Strandapósturinn - 01.06.1995, Side 32

umhverfismat. Árið 1994 varð að fresta útboði vegna athuga-
semda við vegarstæðið. Nýi vegarkaflinn er um 3,9 km að lengd,
og sjá Vinnuvélar Jóa Bjarna á Hellu um verkið. Verkinu átti að
ljúka í nóvember, en framkvæmdum miðaði hægt og var ekki
lokið á áramótum. Vegurinn var þó gerður akfær fyrir veturinn.
Fremur lítið var um byggingarframkvæmdir á árinu. Þó var
hafin bygging tveggja einbýlishúsa í Árneshreppi. Annað húsið
stendur á Gjögri og hitt í Norðurfirði. Einnig var byggt íbúðarhús
að Miðdalsgröf í Kirkjubólshreppi. Þá eru ótáldir einhverjir sum-
arbústaðir og vélageymslur.
Rauðakrossdeild Strandasýslu réðst í það stórvirki síðsumars,
að koma upp húsi yfir sjúkrabíl deildarinnar, og var húsið tekið í
notkun í vetrarbyrjun. Húsið stendur á lóð heilsugæslustöðvar-
innar á Hólmavík.
Aðrar verklegar framkvœmdir
Á árinu lauk fyrri hluta framkvæmda við svonefnda Bæjar-
vatnsveitu á Drangsnesi. Gerður var stíflugarður fyrir neðan
eldri stíflu. Tilgangurinn með verkinu_var einkum að ná betra
vatni fyrir byggðina og rækjuvinnsluna á Drangsnesi, með því að
láta jarðveg sía vatnið áður en það lendir í rörum vatnsveitunnar.
Kostnaður á árinu var um 5 milljónir króna. Ekki nutu Drangs-
nesingar vatnsins lengi, því að í frosthörkum fyrir jólin fraus í
lögninni til þorpsins. Vatn úr öðrum vatnsbólum dugði þó nokk-
urn veginn fyrir byggðina, en ljóst er að vatnsskortur verður í
rækjuvinnslunni á útmánuðum ef ekki tekst að finna lausn á
þessum vanda.
í lok janúar féll snjóflóð á aðveitustokk Þverárvirkjunar í Þver-
árgljúfri. Við þetta brotnaði um 15 m stykki úr stokknum, og
30