Morgunblaðið - 28.08.2021, Side 25

25
MORGUNBLAÐIÐ LAUGARDAGUR 28. ÁGÚST 2021
Í dag stöndum við á
tímamótum. Það eru
fjórar vikur til kosn-
inga. Við getum verið
stolt af fjölda góðra
verka sem komist hafa
til leiðar og þeirri sam-
stöðu sem ríkt hefur um
aðgerðir til að bregðast
við bæði heimsfaraldri
og náttúruhamförum
innanlands.
Kjörtímabilið hefur verið skeið
framfara og betri kjara. Á vefnum
tekjusagan.is sést svart á hvítu
hvernig ráðstöfunartekjur allra hópa
hafa stóraukist undanfarin ár, ekki
síst hjá eldra fólki og þeim sem
minnst hafa haft milli handanna. Þar
hafa sérstakar áherslur ríkisstjórn-
arinnar í skatta- og félagsmálum
ásamt áherslum vinnumarkaðar skipt
sköpum. Í djúpri efnahagslægð tókst
okkur ekki bara að verja kaupmátt
heimilanna heldur fór hann upp á við.
Allar forsendur eru til staðar til að
halda áfram á þessari braut.
Vegna skattalækkana hefur meira
setið eftir til heimilisrekstrar af
launagreiðslum fólks. Launamaður
með 400 þúsund króna mánaðarlaun
hefur um 120 þúsund krónum meira
milli handanna á ári vegna tekju-
skattslækkana síðustu tveggja ára.
Ef við lítum lengra aftur og skoðum
uppsöfnuð áhrif af lækkun tekju-
skatts frá 2013 kemur í ljós að það
munar heimilin 35 milljörðum í lægri
skattgreiðslur.
Á okkar vakt hefur trygginga-
gjaldið einnig lækkað þannig að ár-
legar álögur á fyrirtækin í landinu
eru 26 milljörðum lægri. Það munar
um minna.
Það sem skiptir
raunverulegu máli
Fyrstu ár okkar í ríkisstjórn nýtt-
ust vel til að lækka skuldir sem þýddi
að við gátum tekist á við
Covid-samdráttinn af
krafti. Betur en flest
ríki heims, ef marka má
úttektir alþjóðastofn-
ana á borð við OECD
og AGS. Úrræði stjórn-
valda hafa nýst tugum
þúsunda heimila og
fyrirtækja, þar sem
yfirgnæfandi meirihluti
segist í viðhorfskönn-
unum vera ánægður
með hvernig til tókst.
Atvinnuleysi dregst
nú saman langt umfram spár, hag-
vöxtur eykst og afkoma ríkissjóðs á
fyrstu sex mánuðum ársins er tug-
milljörðum betri en áætlanir gerðu
ráð fyrir. Áhrifin sem öll þessi atriði
hafa á okkar stöðu og kjör fólksins í
landinu eru gríðarleg. Þetta eru hlut-
irnir sem skipta raunverulegu máli.
Það er mikilvægt að tala um það
sem vel gengur, enda er enginn
skortur á fólki sem vill skilgreina
verk okkar og stefnu. Undanfarin ár
hefur orðið til fjöldi smáflokka um af-
mörkuð stefnumál. Þau eru ólík og ná
allt frá aðild að Evrópusambandinu
yfir í að innleiða hér samfélag sósíal-
isma, í anda ríkja þar sem fólk
keppist nú ýmist við að rísa upp gegn
harðstjórninni eða neyðist jafnvel til
að flýja.
Þrátt fyrir ólíkar áherslur eiga
frambjóðendur hinna sundurleitu
flokka þó margir sameiginlegt að
keppast við að skilgreina Sjálfstæð-
isflokkinn.
Eðli málsins samkvæmt bíta
utanaðkomandi skilgreiningar okkur
lítið. Sjálfstæðisflokkurinn er lang-
stærsta stjórnmálaafl landsins og
eina breiðfylkingin sem eftir stendur.
