Múlaþing: byggðasögurit Austurlands - 01.01.2016, Síða 112

Múlaþing
Vatnadœld norðaustan Geldingafells, Keldárvatn Jjœrst.
Snœfell í norðvestri. Mynd tekin í flugi í ágúst 1989.
Ljósmynd: HG.
Þokuganga yfír jökul til baka
Þegar við risum úr tjaldi að morgni þriðju-
dags 11. ágúst var logn en dimm þoka grúfði
yfír. I von um að þokunni létti tókum við
upp tjald og ákváðum að halda til baka fram
með undirhlíðum Vatnajökuls, inn í Kverk og
vestur yfir Eyjabakkajökul. Þetta gekk eftir
með stuðningi af áttavita og hæðarmæli, en
ekkert rofaði til fyrr en síðdegis. Við komumst
klakklaust yfir jökulinn í svipaðri hæð og í
austurleið tveim dögum áður. Höfðum helst
áhyggjur af að lenda of langt í vesturátt
yfír á Brúarjökul, lækkuðum okkur því og
römbuðum nokkum veginn á Hrauk og bíll-
inn skammt undan á Háöldu. Við náðum út í
Snæfellskála undir kvöld og fögnuðum þessu
glæsilega húsaskjóli sem þar blasti við og
beið okkar. Leiðangurinn sem reisti skálann
hafði lokið verki síðdegis á sunnudag og þá
haldið til byggða. Við Magnús höfðum því
slotið einir til umráða sem fyrstu gestir í þessu
rúmgóða húsi.
Snæfellsskáli hefur síðan verið stækk-
aður og endurbættur í þrígang, 1976,1979 og
1987. (Sjá Gletting 24, 2000) Fljótlega eftir
stofnun Vatnajökulsþjóðgarðs 2007 hófust
viðræður um kaup þjóðgarðsins á skálanum
af ferðafélaginu. Varð það að veruleika á árinu
2013 og nýtur þjóðgarðurinn og gestir hans
þannig ftumkvæðis og dugnaðar Ferðafélags
Fljótsdalshéraðs.
Óveður og ferðin til byggða
Við urðum veðrabrigða varir um nóttina þegar
hvína tók í húsinu. Um morguninn þegar litið
var út höfðu orðið umskipti því að jörð var
Snœfellsskáli risinn. Mynd að kvöldi 11. ágúst 1970. Magnús Gunnarsson útifyrir skáladyrum. Ljósmynd: HG.
110