Múlaþing: byggðasögurit Austurlands - 01.01.2016, Page 82

Múlaþing
Hrafnkell A. Jónsson tók við sem forstöðumaður Héraðsskjalasafns Austfirðinga árið 1996. A fyrstu árum hans í
starfi urðu miklar breytingar á starfsemi héraðsskjalasafnsins, ný tækni var innleidd, þjónustu efldist og föstum
starfsmönnum Jjölgaði. Eigandi myndar: Ljósmyndasafn Austurlands.
heimasíða var opnuð þann 1. maí árið 2008.
Veigamesta breytingin með henni var að þá
var hægt að miðla myndefni úr ljósmynda-
safninu. í afmælishófi héraðsskjalasafnsins
sem haldið var að loknum aðalfundi þess þann
3. nóvember 2016 var svo ný og endurbætt
heimasíða safnsins opnuð formlega.
Þó umtalsverð tækniþróun hafí orðið hjá
héraðsskjalasafninu frá upphafi starfsemi
þess hefur hún löngum gengið frekar hægt.
Árið 2007 ákvað þáverandi stjórn héraðs-
skjalasafnsins að tímabært væri að endumýja
tölvukost safnins. Haft var á orði að nægju-
semi starfsmanna safnsins árin á undan hafi
verið eftirtektarverð því tölvukosturinn hefði
með réttu fremur átt heima í minjasafninu
sem safngripir. Örari tækniþróun síðustu ár
og þau sérverkefni sem safnið hefur tekið að
sér hafa orðið til að knýja fastar á um hraðari
tækniþróun innan þess. Árin 2013 og 2014
voru stigin mörg skref á þeirri leið m.a. með
kaupum á netþjóni og diskastöð til að varð-
veita skannaðar ljósmyndir og skráningar-
upplýsingar um þær. Tölvubúnaður starfsfólks
var endumýjaður árið 2014 og þá var einnig
keypt nýleg fjölnotavél sem nýtist bæði við
ljósritun, prentun og skönnun.
Nýir tímar
Árið 1996 stóð héraðsskjalasafnið á tíma-
mótum, ekki aðeins vegna 20 ára afmælis og
flutninga safnsins í nýtt húsnæði heldur einnig
vegna forstöðumannsskipta. I starfsskýrslu
safnsins fyrir árið 1996, fyrsta starfsárs Hrafn-
kels A. Jónssonar sem forstöðumanns, ritar
hann pistil um framtíðarhorfúr og hlutverk
héraðsskjalasafnsins. Þar kallar Hrafnkell
eftir því að skilgreint verði hvaða þjónustu
safninu sé ætlað að veita og einnig að mótuð
verði stefna varðandi hvaða skjölum héraðs-
skjalasafnið skuli safna, þ.e. einkaskjölum
sem opinbemm skjalasöfnum ber ekki laga-
80