Strandapósturinn - 01.06.1995, Page 20
óhaggaður frá fyrstu tíð, líklega í 120—150 ár. Mikinn snjó setti
niður í veðrinu. Sauðfé fennti víða um sýsluna og fjárskaðar urðu
nokkrir.
Þegar októberveðrinu slotaði brá mjög til hins betra. Snjóa
leysti að mestu og síðustu mánuðir ársins einkenndust í aðal-
atriðum af eindæma góðviðri dag eftir dag. Fyrir jól gerði frosta-
kafla með 12-15 stiga frosti í u.þ.b. 2 vikur, en áfram héldust
sömu stillurnar allt til áramóta. Lognið var með eindæmum og
jólin naumast hvít.
Landbúnaður
Sauðburður gekk þokkalega vorið 1995. Seint gekk þó að von-
um að koma lambfé úr húsum, þar sem víðast voru mikil snjóalög
og hættur þegar snjóa tók að leysa. Að sama skapi var fé seint
sleppt á fjall, og gekk því verulega á heybirgðir bænda, sem
margir þurftu að gefa fram undir 20. júní.
I heild var sumarið þokkalega hagstætt fyrir búfénað. Grös í
úthaga stóðu fram undir septemberlok, þannig að lömb höfðu
góð vaxtarskilyrði fram eftir hausti.
Sláttur hófst á einstökum bæjum í sýslunni upp úr miðjum júlí,
en fæstir byrjuðu þó heyskap fyrr en í ágúst. A allmörgum bæjum
voru tún mikið skemmd af kali, og mun um helmingur bænda í
sýslunni hafa þurft að kaupa hey eða leigja slægjur af þeim
sökum. Nokkrir bændur í Hrútafirði heyjuðu tún í Borgarfirði og
lágu þar í tjöldum meðan á heyskapnum stóð. Eftir að veður
hlýnaði upp úr 20. júlí tók grasspretta mjög vel við sér, og í heild
rættist sæmilega úr, þannig að heyfengur nálgaðist meðallag þar
sem minna var um kal.
Að vanda hófst sauðfjárslátrun í sláturhúsum sýslunnar um
miðjan september. Eftirfarandi tafla sýnir fjölda sláturijár, með-
alfallþunga dilka og flokkun falla í úrvalsflokk og „fituflokka" í
einstökum sláturhúsum.
18