Fréttablaðið - 05.06.2021, Qupperneq 100

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
n Lífið í
vikunni
30.05.21
05.06.21
Ég vonast bara til að
það verði leitað til mín
áfram og að ég sé
orðinn þekktur sem
gaurinn sem er tilbú-
inn að taka að sér
svona verkefni.
Tónskáldið Biggi Hilmars,
stundum kenndur við
Ampop, samdi lagið Hope
Grows við YouTube-mynd-
band sem ætlað er að afla
alþjóðlegu átaki fjár til björg-
unar hverfandi kóralrifja.
Fljótandi tónar hans eru einn-
ig hugsaðir til þess að vekja
bjartari framtíðarvon.
thorarinn@frettabladid.is
Kóralrifjum heimsins hefur lengi
stafað hætta af hlýnun og súrnun
sjávar og mikið er í húfi þar sem
þau eru tilvistargrundvöllur fjölda
tegunda sjávardýra, auk þess sem
hrun í fiskveiðum er fyrirsjáanlegt
njóti kóralanna ekki við.
„Ég er búinn að vera umhverfis-
verndarsinni frá því ég var polli.
Fyrsta plata Ampop fjallaði náttúr-
lega bara um umhverfismál og ég er
ákaflega stoltur af því að hafa verið
valinn til þess að semja tónlist fyrir
þetta risavaxna verkefni,“ segir tón-
skáldið Biggi Hilmars, um aðkomu
sína að stærsta kóralbjörgunarverk-
efni heims sem kennt er við SHEBA
Hope Reef.
Biggi var á árum áður þekktastur
sem söngvari og gítarleikari hljóm-
sveitarinnar Ampop en hefur á síð-
ustu árum fest sig rækilega í sessi
sem höfundur tónlistar fyrir kvik-
myndir og sjónvarp.
Hróður hans sem slíkur varð í
raun til þess að hann var sérvalinn
til þess að semja tónlistina við You-
Tube-myndbandið The Film That
Grows Coral, eða Kvikmyndinni
sem ræktar kóral, og er ætlað að efla
fólki bjartsýni og dug og safna um
leið liði og fé til baráttunnar fyrir
verndun kóralrifjanna.
Vonin sem vex
„Það er von, en það er núna eða aldr-
ei,“ segir Biggi, en lagið hans, Hope
Grows, hefur verið fáanlegt á öllum
streymisveitum í rúma viku. Biggi
fylgdi útgáfunni síðan eftir á þriðju-
daginn með frumsýningu tónlistar-
myndbands við lagið.
Biggi segir lagið hafa gengið mjög
vel fyrstu vikuna á vefnum. „Þannig
að það er vonandi eitthvað að safnast
í sarpinn,“ segir Biggi og bætir við að
byrja eigi á því að endurheimta kór-
alrifið Salisi Besar, eða Vonarrifið,
í Indónesíu en með auknum fjár-
stuðningi verði síðan fleiri og fleiri
kóralrif tekin fyrir og endurheimt.
„Þetta verkefni er bara rétt að
byrja og myndinni og tónlistinni er
ætlað að safna fjármagni og hvetja
önnur félög eða fyrirtæki, stór og
smá, út um allan heim til að taka
þátt. Allar tekjurnar af streymi
þessa verks renna beint til þessara
mála í gegnum náttúruverndar-
sjóðinn Nature Conservance.“
Þar sem hjartað slær
Framleiðslufyrirtækið Radford
Music í London, sem sérhæfir sig
í kvikmyndatónlist hvers konar,
hafði gefið fyrri verkum Bigga gaum
og kom að ráðningu hans.
„Þetta var svolítið ævintýri,“ segir
Biggi sem var valinn úr hópi þekktra
tónskálda. „Það vann alltaf með mér
að ég var búinn að gera svo mikið
tengt hnattrænni hlýnun og þau
vissu að þetta er mér hjartans mál.
