Morgunblaðið - 28.08.2021, Blaðsíða 20

Hátíðlegt Fjögur brúðkaup hafa verið haldin um borð í MS Brim.
Ágúst Ingi Jónsson
aij@mbl.is
Forsvarsmenn norska fyrirtækisins
Brim Explorer leituðu ýmissa leiða
til að bregðast við kórónuveirunni. Í
stað hvalaskoðunar og norðurljósa-
siglinga urðu jógatímar og veislu-
höld í Oslóarfirði meðal annars lifi-
brauð fyrirtækisins. Svo vel tókst til
að að nú er ráðgert að bæta þriðja
skipinu í flotann og verður það að
öllu leyti rafknú-
ið og byggt úr
kolefnistrefjum.
Fyrirtækið er
að meirihluta í
eigu Íslendinga
og er Agnes
Árnadóttir fram-
kvæmdastjóri.
Hún er frá Húsa-
vík og eiga faðir
hennar, Árni Sig-
urbjarnarson, og systkini hlut í
fyrirtækinu. Agnes tekur undir það
að eftir að faraldurinn skall á hafi
þurft að grípa til óvæntra ráða með
tvö ný skip í rekstri. Neyðin hafi
kennt naktri konu að spinna, eða
norskri ef út í það er farið.
Umhverfisvæn skip
Haustið 2019 tók fyrirtækið við
MS Brim og í maí í fyrra bættist
MS Bard við. Skipin eru tvíbytnur
og knúin með raforku eða olíu, 24
metra löng og 11 metrar á breidd.
Þau taka 146 farþega í dagsferðum
og tveir stórir salir eru um borð. Nú
er þriðja skipið á teikniborðinu, það
verður einnig 24 metrar á lengd og
11 metrar á breidd og verður enn
umhverfisvænna en eldri skipin.
Agnes segir að þrátt fyrir erfið-
leika vegna kórónuveirunnar hafi
fyrirtækið öðlast mikla reynslu og
séð nýja möguleika. Út á þá verði
gert á nýja skipinu, sem reikna má
með að kosti hátt í milljarð ís-
lenskra króna eða um 70 milljónir
norskra. Eldri skipin kostuðu hvort
um sig um 50 milljónir norskra eða
um 700 milljóni ísl. króna. Nýja
skipið er væntanlegt næsta sumar
eða haust.
Upphaflega var stefnt að því að
hálft árið yrði annað skipið í verk-
efnum á Svalbarða fyrir dótturfélag
Hurtigruten, stærsta ferjufyr-
irtækis í Noregi. Samkvæmt fimm
ára samningi átti að sigla með
ferðamenn frá maí fram í október
með ferðamenn til rússnesku bæj-
anna Barentsburg og Piramiden.
Þar sem engir voru ferðamennirnir
var leigusamningi frestað um eitt
ár.
Þjónustan hugsuð upp á nýtt
Hitt skipið var áfram í verk-
efnum tengdum hvalaskoðun og
norðurljósasiglingum við Norður-
Noreg, þó svo að umsvifin hefðu
verið minni en ráð var fyrir gert.
Aðalhvalaskoðunarvertíðin er í
Norður-Noregi að vetri til, en þá
koma hvalirnir á eftir síldinni inn í
firðina, einkum háhyrningar og
hnúfubakar, en einnig fleiri teg-
undir. Agnes segir að ekki hafi
mörg fyrirtæki verið um hituna í
fyrravetur, en þau séu hvert af
öðru að taka við sér.
Í fjarveru ferðamanna vegna
faraldursins varð úr að annað skip-
ið var flutt til Óslóar með von um
að verkefni fyndust á þessum
stærsta heimamarkaði í Noregi.
„Í fyrrasumar buðum við upp á
kvöldferðir um Óslóarfjörð með
þriggja rétta máltíð sem voru vin-
sælar og jógaferðir á morgnana
um helgar gerðu lukku,“ segir
Agnes. „Svo voru fjögur brúðkaup
haldin um borð og einir tónleikar.
Þetta var bara alls konar og það
var gaman að sjá vélstjórana úti á
dekki að dæla bjór. Við hugsuðum
alla þjónustuna upp á nýtt og þetta
gekk vonum framar í fyrra.
Reyndar svo vel að við ætlum að
gera út á þessa starfsemi á nýja
bátnum, sem við fáum vonandi
næsta sumar. Hann verður sér-
sniðinn að þjónustunni í Ósló og
hannaður eftir okkar þörfum og
reynslu.“
Til að brúa bilið enn frekar var
farið í samstarf við björgunar-
samtök í Noregi, ekki ósvipuð
Landsbjörg. Í nokkra mánuði í vor
var báðum bátunum breytt í skóla-
skip. Þeir sigldu upp með strönd-
um Noregs og um borð var boðið
upp á fræðslu um lífið í hafinu og
öryggismál.
Í fullum rekstri í sumar
Fastir starfsmenn Brim
Explorer eru 20, en fimm manns
bætast við þegar mest er að gera.
Þrátt fyrir áföll tókst að halda
fjölda starfsfólks að mestu í
fyrravetur, með þeirri undantekn-
ingu að hluti hópsins fór í leyfi í
sex vikur undir lok síðasta árs.
Síðan í sumar hafa bæði skipin
verið í fullum rekstri, annað á
Svalbarða og hitt í Lofoten. Fyrri
hluta sumars var stærsti hluti
gestanna Norðmenn, en undan-
farnar vikur hefur erlendi mark-
aðurinn tekið talsvert við sér.
Útgerð Þegar nauðsynlegt var að gera breytingar í rekstri voru skipin m.a. notuð sem skólaskip og til vinstri má sjá hress norsk ungmenni um borð. Fyrirtækið hefur verið með talsvert af Íslend-
ingum í vinnu og á myndinni í miðjunni hellir Bettína Friðriksdóttir víni í glös gesta um borð. Til hægri er Silja Árnadóttir á bjórdælunni, en hún er meðeigandi og systir Agnesar.
Jógatímar í stað hvalaskoðunar
- „Íslenska“ fyrirtækið Brim Explorer fjárfestir í þriðja skipinu - Gjörbreyttur rekstur í faraldrinum
Ljósmyndir/Brim Explorer
Breytingar Sérstakar jógaferðir og margs konar veisluhöld komu í stað hefðbundinna verkefna þegar dofnaði yfir ferðaþjónustu í Noregi í fyrra.
Agnes
Árnadóttir
Í Óslóarfirði Bátarnir MS Brim og MS Bard fyrir framan norsku óperuna.
20 FRÉTTIR
Innlent
MORGUNBLAÐIÐ LAUGARDAGUR 28. ÁGÚST 2021