Morgunblaðið - 28.08.2021, Page 48

Feðginin Una Stef og Stefán S. Stefánsson koma fram á
elleftu og síðustu tónleikum sumardjasstónleikaraðar
veitingahússins Jómfrúarinnar við Lækjargötu í dag,
laugardag, milli kl. 15 og 17. Una syngur, Stefán leikur á
saxófón, Vignir Þór Stefánsson á píanó, Gunnar Hrafns-
son á kontrabassa og Einar Scheving á trommur. Á efn-
isskránni eru valin lög eftir Stefán sem þau feðgin hafa
útsett saman. Tónleikarnir fara fram utandyra á
Jómfrúartorginu. Þeir eru haldnir í samvinnu við
Jazzhátíð Reykjavíkur. Aðgangur er ókeypis.
Stef og stökur á Jómfrúnni
LAUGARDAGUR 28. ÁGÚST 240. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
„Ég er glöð yfir því að hafa komið hingað snemma. Hit-
inn og rakinn setja smá strik í reikninginn. Ég bjóst al-
veg við því en það er mjög erfitt að æfa í þessum hita
og raka. En ég kannast við þetta eftir að hafa keppt við
svipaðar aðstæður á HM á Ítalíu fyrir nokkrum árum,“
segir Arna Sigríður Albertsdóttir meðal annars í sam-
tali við Morgunblaðið í dag. Arna Sigríður keppir í
handahjólreiðum í Tókýó á þriðjudag og miðvikudag, en
dvelur nærri Fuji-kappakstursbrautinni í Oyama þar
sem keppt verður. »38
Reynslan frá HM á Ítalíu kemur sér
vel í hitanum og rakanum í Japan
ÍÞRÓTTIR MENNING
Björn Jóhann Björnsson
bjb@mbl.is
„Krakkarnir bíða spenntir eftir
þessum ferðum og undantekning-
arlaust eru þau ánægð. Ég er að
hitta fólk í dag, sem komið er yfir
tvítugt, sem segir við mig: Ég man
eftir þér á Húna! Það er gaman að
þessu,“ segir Þorsteinn Pétursson,
einn Hollvina Húna II sem sjá um
rekstur og viðhald á eikarbátnum.
Frá árinu 2006 hefur báturinn siglt á
haustin út á Eyjafjörð með
grunnskólanemendur frá Akureyri
og víðar að úr Eyjafirði.
Fræðast um lífríki sjávar
Húni II er nú farinn að sigla um
fjörðinn með nemendur úr 6. bekk
grunnskólanna líkt og mörg und-
anfarin haust þegar skólar eru tekn-
ir til starfa að loknu sumarleyfi.
Í ferðunum fræðast krakkarnir
um bátinn og smíði hans, lífríki sjáv-
ar og hollustu fisksins. Fjallað er um
hafið kringum landið og þau verð-
mæti sem við þurfum að nýta og
vernda t.d. með því að halda haf-
svæðinu hreinu. Þau skoða stjórn-
tæki í brúnni, veiða fisk sem síðan er
krufinn um borð; flakaður, grillaður
og loks snæddur. Verkefnið er unnið
í samstarfi við auðlindadeild Háskól-
ans á Akureyri, Akureyrarbæ og
Samherja.
Reiknað er með að þetta haustið
verði siglt með ríflega 300 nem-
endur. Síðasta ferðin er áætluð 9.
september nk. Í áhöfn Húna eru 10-
12 manns í hverri ferð og öll vinna er
unnin í sjálfboðavinnu. Kennari úr
sjávarútvegsfræðum mætir yfirleitt
með nemendur sína úr HA, sem fá
æfingu í því að fræða aðra um lífríki
hafsins.
„Það vildi svo skemmtilega til
núna í vikunni að einn neminn í sjáv-
arútvegsfræði mundi vel eftir sinni
ferð með Húna þegar hún var í
grunnskóla,“ segir Þorsteinn.
Bátunum sé sýnd virðing
Húni II var smíðaður í skipa-
smíðastöð KEA árið 1963, er 130
tonn að stærð. Iðnaðarsafnið á
Akureyri hefur bátinn til umráða í
dag en félagið Hollvinir Húna II sér
um reksturinn, sem fyrr segir. Þor-
steinn segist hlakka til ársins 2023,
þegar Húni verður 60 ára. Þá verði
vonandi hægt að sigla bátnum hring-
inn um landið og breiða út fagnaðar-
erindið.
„Við viljum að þessum hluta sög-
unnar sé sýnd meiri virðing en gert
hefur verið. Lengi vel var það siður
hér á landi að kasta eikarbátunum á
áramótabrennur,“ segir Þorsteinn
og bendir á að ekki sé verið að
brenna gömul hús með merka sögu
að baki.
Á fiskveiðum í 30 ár
Smíðaðir voru um 100 eikarbátar
hér á landi á árunum 1940 til 1970.
Húni II er eini báturinn óbreyttur af
þessari stærð sem nú er til á Íslandi.
Báturinn var gerður út til fiskveiða í
30 ár og talið að veiðin hafi alls verið
um 32 þúsund tonn. Hann var tekinn
af skipaskrá árið 1994 og stóð til að
eyða honum á næstu áramóta-
brennu.
Húna var bjargað af Þorvaldi
Skaftasyni og Ernu Sigurbjörns-
dóttur, sem vildu varðveita bátinn
sem minjar um skipasmíði á Íslandi.
Báturinn kom aftur á skipaskrá 1995
og var gerður út á hvalaskoðun í
nokkur ár, fyrst frá Skagaströnd og
síðar frá Hafnarfirði.
Þrautreyndir aflaskipstjórar
skiptast á í brúnni á Húna, þeir Arn-
grímur Brynjólfsson, er lengi stýrði
Vilhelm Þorsteinssyni EA, og Bjarni
Bjarnason af Súlunni EA.
„Man eftir þér á Húna“
- Siglingar hafnar með eyfirska nemendur um fjörðinn
- Hollvinir Húna II sigla með 300 nemendur í haust
Morgunblaðið/Þorgeir Baldursson
Sigling Húni II á siglingu í vikunni með 28 nemendur úr Brekkuskóla.
Skipuleggjandi Þorsteinn Pétursson
heldur utan um skipulag ferðanna
með Húna, alltaf kátur og hress.