Við erum flokkur þar sem ólík sjón-
armið og fjölbreyttar raddir komast
að innan hóps sem trúir þó allur á
sömu grundvallargildin. Jöfn tæki-
færi umfram jafna útkomu. Að vera
áfram land tækifæranna þar sem
frelsi, framfarir og trú á kraftinn í
fólkinu ræður för. Þar slær okkar
hjarta.
Þéttum raðirnar
Í dag koma hópar sjálfstæðisfólks
af öllu landinu saman á fundi fyrir til-
stilli tækninnar. Við horfum svo
bjartsýn fram veginn til betri tíma,
þar sem fjöldi sjálfstæðisfólks mun
fyrr en síðar koma saman á eigin-
legum landsfundi. Dagurinn í dag er
hins vegar mikilvæg varða í barátt-
unni sem fram undan er. Þar þéttum
við raðirnar, leggjum línurnar fyrir
næstu vikur og ræðum málin sem
verða sett á oddinn hjá öflugum og
fjölbreyttum hópi frambjóðenda.
Frambjóðenda sem á þriðja tug þús-
unda sjálfstæðisfólks um allt land
valdi í prófkjörum í vor.
Við munum ræða áframhaldandi
lífskjarabætur, áskoranir á alþjóða-
vísu, loftslagsmál og grænu orkubylt-
inguna. Stöðugleika, sterkari innviði,
samgöngur, skatta, betri ríkis-
rekstur, stafrænar lausnir og umbæt-
ur í lífeyris- og heilbrigðiskerfum
okkar. Áfram mætti lengi telja.
Áherslan er á raunhæfar lausnir, en
ekki skýjaborgir og útgjaldaloforð á
kostnað almennings.
Okkur eru allir vegir færir.
Eftir Bjarna
Benediktsson » Við erum flokkur þar
sem ólík sjónarmið
og fjölbreyttar raddir
komast að innan hóps
sem trúir þó allur á
sömu grundvallargildin.
… Að vera áfram land
tækifæranna þar sem
frelsi, framfarir og trú á
kraftinn í fólkinu ræður
för.
Bjarni Benediktsson
Höfundur er formaður
Sjálfstæðisflokksins.
Ísland, land tækifæranna
Eitt mikilvægasta
hlutverk stjórnmálanna
er að koma á og við-
halda jafnvægi milli
ólíkra sjónarmiða, vera
vettvangur þar sem
menn leysa friðsamlega
úr ágreiningsmálum,
finna sameiginlegar
lausnir, marka farsæl-
ustu stefnu o.s.frv.
Stjórnmálamenn eru
ekki kosnir til að fyrirskipa í smá-
atriðum hvernig við eigum að tala eða
lifa. Rökræður verður að leyfa og
landsstjórnin má hvorki verða alræð-
isöflum að bráð né leysast upp í
stjórnleysi.
Þegar þetta er ritað er ég kominn í
launalaust leyfi frá dómstörfum til að
vinna að því markmiði að komast inn
á þing. Ég hef haldið út í þessa veg-
ferð til að starfa markvisst með þeim
sem vilja búa þjóðinni farsæla fram-
tíð, verja frjálslyndi gegn stjórnlyndi
og lýðræðið gegn alræðisógn. Lífið
hefur knúið mig til að viðurkenna að
ég hef hef ekki öll svör og að rétt sé
að hlusta á aðra með opnum huga. Sú
reynsla hefur gert mig að talsmanni
klassísks frjálslyndis. Lífið hefur
einnig gert mig að hófsömum íhalds-
manni sem virðir reynslu fyrri kyn-
slóða. Gott samfélag byggist á traust-
um undirstöðum, þar sem fjöl-
skyldan, nærsamfélagið, félagsstarf,
andlegt líf, viðskipti og menntun
skapa umgjörð þar sem einstakling-
urinn fær svigrúm til að nýta hæfi-
leika sína, sjálfum sér og öðrum til
góðs.
