Múlaþing: byggðasögurit Austurlands - 01.01.2016, Page 98

Múlaþing
svo skarðið í brúninni þar sem
við höfðum kraflað okkur upp um
morguninn og urðum harla fegnir.
Gerðum við nú tilraun að kalla
í talstöðina og fengum strax svar
frá Erling Garðari rafveitustjóra
sem beið okkar niðri. Gátum við
sagt að ekkert væri að og við á
réttri leið og óhætt væri að setja
straum á línuna sem svo var gert
og þar með komst rafmagn á
suður fírði. Erling Garðar hafði þá
beðið um aðstoð björgunarsveita
til að leita að okkur vegna þess
að ekkert hafði heyrst frá okkur
frá því við lögðum upp í þessa
vafasömu för. Niður vorum við
svo líklega komnir á milli klukkan
níu og tíu.
Daginn eftir var ákveðið að
senda mig einan til að gera við
línu sem bilað hafði upp á svo-
nefndri Háurð gengt bænum Vað-
brekku í Hrafnkelsdal. Tók sú för
upp Jökuldal, upp á Háurð og til
baka um tvo sólarhringa vegna
mikillar ófærðar, eftir því sem ég
best man. Þegar ég kom úr þeirri
för var ég orðinn svo þreyttur og
mglaður að ég átti erfitt með að
sofna.
Næstu daga vann ég að
bilunum á loftlínum í bæjarkerf-
inu á Egilsstöðum en á þeim tíma
var öllu rafmagni dreift með loftlínum. Gísli
var að styrkja og laga línur í öllum áttum.
Þann 31. janúar bilar Stuðlaheiðarlína aftur
og Mjóafjarðarlína og 5. janúar fer Borgar-
ijarðarlína niður og brotna staurar og slitnar
á ijómm stöðum. Var nú rætt hvort hugsan-
legt væri að senda annan leiðangur gangandi
manna á Stuðlaheiði og var þá ekki öðmm
til að dreifa í það verk en okkur Guðmundi
Greinarhöfundur stendur við eitt mastur gömlu línunnar sem nú er
aflögð íNónbotnum. Skessugjá blasir við en möstrin stóðu hœgra megin
við þar sem toppur mastursins nemur við brún Skessu. Ljósmynd: Unnur
Birna Karlsdóttir (2014).
Ólasyni frá Hauksstöðum á Jökuldal í þann
leiðangur.
Tekinn var til búnaður til fararinnar og
vom nokkrir ráðgjafar sem að því verki komu,
svo sem Vilberg Lámsson lagermeistari, eins
og við kölluðum hann, en hann sá um lagerinn
hjá RARIK. Vilberg vissi nákvæmlega hvaða
tegund af línuvír var á Stuðlaheiði, eins og
hann vissi raunar um allar línur á Austurlandi,
hvar hefði verði skipt um vír og af hvaða
96