Strandapósturinn - 01.06.1995, Qupperneq 29

Steinunn Eysteinsdóttir á Hólmavík sem sigraði í glímu 13—14 ára.
Ósk Ágústsdóttir á Hólmavík kornst einnig á verðlaunapall á
mótinu.
Ragnar Bragason sigraði í karlaflokki á borðtennismóti HSS,
sem haldið var á Drangsnesi 9. apríl. Þá var körfuboltamót HSS
haldið í annað sinn í íþróttahúsinu á Hólmavík 14 apríl. Þar fór lið
Leifs heppna í Árneshreppi með sigur af hólmi í meistaraflokki
karla, en lið Geislans höfðu yfirburði í yngri flokkum. Þessi ung-
mennalið tóku þátt í íslandsmótum sinna aldursflokka, en áttu
þar við ofurefli að etja, enda körfuknattleikur nánast ný íþrótta-
grein á Ströndum.
B-lið Geislans sigraði í bikarkeppni HSS í knattspyrnu karla.
Lið Geislans sigraði einnig í bikarkeppni 12-16 ára, svo og á
pollamótinu í knattspyrnu. Þar var sigurinn öruggur sem fyrr, en
liðið skoraði 34 mörk í keppninni og fékk á sig 2. C-lið Geislans
varð í 2. sæti á mótinu og B-liðið í því þriðja.
Lið Sundfélagsins Grettis varð stigahæst á sundmóti HSS, en
Geislinn sigraði með yfirburðum í stigakeppni héraðsmóts og á
barnamótinu í frjálsum íþróttum.
Eitt stærsta verkefni HSS á árinu var þátttaka í umhverfis-
verkefni UMFÍ, en í tengslum við það var gert verulegt átak í
hreinsun meðfram sjó og vötnum.
Á uppskeruhátíð HSS 27. ágúst voru kynnt úrslit í kjöri íþrótta-
manna ársins 1995. Gunnar Bragi Magnússon var kjörinn frjáls-
íþróttamaður ársins, Aðalheiður Guðbjörnsdóttir á Hólmavík var
kjörin sundmaður ársins, Ragnar Bragason skíðamaður ársins og
Bjarki Þorsteinsson á Hólmavík körfuknattleiksmaður ársins.
Knattspyrnumaður ársins var Björgvin Gestsson og knattspyrnu-
kona ársins Helena Ósk Jónsdóttir á Hólmavík. Þá var Grettir
Ásmundsson á Hólmavík kjörinn leikmaður pollamótsins í knatt-
spyrnu annað árið í röð. Kjör íþróttamanns ársins hjá HSS var
kynnt í fimmta sinn, og hlaut Gunnar Bragi Magnússon titilinn að
þessu sinni.
50. ársþing Héraðssambands Strandamanna var haldið á Borð-
eyri 2. september. Þar var Vignir Örn Pálsson á Grund endur-
kjörinn formaður sambandsins.
27