Ég býð fram krafta mína til að
verjast þeim sem með sleggju-
dómum, rangfærslum og útúrsnún-
ingum vilja grafa undan þeirri sam-
félagsgerð sem hér
hefur verið byggð upp
af alúð og dugnaði kyn-
slóðanna. Í því felst að
ég vil verja stjórnar-
skrána, frjálslynda
laga- og lýðræðishefð,
menningarlegar stoðir,
fjölskylduna, lýðveldið,
stofnanir þess o.fl. Allt
þetta er auðveldara að
brjóta niður en byggja
upp að nýju. Ég rita
þessar línur til að vara
við flokkum sem vilja:
láta kreddur lama heilbrigðis-, sam-
göngu- og menntakerfi landsins
: vanmeta reynslu og þekkingu með
því að ýta starfhæfu fólki út af
vinnumarkaði vegna aldurs
: etja saman stéttum í stað þess að
fólk standi saman um að bæta hag
sinn og náungans
: undiroka aðra í nafni jafnréttis
: réttlæta kúgun í nafni frelsis
: beita ritskoðun í nafni lýðræðis
: hefta rannsóknir í nafni vísinda
: hefta einkaframtak í nafni framfara
: standa gegn gagnrýninni hugsun
og heilbrigðum efa í nafni samstöðu
: nota innanfélagsreglur til að svipta
menn lýðræðislegum og lögvörðum
réttindum
: leggjast gegn frjálsri hugsun, sam-
tali og rökræðum í nafni pólitísks
rétttrúnaðar
: draga fólk í dilka og telja mönnum
trú um að þeim beri að hugsa og tjá
sig eins og aðrir sem falla í sama
flokk
: innleiða, í anda gervilýðræðis, regl-
ur sem Íslendingar hafa aldrei
fengið að kjósa um og henta ekki
hér
: fela stjórnlyndi sitt á bak við grímu
frjálslyndis
: afhenda embættismönnum víðtæk
völd í stað þess að leita vilja fólks-
ins sem byggir landið
: færa ákvarðanir í mikilvægum mál-
um þjóðarinnar út fyrir landstein-
ana
: vantreysta dómgreind almennra
borgara
: sérfræðingaræði fremur en lýðræði
: sætta sig við skrifstofuveldi sem
gengst upp í valdi sínu
: vantreysta frjálsri félagastarfsemi
en treysta miðstýrðu skrifræði
: ríkisvæða menningarstarfsemi
: kalla eftir þjóðnýtingu blómlegra
einkafyrirtækja
: krefjast þess, í nafni fjölbreytni, að
allir hugsi eins
: útiloka, þagga niður í og reka burt
þá sem ekki eru taldir nægilega
leiðitamir
: óska eftir umboði til að stjórna und-
ir fána stjórnleysis (anarkisma) eða
fána erlends ríkjasambands (ESB)
: að ríkið og sveitarstjórnir stýri fé-
lagslegri hegðun fólks fremur en
fólkið sjálft
: afneita kristinni trú reistri á kær-
leika og umburðarlyndi, sem reynst
hefur þjóðinni haldreipi um aldir,
en tilbiðja í staðinn margs konar
veraldleg fyrirbæri
: hlýða fyrirmælum í blindni, fremur
en að hugsa sjálfstætt
: hvetja til víðtæks eftirlits og mið-
lægrar söfnunar upplýsinga um
málefni einstaklinga, heilsufar
borgaranna, viðhorf þeirra, ferðir
o.fl.
: umbreyta menntun í heilaþvott
: berjast gegn einelti með því að
beita einelti
: líta á peninga sem sjálfstætt mark-
mið en ekki sem tæki / verkfæri til
að öðlast gott líf
: ekki efast um eigin stefnumál,
hlusta ekki á andstæð sjónarmið og
kunna ekki að gera greinarmun á
hlutlægum málflutningi / miðlun
frétta annars vegar og áróðri hins
vegar
: koma á stöðugleika með byltingu
: breyta öðrum, en ekki sjálfum sér
: vinna að því að færa ábyrgð (og
frelsi) frá einstaklingnum yfir til
ríkisvaldsins
: skerða borgaraleg réttindi til að
koma á nýrri miðstýrðri samfélags-
gerð
: ekki að allir séu jafnir fyrir lög-
unum, heldur að sumir séu jafnari
en aðrir á grundvelli útlits, stéttar
eða stöðu
: trúa því að enginn hlutlægur sann-
leikur sé til og að einungis verald-
legt vald afmarki hvað telst satt,
rétt og leyfilegt
: að athafnir borgaranna séu háðar
leyfisveitingum
: ekki viðurkenna að maðurinn sé
gæddur frjálsum vilja, en halda því
fram að maður stjórnist aðeins af
innri og ytri þáttum sem hann ræð-
ur engu um, svo sem erfðum, horm-
ónum, menningu o.fl.
