Múlaþing: byggðasögurit Austurlands - 01.01.2016, Qupperneq 106

Múlaþing
Áning í Hrafnkelsdal. Trukkur með efni í skálann t.v.,jeppi Völundar t.h. Ljósmynd: HG.
sem urðu smám saman fararskjótar manna
í stað þarfasta þjónsins. Fram að því smöl-
uðu heimamenn afréttir á hestum samkvæmt
aldagamalli hefð en þess utan voru það örfáir
náttúrufræðingar og áhugamenn um hálendið,
innlendir og erlendir, sem lögðu leið sína
inn á öræfaslóðir norðan Vatnajökuls og liðu
oft áratugir milli slíkra leiðangra. A sjöunda
áratug síðustu aldar jókst til muna áhugi á
hagnýtingu vatnsaflsins í jökulám landsins.
Starfsmenn Orkustofnunar, vatnamælinga-
mennn, verkfræðingar og jarðfræðingar, voru
fremstir í flokki við undirbúning og áttu þátt
í að ruddar voru akfærar slóðir áleiðis að
Snæfelli, um Brúaröræfi og eftir að Kreppa
var brúuð sumarið 1970 einnig inn eftir
Krepputungu til Kverkfjalla. Brátt bættust í
þennan hóp líffræðingar til að kanna lífríkið
og umhverfisáhrif áformaðra framkvæmda.
Völundur Jóhannesson húsasmíðameistari
átti lipran Willýs jeppa og fylgdist náið með
þessari þróun. Hann og nokkrir félagar hans
fengu leyfi Brúarbænda til að koma upp litlum
skála sem reistur var 1967 og enn stendur í
Grágæsadal. Völundur (f. 1930) stýrði lengi
trésmíðaverkstæði Kaupfélags Héraðsbúa og
gat utan hefðbundins vinnutíma nýtt aðstöð-
una til hliðarverkefna. Þannig gerast oft góðir
hlutir. Ferðafélagið naut ötullar forystu Völ-
undar fyrstu 20 árin.
Efnt í Snæfellsskála
Sá sem þetta ritar vann sumurin 1969 og 1970
að gróðurfarsrannsóknum í Austtjarðafjall-
garði. Ég valdi um 50 athugunarstaði frá
útnesjum og inn til landsins allt frá Homa-
firði í suðri norður í Borgarljörð og skráði
útbreiðslu og hæðarmörk einstakra háplöntu-
tegunda. Sunnan til lágu mörk athugunar-
svæðisins að Lónsöræfum og vestur á Hraun.
Ég hafði í þessu sambandi hug á að komast
á vatnaskilin milli Héraðs og Lóns, nánar
tiltekið á Geldingafell og grennd. I skýrslu
um starfsemi Ferðafélags Fljótsdalshéraðs á
árinu 1970 segirm.a. (Arbók 1971, skýrsla):
Aðalfundur F.F.F. var haldinn 26/2. Lagði
stjómin þar fram teikningu af skála fyrir
20-30 manns, og ákvað fundurinn að
byggja hann á árinu við Snæfell. Var
hann síðan smíðaður að mestu um vetur-
inn í sjálfboðavinnu í Trésmiðju K. H. B..
Egilsstöðum, af félagsmönnum. - Famar
voru tvær skemmtiferðir á vegum félags-
ins ... Seinni ferðin var farin þann 8/8 að
Snæfelli. I þeirri ferð var Snæfellsskáli
reistur og frágenginn að mestu. Þátttak-
endur voru um 70 á öllum aldri. Siðar,
þann 3/10 fóru nokkrir félagar í vinnuferð
að Snæfellsskála. Var þá stikuð leiðin næst
104