Þjóðmál - 01.12.2018, Side 30

28 ÞJÓÐMÁL Vetur 2018
Greinaflokkur: Kjarasamningar og kjaramál
Konráð S. Guðjónsson
Vinnumarkaðslegur
ómöguleiki
Þegar Ísland fékk fullveldi fyrir 100 árum
var lífsbaráttan umtalsvert erfiðara en nú.
Það eru þó sjálfsagt ekki allir sem fæddust
inn í iðnvætt upplýsingasamfélag sem gera
sér fylli lega grein fyrir þeim lífskjarabata
sem hefur orðið, en verg landsframleiðsla
á mann hefur hvorki meira né minna en
átjánfaldast síðan 1918 (sjá mynd 1). Með
öðrum orðum var fullveldinu fagnað í landi
þar sem lífskjörin voru í takt við þau sem í
dag má finna víða í Afríku sunnan Sahara
eða í löndum eins og Vanúatú og Tajikistan.
Landið þar sem 100 ára afmæli fullveldis er
nú fagnað býr við einhver bestu lífskjör sem
mannkyn hefur upplifað, bæði í samtímalegu
en ekki síður sögulegu samhengi.
Viðskiptaráð Íslands | 1