Morgunblaðið - 28.08.2021, Side 2

2 FRÉTTIR
Innlent
MORGUNBLAÐIÐ LAUGARDAGUR 28. ÁGÚST 2021
www.kofaroghus.is - Sími 553 1545
TIL Á LAGER
Ítarlegarupplýsingarog teikningarásamtýmsumöðrumfróðleik
máfinnaávefokkar
NAUST - 14,44 fm
Tilboðsverð
449.400kr.
30%
afsláttur
VANTAR
ÞIGPLÁSS?
Afar einfalt er að reisa húsin okkar.
Uppsetning tekur aðeins einn dag
TILBOÐÁGARÐHÚSUM!
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Ágúst Ingi Jónsson
aij@mbl.is
Varp hafarnarins gekk vel í ár og komust 58 ungar á
legg. Kristinn Haukur Skarphéðinsson, dýravistfræð-
ingur hjá Náttúrufræðistofnun, segir þetta mesta
fjölda unga frá því að hafernir voru fyrst taldir fyrir
réttum 100 árum árið 1921. Hann rifjar upp að þá hafi
upplýsinga verið aflað á manntalsþingum, en síðan hafi
rannsóknir smám saman eflst og arnarstofninn sé nú
einna best þekkti fuglastofn landsins.
Í ár var orpið á 69 óðulum og komust ungar á legg á
45 þeirra. Kristinn Haukur segir að allar vísitölur arn-
arins séu sterkar í ár, hreiður, varp, ungar og óðul í
ábúð sem eru nú 86. Í fyrra komust 52 ungar á legg og
56 árið 2019, sem þá var besta árið í 100 ára sögu taln-
inga. Nú áætlar Kristinn Haukur að arnarstofninn telji
á fjórða hundrað fugla, en stór hluti hans séu ung-
fuglar, sem algengt er að byrji að verpa 5-6 ára. Á sjö-
unda áratug síðustu aldar voru arnapörin aðeins talin
vera ríflega 20.
Hringnum lokað á næstu áratugum
Aðalheimkynni arnarins eru frá Faxaflóa norður og
vestur um í Húnaflóa. Fullorðnir fuglar hafa sést reglu-
lega austur í Mývatnssveit en hafa ekki ekki slegið sér
niður í varp á þeim slóðum.
„Enn er nokkuð í land að haförninn loki hringnum og
fari að verpa í öllum landshlutum, en ég held að það
gerist á næstu áratugum ef þessi hagfellda þróun held-
ur áfram,“ segir Kristinn Haukur.
Hann segir að tíðarfarið á undanförnum árum hafi
verið erninum hagstætt og stofninn hafi fengið meiri
frið og svigrúm til að þróast og þroskast en áður.
Ljosmynd/Kristinn Haukur Skarphéðinsson
Björg í bú Örn færir unga sínum bleikju, myndin er tekin við Húnaflóa í júlí, en varpið gekk vel í ár.
Gott ár hjá erninum
- Aldrei hafa fleiri hafarnarungar komist á legg
Sumarstarfmaður í félags- og tóm-
stundastarfi eldri borgara á Sel-
tjarnarnesi, sem hafði verið lofað
hlutastarfi á velferðarsviði Seltjarn-
arnesbæjar, segir bæinn hafa dregið
boðið til baka eftir að ljóst varð að
hann væri óbólusettur.
Maðurinn sem heitir Birkir Krist-
ján Guðmundsson hafði starfað sem
sumarstarfsmaður í félags- og tóm-
stundastarfi eldri borgara og í kjöl-
farið verið boðin vinna við kvöldinnlit
hjá félagsþjónustu bæjarins. Hann
hafði mætt á eina vakt en fékk símtal
næsta dag þess efnis að starfskrafta
hans væri ekki lengur óskað þar sem
hann væri óbólusettur. Í samtali við
Morgunblaðið segir Birkir að hann
viti um einstaklinga sem sinna þessu
starfi og eru óbólusettir.
Birkir hefur sagt frá málinu á
Facebook og segist hann vilja vekja
athygli á þessu þar sem grundvall-
armannréttindi séu í húfi.
Birkir segist vera að skoða stöðu
sína og segir mannréttindaaðgerða-
sinna hafa boðist til að greiða lög-
fræðikostnað hans en bætir við að
hann vilji frekar fá starfið en að fara í
dómsmál.
Sviðsstjóri fjölskyldusviðs Sel-
tjarnarnesbæjar kannast ekki við að
hafa nýlega ráðið starfsfólk né sagt
einhverjum upp störfum en Birkir
var ekki búinn að skrifa undir ráðn-
ingarsamning.
,,Okkur er ljóst að við getum ekki
skikkað starfsfólk í bólusetningu, en
eins og staðan er í dag stendur það
ekki til af okkar hálfu að senda
óbólusett starfsfólk inn á heimili
fólks. Þarna er um viðkvæman hóp
að ræða, sem við höfum lagt áherslu
á að vernda. Mikil áhersla hefur ver-
ið lögð á að bólusetja starfsfólk sem
sinnir þessari þjónustu og var það
sett í forgang á sínum tíma. Við telj-
um því að það mundi skjóta skökku
við að setja óbólusetta í þetta hlut-
verk,“ segir Baldur Pálsson, sviðs-
stjóri fjölskyldusviðs, í skriflegu
svari til Morgunblaðsins.
Óbólusettur
og missti starf
- Segir grundvallarmannréttindi í húfi
Björgunarsveitir voru kallaðar út
rétt fyrir hádegi í gær eftir að rúta
með 30 farþegum festist í Krossá í
Langadal. Tókst að forða öllum far-
þegunum úr rútunni. „Þetta leit ekki
vel út í fyrstu, enda leiðindaveður,“
sagði Davíð Már Bjarnason, upplýs-
ingafulltrúi Landsbjargar, við mbl.is
í gær.
Allar björgunarsveitir á Suður-
landi voru kallaðar út og nærstaddir
björgunarsveitarmenn hjálpuðu til.
Davíð Már segir að allir hafi verið
komnir í land rétt fyrir hálfeitt, og
var fólkinu hjálpað til byggða.
Sagði hann atvikið minna á nauð-
syn þess að huga að öryggi þegar
veðrið er með þeim hætti sem var, en
vatnsborð í ánni var með hærra móti
vegna rigninga.
Ljósmynd/Slysavarnafélagið Landsbjörg
Krossá Vel gekk að bjarga fólkinu úr rútunni þrátt fyrir vont veður.
Þrjátíu bjargað
úr rútu í Krossá
Afkoma rík-
issjóðs á fyrstu
sex mánuðum
ársins var 27
milljörðum kr.
betri en áætlanir
gerðu ráð fyrir.
Halli á rekstri
ríkissjóðs var
engu að síður
119 milljarðar
kr. Þetta kemur
fram í frétt fjár-
mála- og efnahagsráðuneytisins.
Var tekjuvöxtur sterkari en búist
hafði verið við. „Er þessi tekjuvöxt-
ur að miklu leyti drifinn áfram af
efnahagsbata sem hefur verið um-
fram væntingar við samþykkt fjár-
laga í lok síðasta og árs og gerð
fjármálaáætlunar á vormánuðum.
Er þetta ekki síst raunin á öðrum
fjórðungi ársins,“ segir í umfjöllun
ráðuneytisins.
Afkoma ríkissjóðs var
27 milljörðum betri
en búist var við
Ráðuneyti Hálfs-
ársuppgjör ríkisins
var birt í gær.