Strandapósturinn - 01.06.1989, Qupperneq 61

getið var það óvirkt um tírna en síðan endurreist yfir á Selströnd.
Má segja að það hafi mörgu góðu komið til leiðar á þeim árum sem
það var við lýði á meðan fjölmennara var í hreppnum en nú er.
Aftur á rnóti starfaði sundfélagið Grettir í Bjarnarfirði. Það var þó
ekki aðeins sundfélag, heldur alhliða íþróttafélag, sem starfaði af
miklum dugnaði og vann það einstæða afrek að byggja fullkomna
sundlaug að Klúku í Bjarnarfirði. Unnið var í sjálfboðavinnu að
miklu leyti. Sundlaug þessi er 25 metra löng og 8 rnetra breið.
Árið eftir að sundlaugin tók til starfa fluttist ég burt úr sveitinni.
Gaman hefði verið að hafa hana við túnið á Klúku, meðan við
átturn þar heima. Sjálfsagt hefði ég þá orðið rniklu betur syndur.
Sundlaugin í Hveravík á Selströnd var byggð 1923 á vegum
sýslunnar eftir því sem ég best veit. Þessi sundlaug á sér sína
merku sögu. Hún var byggð niður undir flæðarmáli utan um
hverinn sem þarna var þannig að hann var inni í lauginni sjálfri en
síðan var köldu vatni hleypt í laugina og hitinn stilltur með því
móti. En erfiðar hafa nú aðstæður verið við að byggja laugina, því
mölin var tekin útundir Malarhorni og flutt í pokum í árabát inn í
Hveravík. Sandurinn í steypuna var aftur á mód tekinn í Hvera-
víkinni. Þá var unnið í tíu tíma sex daga vikunnar og allt hrært á
höndum eins og tíðkaðist þá.
Ég var lengi að leita að manni sem gæti frætt mig á því, hvar
efnið hefði verið tekið í sundlaugina, en í fyrrasumar var ég svo
heppinn að hitta Guðjón Grímsson í Miðdalsgröf, sem hafði unn-
ið við sundlaugarbygginguna. Þá var ekki til siðs að allt væri
hannað af verkfræðingum og öðrum lærðum mönnum á skrif-
stofum, en byggingarmeistarinn við laugina var úrsmiður, Þorkell
Sigurðsson, og þætti það tíðindum sæta í dag. Þeir sem sáu þessa
laug máttu gjörla sjá hve vandað var til verksins og það á þessurn
tíma þegar varla var um önnur tæki að ræða en múrskeið og
hallamál, enda stóð hún öll þessi ár þangað til hætt var að kenna í
henni. Þá þótti vegagerðinni ekki sæmandi að hún stæði lengur
og lamdi hana niður með stórvirkum tækjum. Þeir hafa verið
fljótari að brjóta hana niður en hugsjónamennirnir að byggja
hana upp.
Af einhverjum ástæðum var seinna steypt yfir hverinn inni í
59