Bibliotheca Arnamagnæana - 01.10.1950, Page 287

SUPPLEMENTUM HISTORIÆ NORVAGICÆ
273
reliqvam, ut tuam agnosces. Hac ratione Græci Normannis
cesserunt.
(Compendium Danicum fol. 67. b. Harald Hordraade
vaar lenge udi Græcken och Sicilien).
5 CAP. 11
Victoriæ N ordbrickti in Sicilia.
Hic præcipué tres urbes commemorantur omni armorum vi
inexpugnabiles, qvas Nordbrictus triplici stratagemate subegit.
Primam1 enim suffossis cuniculis, introductå validå armato-
10 rum manu in media urbe erumpens cepit2, civibus exterritis et
metu tam inopinati mali exanimatis.
Alteram cum fodiendis cuniculis locus non esset, qvod solidam n.
petram pro fundamento haberet, mirå ingenii sagacitate in suam
potestatem redegit. Erat in vicinia nemus satis amoenum, qvo
15 ex urbe qvotidie aves deures et domesticæ pastum ibant. Linit
bitumine ramos arborum Nordbrictus, in qvibus aves considere
solitas animadvertit, eoqve æstu solis interdiu tepefacto aves
captæ sunt, easqve sic instruit: Confici curat ex resinosis arbori-
bus minutim dissectis fasciculos perexiguos et leves, ne avium
sovolatum impedirent, eos externé sulphure et cerå investit, sicqve
singulos singulis avibus lento igni accensos alligari å tergo jubet.
Dimissæ aves nocte silente solitos nidos continuo avidé repetunt.
Concipit facile ex hoc illato fomite ignem alacrem substrata
nidorum materia, plumæ scilicet et gramen arefactum; ex nidis
« autem urbis tecta, in qvibus aves nidificare solitæ, stipula, foeno,
frumento, sæpius referta, totamqve urbem in unam flammam
convertunt.
Tertia urbs invictissima prædictas insidias, utpote jam rumore m.
cognitas, facile cavit. Hic cum novus dolus excogitandus esset,
30 primum impetum totis viribus in vallum urbis seu muros faciunt.
Cives etiam fortiter ex vallo pugnantes hostem repellunt. Ibi
Nordbrictus lethale vulnus simulans canit receptui, decumbit
tanqvam morti vicinus dies aliqvot, suo tentorio å reliqvis
1 Primum cod. 2 coepit cod.
BIBLIOTHECA ARNAMAGNÆANA, IX