Morgunblaðið - 28.08.2021, Side 4

4 FRÉTTIR
Innlent
MORGUNBLAÐIÐ LAUGARDAGUR 28. ÁGÚST 2021
Aðventutöfrar í Tíról
sp
ör
eh
f.
Það er einstakt að vera í faðmi fjallanna á aðventunni og
Tíról í Austurríki er sannkallaður ævintýraheimur. Dvalið
verður í yndislega bænum Seefeld og þaðan verður farið
í dagsferðir, m.a. til miðaldaborgarinnar Brixen, heillandi
alpaborgarinnar Innsbruck og til Kufstein þar sem við
upplifum einstakan jólamarkað og förum í miðaldakastala
sem gnæfir yfir borgina. Hér er á ferðinni einstök ferð um
yndislegt svæði sem skartar sínu fegursta á aðventunni.
26. nóvember - 1. desember
Fararstjóri: Inga Ragnarsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 184.800 kr. á mann í tvíbýli.
Mjög mikið innifalið!
Baldur S. Blöndal
baldurb@mbl.is
Lögregla var kölluð að götunni Dal-
seli í eystri hluta Egilsstaða laust
eftir klukkan 22 í fyrrakvöld. Þar
hafði maður á fimmtugsaldri hafið
skothríð á hús og annað sjáanlegt í
götunni.
Heimildir Morgunblaðsins herma
að árásinni hafi verið beint að íbúa í
Dalseli sem hafi ekki verið heima
þetta kvöldið. Hins vegar hafi börn-
in hans verið heima þegar árásar-
manninn bar að garði en þeim hafi
tekist að flýja af vettvangi.
Földu sig á bak við eldhúseyju
Sá vopnaði skaut tugum skota í
allar áttir um hálftíma skeið. Íbúi í
götunni segist hafa verið búinn að
hátta börnin sín þegar skothríðin
hófst skyndilega. Þá hafi öll fjöl-
skyldan safnast saman í miðju hús-
inu og falið sig á bak við eldhúseyju.
Lögreglan á Austurlandi mætti á
vettvang stuttu síðar og þá voru all-
ir tiltækir bílar kallaðir út. Í kjölfar-
ið voru sérsveitarmenn á vegum rík-
islögreglustjóra kallaðir til frá
Reykjavík og Akureyri, þeir náðu þó
ekki á vettvang í tæka tíð. Lögregl-
an greip til vopna og bað mannin
ítrekað um að leggja frá sér skot-
vopnið en hann varð ekki við þeirri
ósk. Hann hélt skothríðinni áfram
og skaut í átt að lögreglumönnunum
og bílum þeirra.
Lögregla bað nágranna um að
halda sig innandyra og skipaði
manninum áfram að láta vopnið af
hendi en hann hélt áfram að skjóta.
Lögreglumaður skaut manninn
síðan í búkinn, en hann var skjót-
lega fluttur af vettvangi í sjúkrabíl
sem fór með hann í sjúkraflug til
Reykjavíkur. Hann gekkst undir að-
gerð þar og hefur síðan dvalið á
gjörgæslu. Að sögn Kolbrúnar
Benediktsdóttur varahéraðssak-
sóknara var ástand hans stöðugt í
gær.
Blaðamannafundur
ekki á dagskrá
Yfirvöld verjast allra fregna af
málinu og vilja ekki tjá sig um það
að nokkru leyti. Engin áform eru
uppi um að halda blaðamannafund
um málið líkt og var gert árið 2013
þegar maður í Hraunbæ var skotinn
til bana. Sigríður Björk Guðjóns-
dóttir ríkislögreglustjóri veitti engin
svör í gær og vísaði til lögreglunnar
á Austurlandi og héraðssaksóknara:
„Í rauninni eru öll lögregluembætti
sjálfstæð embætti. Ég hef ekki einu
sinni flett þessu máli upp sjálfstætt,
ég ætla ekki inn í þetta mál á meðan
það er svona viðkvæmt. Þetta fellur
ekki undir okkur.“
Ástand mannsins stöðugt
Kolbrún Benediktsdóttir gat ekki
tjáð sig um málið eða rannsókn þess
að öðru leyti en að ástand mannsins
væri stöðugt og hann dveldi á gjör-
gæslu.
