Bændablaðið - 21.10.2021, Blaðsíða 13

Bændablaðið | Fimmtudagur 21. október 2021 13
L A N D S B A N K I N N . I S
ÞAÐ ER L ANDSBANKI
NÝRRA TÍMA.
Sjálfbær sparnaður er ný leið til
þess að spara hjá Landsbankanum.
Þannig getur þú sparað og hjálpað
umhverfinu á sama tíma. Kynntu þér
sjálfbæran sparnað á landsbankinn.is
„Sparnaðurinn
minn plantar
trjám“
Mennirnir sleikja upp auðlindir jarðarinnar og fegurð hennar. Ljósmynd
Írisar Lilju Jóhannsdóttur, „Sæt tortíming“.
Ljósmyndasamkeppni Umhverfisstofnunar Evrópu:
Mennirnir sleikja upp
auðlindir jarðarinnar
Íris Lilja Jóhannsdóttir vann verð­
laun fyrir ljósmynd sína, „Sæt tor­
tíming“ í ljósmyndakeppni á vegum
Umhverfisstofnunar Evrópu.
Íris er frá Hólum í Hjaltadal en
stundar nám við Fjölbrautaskólann
við Ármúla. Hún stóð uppi sem
sigur vegari Ungs umhverfisfrétta­
fólks á Íslandi á framhaldsskólastigi
árið 2021 og komst verkefni henn­
ar einnig í undanúrslit í alþjóðlegri
keppni.
Íris er hæstánægð með verðlaun­
in og segir í frétt á vef Landverndar
að myndin fjalli um það hvernig
mennirnir eru að sleikja upp auðlindir
jarðarinnar og fegurð hennar. Sjálf
hefur hún búið til húmoríska líkingu
þar sem manneskja sleikir ískúlu í
líki jarðarinnar.
Dómnefnd á vegum Umhverfis­
stofnunar Evrópu þótti yfirlýsing
Írisar djörf og vekja til umhugsun­
ar um neyðarástandið í heiminum.
Áhugasamir munu fljótlega geta feng­
ið myndina að láni og hengt upp í
stofu hjá sér.
Alls taka 455 þúsund nemendur
í 44 löndum þátt í þessu verkefni
árlega. Þátttaka var í boði í annað
sinn hér á landi í ár og er rekið af
Landvernd. Tíu framhaldsskólar og
fjórir grunnskólar tóku þátt að þessu
sinni og fjölmargir hópar innan hvers
skóla.
„Í háværri umræðu um loftslags­
kvíða er ætlunin að verkefnið valdefli
ungt fólk og gefi þeim tækifæri til
þess að hafa áhrif á loftslagsmálin,“
segir á vef Landverndar. Einnig að
það skapi nemendum vettvang til að
hafa áhrif á umhverfismál og koma
upplýsingum á framfæri á skapandi
hátt. /MÞÞ
BÆNDUR ERU FREMSTIR Í ENDURVINNSLU
Fyrsta skref við endurvinnslu á heyrúlluplasti er að huga að
gæðum þess til endurvinnslu við kaup. Þar skiptir litaval máli.
Eftir notkun þarf að ganga vel um heyrúlluplastið og sundur-
greina það frá öðrum úrgangi. Minnka umfang þess og gæta
að geymslu fyrir hirðu.
Þessi fyrstu skref við meðhöndlun skipta miklu máli við
endurvinnslu á heyrúlluplasti.
Hringrásarhagkerfið byrjar á þínu býli.