Múlaþing: byggðasögurit Austurlands - 01.01.2016, Side 99

Farið á Skessu
Gísli Sigurðsson línuverkstjóri hjá RARJK stendur við sligaða línu vegna ísingar á Hallsteinsdalsvarpi milli
Hallsteinsdals og Areyjardals 28.febrúar 1978. Ljósmynd: Arni Jón Elíasson.
tegund hann var á hverri línu. Þá var einnig
til ráðgjafar Benedikt Þórðarson sem meðal
annars taldi okkur trú um að gott væri að hafa
með sér „halímoníu“ en það kallaði hann talíu
með tvískornum blökkum með sirka 10 mm
línu. Ekki voru allir sammála Benedikt um að
við bærum þetta með okkur ofan á allt annað
en ég gein við flugunni og tók halimoníuna
með. Þessi halimonía átti heldur betur eftir
að koma við sögu í þessum leiðangri.
Alófært var yfir Fagradal þegar hér var
komið því mikil snjókoma hafði verið síðustu
tvo sólarhringa svo áætlað var að senda okkur
Guðmund með snjóbílnum Tanna sem var
í eigu Benna og Svenna á Eskifirði og var
eina farartækið sem gekk milli Héraðs og
Reyðarfjarðar með vörur. Þegar við komum
um borð í Tanna seint að kvöldi var þar við
stjórnvöl Sveinn Sigurbjarnarsson ásamt
aðstoðarmanni sínum Jóni R. Óskarssyni.
Ferðin yfir Fagradal er mér minnistæð vegna
þess að nánast ekkert pláss var fyrir okkur
Guðmund og það dót sem fylgdi okkur. Ég
kom mér fljótlega fyrir ofan á einhverju sem
náði nálega til lofts aftur í bílnum og sofnaði
þar annað slagið. Ferðalagið gekk hægt en
örugglega. Tanni bar nafn af snjótönn framan
á honum og var fyrsti snjóbíll þannig búinn
hér á landi. Tanni gat því tekið af hliðarhalla
og yfirleitt lagað til og lyft sér með þessari
tönn og kom þessi tönn sér því vel við erfiðar
aðstæður sem hann raunar alltaf var í við ferðir
milli Eskifjarðar og Norðljarðar en hann var
upphaflega keyptur til vetrarferða þar á milli.
Þegar inn á Fagradal kom varð fyrir okkur
mikið snjóflóð sem var alveg nýfallið og
komst Tanni upp á jaðar flóðsins með því að
skera skábraut með tönninni upp á það og
laga til fyrir sig yfir flóðið sem við töldum
jafnvel á þriðja hundrað metra breitt. Eftir að
hafa komist yfir flóðið silaðist Tanni áfram
Fagradalinn, hægt en örugglega, drekkhlað-
inn af allskonar vamingi Það var hér sem ég
fór að hugsa um snjóflóð. Þegar komið var
niður undir Grænafell tók Tanni stefnuna á
97