í sögu íslenskrar Qölmiðlunar var
hér um mjög merkilegan áfanga að
ræða, og ennþá mikilvægari en menn
hafa í raun gert sér grein fyrir.
Þótt Dagur sé útbreitt blað og eigi
sér marga lesendur, þá berst rödd
hans að auki á hverjum degi til
landsmanna allra með aðstoð Ríkis-
útvarpsins, á sama hátt og rödd ann-
arra dagblaða. Það er mikilvægt að
málflutningur Dags eins og annarra
blaða, heyrist á þessum vettvangi,
því hann á ekki síður rétt á sér nú en
fyrir 70 árum, er Dagur hóf fyrst upp
raust sína. Fyrir því eru ýmsar
ástæður. Dagur er í fyrsta lagi mikil-
vægt, Qölbreytt og gott fréttablað.
Fréttir blaðsins eru hins vegar um
margt sérstæðar, því þær fjalla að
mestu um norðlenska atburði, menn
og málefni heima í héraði og hefur
svo verið frá fyrstu tíð. Auk þess hef-
ur blaðið lagt sig fram um að flytja
lesendum margs konar fróðleik og
frásagnir af ýmsum toga. Má til
dæmis nefna skemmtileg viðtöl við
fjölmarga einstaklinga sem hafa haft
frá ýmsu að segja.
Við sem þetta ritum, höfum því,
eins og svo ótrúlega mikill Qöldi
Norðlendinga heima og heiman, tek-
ið tryggð við „blaðið okkar“, enda
berst það nú í nánast hvert hús á
Akureyri og við EyjaQörð og hefur
mjög mikla útbreiðslu í öðrum
byggðum á Norðurlandi. Það er að
sjálfsögðu besti vitnisburðurinn sem
blaðið getur fengið um mikilvægt
hlutverk sitt og hversu vel því hefur
tekist að rækja það hlutverk, sem
öflugur málsvari landsbyggðar og
traustur og góður fréttamiðill fyrir
norðlenska byggð.
í öðru lagi má nefna öfluga baráttu
Dags fyrir málstað landsbyggðar og
byggðastefnu. í 70 ár hefur blaðið
lagt ríka áherslu á mikilvægi þess að
byggja landið allt, efla atvinnulíf til
sjávar og sveita og auka þjónustu
hins opinbera í þágu þess fólks sem
kýs að velja sér búsetu utan höfuð-
borgarsvæðisins. Blaðið hefur bent á
mikilvægi bættra samgangna og auk-
innar heilbrigðisþjónustu og krafist
þess að fólk ætti sem jafnastan rétt
og möguleika til náms án tillits til
búsetu. Hefur blaðið verið óþreyt-
andi við að þrýsta á stjórnvöld um
aðgerðir í þessum efnum og hvatt
einstaklinga, félög og fyrirtæki til
dáða heimafyrir. Ekki leikur vafi á
því að á þessu sviði hefur Dagur
gegnt mikilvægu hlutverki.
Síðast en ekki síst hefur Dagur alla
tíð verið öflugur málsvari Framsókn-
arflokksins og samvinnuhreyfmgar-
innar en hugsjónir samvinnu,
jöfnuðar og félagslegs réttlætis hafa
ætíð verið grundvallarþættir í stefnu
Framsóknarflokksins. Það er því
mikilvægt fyrir okkur öll, sem aðhyll-
umst þessar skoðanir, að eiga þann
málsvara sem Dagur er og fagnaðar-
efni, að saga blaðsins og þróun skuli
vera svo glæsileg sem raun ber vitni.
Fyrir þennan þátt í stefnu og skrifum
blaðsins vilium við þakka sérstak-
lega.
Að lokum viljum við þakka öllum
þeim ijölmörgu einstaklingum, sem
lagt hafa hönd á plóg í 70 ára sögu
Dags. Jafnframt óskum við núver-
andi aðstandendum blaðsins, fram-
kvæmdastjóra, ritstjórum og starfs-
mönnum öllum hjartanlega til ham-
ingju á þessum tímamótum. Við
væntum þess að eiga hér eftir sem
hingað til hið besta samstarf við alla
þessa aðila. Megi Dagur halda áfram
að eflast og dafna og flytja lands-
mönnum öllum mikilvægan boðskap
sinn um ókomin ár.
Valgerður Sverrisdóttir
Guðmundur Bjarnason
20
Dagur 70 ára