Múlaþing: byggðasögurit Austurlands - 01.01.2016, Blaðsíða 7

Söfn og setur
Fyrir stxittu síðan skoðaði ég safn sem sett hefur verið upp á Fáskrúðsfirði, um líf
franskra sjómanna sem stunduðu fískveiðar hér við land fyrr á öldum. Það er gott
dæmi um hve vel getur tekist til ef vandað er til verka við uppsetningu sýninga
sem veita upplýsingar um ákveðna þætti sögunnar. Slíkar sýningar varðveita og
miðla til komandi kynslóða því sem annars myndi gleymast. I dag þegar lestur
bóka hefur látið undan síga í baráttunni við alls konar margmiðlun þá eru svona
sýningar mjög mikilvægar. Að skoða slíkar sýningar vekur gjaman áhuga á því
að kynnast betur því sem verið er að fjalla um á sýningunni. Maður getur þá valið
hvort þeirrar vitneskju er aflað með lestri af bók eða með leit að upplýsingum á
netmiðlum.
Yíða um land hefur verið komið upp sérstökum fræðasetrum um efni sem veita
fræðslu um ýmislegt er tengist þá yfirleitt afmörkuðum þáttum sem tengjast sögu,
menningu og náttúm. Einnig em settar upp ýmsar sýningar sem standa í ákveðinn
tíma hjá þeim mörgu safnastofnunum sem í landinu em. Hvort tveggja nýtist vel
skólum til fræðsluheimsókna með nemendur auk þess að laða að ferðamenn. í
Minjasafni Austurlands á Egilsstöðum er nú uppi sýning sem ber heitið Hreindýrin
á Austurlandi, var sýning þessi opnuð sumarið 2015 og er önnur af grunnsýningum
safnsins nú um stundir. Sýning þessi er vönduð og gefur góða mynd af þeirri
séstöðu sem hreindýrin hafa skapað í sögu og menningu Austurlands. Þar sem
óvíst er hve lengi þessi sýning mun standa í Minjasafni Austurlands verðum
við íbúar Austurlands að halda vöku okkar. Við verðum að vera búin að koma
okkur saman um staðsetningu hreindýraseturs á Austurlandi sem gæti tekið við
sýningunni, hún væri góður gmnnur að stofnun slíks seturs. Það ætti að vera eitt
af forgangsverkefnum í samstarfí sveitarfélaga á Austurlandi að tryggja að svo
verði gert.
I þessu hefti Múlaþings sem er hið 42. í röðinni er m.a. höfundaskrá frá 23. hefti
til og með þessa heftis. Höfundaskrá fyrstu 22 heftanna birtist í 22. hefti. Vonandi
fmnst lesendum fengur að fá þessa skrá í hendur til að auðvelda leit að ákveðnu
efni sem birst hefur.
Góðar stundir
JGG
5