Strandapósturinn - 01.06.1989, Qupperneq 66

vissum tilfellum. Björgun og leysitök erjafnnauðsynlegt að kenna
og sundtökin, því þó rnaður sé syndur án þess að kunna rétt skil á
að taka drukknandi mann má hann þakka fyrir að sleppa lifandi.
Eg tel mig hafa nokkra reynslu í því að taka drukknandi mann,
sem þar að auki var karlmenni. Eg hefði ekki boðið í þann sem
hefði ekki kunnað rétt tök. Við gerðum mikið af því að prófa öll
leysitök og þau eru býsna mörg. Við reyndum þau alltaf þar sem
dýpst var svo við gætum ekki notað botninn til aðstoðar. Illa getur
farið ef komið er framan að drukknandi manni með fulla rænu en
orðinn ruglaður og hræddur af því að vatn hefur komist niður í
hann. Það er með eindæmum hvað hann getur orðið sterkur. Ef
hann nær urn hálsinn á björgunarmanninum getur farið svo að
hinn drukknandi maður kæfi hann. Þó hnéð sé sett í brjósdð og
reynt að spyrna frá er ekki víst að það dugi til. Eina ráðið til að
forða sér frá drukknun er þá að gefa létt högg undir kjálkann
þannig að maðurinn missi máttinn í nokkur augnablik. Ég hef séð
til ljölda kennara og verið viðstaddur sundkennslu í 20 ár og
undrast mjög, hve lítið er gert af því að kenna björgunar- og
leysitök. Ég hef aðeins orðið var við að kennd væru þrjú eða fjögur
auðveldustu leysitökin. Þegar ég spurðist fyrir um þetta var mér
sagt að þau væru kennd annars staðar. Hins vegar býður mér í
grun að menn kunni þau hreinlega ekki eða hirði ekki um að
kenna þau.
Nú fá öll börn að læra að synda þó misjöfn sé aðstaðan hvort
sem þau eiga heima í kaupstöðum eða úti á landsbyggðinni. Góðir
Strandamenn. Reynið að halda við sundkunnáttunni sem ykkur
hefur hlotnast. Enginn veit hvenær hann þarf á henni að halda
sjálfum sér til bjargar eða til að rétta öðrum hjálparhönd.
Hér skal að lokum nafngreina þá menn sem voru sundkennar-
ar í Hveravík:
Theódór Þorláksson úr Reykhólasveit
Filippus Gunnlaugsson frá Ósi
Jón Kristgeirsson, skólastjóri á Hólmavík
Matthías Jónsson frá Kollafjarðarnesi
Hermann Guðmundsson frá Bæ
Bjarni Þ. Jónsson frá Bjarnarnesi
64