Hvorki lögreglan á Austurlandi
né lögreglan á Egilsstöðum vildu tjá
sig um málið að svo stöddu.
Samkvæmt heimildum Morgun-
blaðsins hefur lögreglan áður haft
afskipti af manninum, meðal ann-
ars fyrir vopnaburð.
Á milli klukkan 16 og 18 í gær
var áfallamiðstöð opin í Egilsstaða-
skóla þar sem Rauði krossinn veitti
sálrænan stuðning og skyndihjálp.
Mætingin í miðstöðina var ekki
ýkjagóð að sögn séra Þorgeirs Ara-
sonar, sóknarprests í Egilsstaða-
kirkju: „Við renndum blint í sjóinn
að átta okkur á því hver þörfin væri
í samfélaginu varðandi utanumhald
og sálgæslu. Vonandi bendir það til
þess að mörgum dugi að ná áttum í
samfélagi fjölskyldu og vina.“
Hélt að börn væru
að leik á hjólabrettum
Þröstur Jónsson, bæjarfulltrúi í
Múlaþingi og íbúi hússins þvert á
móti því sem maðurinn gerði árás
á, hafði verið í bílskúrnum sínum að
vinna þegar hann heyrði smelli fyr-
ir utan. Þröstur hélt þá að þar
væru börn að leik á hjólabrettum.
Hann hafði ætlað að kíkja út og
kanna hvað væri á seyði en síðan
skjótlega snúið við og farið inn aft-
ur:
„Ég sá ekki alveg hvað hann var
að gera í myrkrinu en eitthvað sagði
mér að fara inn strax aftur. Ég átta
mig nú á því að hann var að hlaða
haglabyssuna þegar ég er úti. Því-
líkt lán. Þori ekki að hugsa hvað
hefði gerst hefði hann verið með
hana hlaðna þegar ég kom út á
stétt.“
Segir viðbrögð lögreglu
til fyrirmyndar
Lögregla brást að mati Þrastar
hárrétt við. „Ég er gapandi hissa yf-
ir hvað lögreglan hér fyrir austan er
vel búin og vel þjálfuð. Ég fylgdist
með þessu út um eldhúsgluggann
og það var fagleg vinna þarna,“ seg-
ir Þröstur sem á þykir enn þá ótrú-
legt að þetta hafi gerst í hverfinu
hans:
Það er svo út úr kortinu, að svona
geti gerst, á svona stað þar sem
friðsæld ríkir alltaf,“ segir Þröstur
sem líkti ástandinu við villta vestrið.
Í stöðugu ástandi á gjörgæslu
- Lögreglan á Austurlandi skaut mann og særði eftir skothríð í íbúðahverfi - Skaut tugum skota í allar
áttir í hálftíma - Sérsveitin komst ekki í tæka tíð - Aðstæður í götunni sagðar „eins og villta vestrið“
Skotárás í Dalseli á Egilsstöðum Kortagrunnur:
OpenStreetMap
Byssumaðurinn skaut að lögreglu og
neitaði ítrekað að leggja niður skotvopnið.
Lögreglan skaut manninn um kl. 22:45.
Dalsel
Byssumaðurinn
hóf skothríð þar
um kl. 22.00.
1
1
EG I L S STAÐ I R
S
ey
ði
sf
ja
rð
arv
eg
ur
Ljósmynd/Gunnar Gunnarsson
Áfall Nágrannar í Dalseli voru skelfingu lostnir eftir atburðinn en lögregla bað þá um að halda sig innandyra.
Ljósmynd/Gunnar Gunnarsson
Hólpinn Maðurinn sem árásarmaðurinn leitaði að var ekki heima.
Ljósmynd/Gunnar Gunnarsson
Skotvopn Að sögn sjónarvottar beitti árásarmaðurinn bæði haglabyssu og
riffli við verknaðinn, og mátti sjá greinileg ummerki árásarinnar í götunni.
Ljósmynd/Gunnar Gunnarsson
Skotgöt Bifreiðar, hús og gluggar í götunni voru alsett skotgötum.