Strandapósturinn - 01.06.1995, Page 99

Guðmundur H. Guðjónsson
frá Kjörvogi:
Strand
þilskipsins
Heklu fyrir
innan
Kjörvog
árið 1923
Frá Kjörvogi við norðanverðan Reykjarfjörð í Strandasýslu var
sóttur sjór svo lengi sem sögur fara af enda eru þar góð lending-
arskilyrði eins og nafnið ber með sér. Vör og uppsátur var fyrir
vestan svokallaðan Hólma og var þar hægt að taka land þó að ekki
væri lendandi á öðrum stöðum við norðanverðan fjörðinn, allt
inn fyrir Sætrakleif, væri mikill sjór af NA og A. En lægi vindur út
ijörðinn í V og SV átt var gott að lenda fyrir austan Hólma. Má
ætla að nafnið Kjörvogur sé dregið af þessum aðstæðum.
Hér fer á eftir stutt frásögn af Heklu, skipi afa míns, Magnúsar
Guðmundssonar á Kjörvogi og bróður hans Finnboga Guð-
mundssonar á Finnbogastöðum, en þeir ráku útgerð frá Kjörvogi
og Finnbogastöðum frá því upp úr aldamótunum síðustu. Utgerð
Heklunnar hófst 1917, en þá segir Níels Jónsson á Gjögri svo um
komu Heklunnar í dagbók sinni þann 27. mars: „Mótorkútter,
Hekla, kom hér í dag um kl. 4-5 í fyrsta sinn á Reykjarfjörð undir
stjórn og í eigu Finnboga Guðmundssonar frá Finnbogastöðum."
Aður höfðu þeir bræður átt og gert út Von, tíu tonna þilskip,
en misst það 25. mars 1916. Vonin festist í hafís á Norðurfirði og
hraktist með honum um vorið á haf út. Þeir keyptu þá ári síðar
97