Það má segja að ég sé farinn að
laða að mér verkefni sem snerta
á hlýnun jarðar og þessi verkefni
sem ég hef unnið að á seinustu árum
hafa einhvern veginn bara svolítið
komið til mín.“
Biggi rekur upphaf þess til sýnd-
arveruleikamyndar um mannskæð-
an eldsvoðann í Grenfell-turninum
í London 2017. „Þetta tilraunaverk-
efni heppnaðist svona rosalega vel
og var eiginlega það fyrsta sem ég
gerði sem skipti máli fyrir eitthvað
sem mætti kalla göfugri málstað.“
Í kjölfarið fylgdi heimildarmynd-
in The Last Igloo sem fjallar í raun
um bráðnun hafíssins og samfélag
veiðimanna á Grænlandi sem er því
á hverfanda hveli. Hann samdi einn-
ig tónlistina fyrir sænsk-íslensku
spennuþáttaröðina Thin Ice sem
gerðist mikið til á Grænlandi með
hnattræna hlýnun í brennidepli.
Þá samdi Biggi nýlega tónlistina
við heimildarævintýrið Arctic Drift
sem fjallar um 50 vísindamenn sem
ferðast á ísbrjóti á Norðurheim-
skautið og festast þar.
„Hingað til er ég nú búinn að vera
meira að fást við Norðurheimskautið
þannig að það var gott að komast á
suðrænar slóðir og ég vonast bara til
að það verði leitað til mín áfram og
að ég sé orðinn þekktur sem gaurinn
sem er tilbúinn að taka að sér svona
verkefni,“ segir Biggi sem vinnur nú
að sinni fjórðu sólóplötu. n
Tónaflóð bjargar kóralrifi
Biggi segist njóta þess að hafa alist upp við vatn, veiðiskap og íslenska náttúru og eins og margir Íslendingar hafi jarð-
nándin gert hann ungan að náttúruverndarsinna. MYND/MARÍA KJARTANS
Lúxus í sumarbústað
Kvikmyndin Saumaklúbburinn
er komin í bíó. Þar segir af ævin-
týralegri sumarbústaðaferð fimm
vinkvenna. Jóhanna Vigdís Arnar-
dóttir leikur eina vinkonuna og
segir dvölina í bústaðnum hafa
verið æðislega reynslu og lúxus.
Léttfetar við Laxárbakka
Saman kalla laxveiðikempurnar og
myndlistarmennirnir Björn Roth,
Jón Óskar og Kristján Steingrímur
Jónsson sig Léttfeta og opnuðu sem
slíkir málverkasýningu í Veiðihús-
inu við Laxá í Kjós á föstudaginn.
Sýningarstjóri er sjálfur Siggi Hall.
Leiðarljós amiinu
Kvartettinn amiina rauf tæplega
fimm ára útgáfuhlé á föstudag
með útgáfu smáskífu og mynd-
bands við lagið Beacon, sem er for-
smekkurinn af því sem koma skal
með þriggja laga þröngskífunni
Pharology sem kemur út 26. júní.
Hangið á baki
Tara Njála og Silfrún Una ætla að
skella gestum á bak listatuddanum
á sýningunni Ride the Art sem
verður opnuð í dag. Þá gefst tæki-
færi til að reyna að halda sér á baki
skúlptúrs sem sveiflast fram og til
baka líkt og tuddi á kúrekasýningu.
Holtagörðum, Reykjavík
Smáratorgi, Kópavogi
Dalsbraut 1, Akureyri
Skeiði 1, Ísafirði
Sumar
útsalan
í fjórum verslunum
Smáratorgi | Holtagörðum | Akureyri | Ísafirði
| HEILSUDÝNUR OG –RÚM
| MJÚK- OG DÚNVÖRUR
| SVEFNSÓFAR
| SMÁVÖRUR
| STÓLAR
| SÓFAR
| BORÐ

SMÁRATORGI
OPIN Á SUNNUD.
KL. 13–17
Sumarútsala
ALLT AÐ
60%
AFSLÁTTUR
www.dorma.is
VEFVERSLUN
ALLTAF
OPIN
44 Lífið 5. júní 2021 LAUGARDAGUR