: að vald og ábyrgð fylgist ekki að
: tefja umferð helsta samgöngutækis
fólksins, fjölskyldubílsins, á grunni
óvissra fyrirheita um betri almanna-
samgöngur eftir mörg ár
: auka með umferðarstíflum út-
blástur og mengun en þykjast vera
að vinna gegn loftslagsvá
Góð menntun hjálpar okkur til að
spyrja réttra spurninga og leita skiln-
ings á viðfangsefninu með því að
skoða það frá öllum hliðum. Skylda
okkar í lífi og starfi, ekki síst á kjör-
dag, hlýtur að vera að gaumgæfa við-
fangsefnin vandlega og kynna sér vel
andstæð sjónarmið til að geta komist
að yfirvegaðri niðurstöðu. Sjálfur hef
ég á starfsferlinum notið langs og
vinsamlegs samstarfs með fólki sem
aðhylltist allt aðrar lífsskoðanir en
ég, enda var okkur ljóst að fleira
sameinaði okkur en sundraði. T.d.
aðhylltumst við lýðræði en ekki auð-
ræði, fámennisstjórn eða tækniveldi.
Við sjálfstæðismenn viljum verja
frjálst samfélag þar sem menn um-
bera ólíkar skoðanir og þar sem
mönnum leyfist að setja fram mis-
munandi sjónarmið, án þess að sæta
hótunum, útskúfun eða brottrekstri.
Grunnstefna Sjálfstæðisflokksins
miðar að því að verja frelsi ein-
staklingsins til orðs og athafna, efla
einkaframtakið, takmarka afskipti
og umsvif ríkisins, lækka skatta,
hvetja til frjálsrar samkeppni og
félagslegrar samvinnu þar sem það á
við. Skapa forsendur blómlegs at-
vinnulífs, byggja heilnæma umgjörð
utan um fjölskyldur þessa lands og
fyrirtæki, auk þess að hvetja ein-
staklingana til að láta ljós sitt skína
með virkri þátttöku í félags-, stjórn-
mála- og atvinnulífi, og með því að
taka ábyrgð á eigin frelsi. Með þessu
móti vil ég í anda sjálfstæðisstefn-
unnar „vinna að víðsýnni og þjóð-
legri umbótastefnu á grundvelli ein-
staklingsfrelsis og atvinnufrelsis
með hagsmuni allra stétta fyrir aug-
um“. Til að mér takist að láta þessa
rödd hljóma þarf ég umboð kjósenda
25. september nk. Ég treysti ykkur,
kæru lesendur, til að fara vel með at-
kvæðisréttinn og horfa þar til þess
hverjum er best treystandi til að
tryggja þá þjóðfélagsgerð sem Ís-
lendingar hafa valið sér – og þar með
farsæla framtíð þjóðarinnar í landi
sínu.
Eftir Arnar Þór
Jónsson » Skýrir valkostir auð-
velda hugsandi fólki
að kjósa.
Arnar Þór Jónsson
Höfundur skipar 5. sætið á framboðs-
lista Sjálfstæðisflokksins í Suðvestur-
kjördæmi.
Kjósum rétt – gátlisti til ígrundunar
Skitið Máfur einn settist á höfuð styttunnar af Skúla fógeta í vikunni og
gerði þarfir sínar þannig að taumurinn rann niður kinnar fógetans forna.
Kristinn Magnússon