Skessuhorn - 18.05.2022, Síða 24

MIÐVIKUDAGUR 18. MAÍ 202224
Nýverið lauk námsáfanganum Staf­
ræn list í Menntaskóla Borgar­
fjarðar, en í þeim áfanga fá nem­
endur tækifæri til að vinna í vinnu­
stofu listamanns og setja upp sýn­
ingu fyrir almenning á verkum sín­
um. Það var Michelle Bird mynd­
listarkona sem sá um námskeiðið,
en hún er með vinnustofu í Borgar­
nesi. Hjá henni lærðu nemend­
ur m.a. að teikna andlit og fígúrur,
landslag og sögur í myndum með
hefðbundnum listaðferðum og síð­
an stafrænt með spjaldtölvum sín­
um. Sett var upp sýning í skólan­
um á verkum nemenda í lokin og
stendur hún einhverja næstu daga.
Kjósendur sem kusu í Menntaskól­
anum (Hjálmakletti) á kjördag gátu
t.d. notið listaverkanna um leið og
þeir komu til að kjósa. Á meðfylgj­
andi myndum má sjá sýninguna og
nokkur verkanna.
gj
Sigurður Ingi Jóhannsson innviða­
ráðherra hefur skipað Aðalstein
Þorsteinsson í embætti skrifstofu­
stjóra sveitarfélaga og byggðamála í
ráðuneytinu. Aðalsteinn var valinn
úr hópi margra hæfra umsækjenda
að fengnum tillögum frá ráðgef­
andi hæfnisnefnd. Hann mun taka
við embættinu 1. júní næstkom­
andi. Frá 2002 hefur hann starfað
sem forstjóri Byggðastofnunar og á
þeim tíma leitt stofnunina í gegnum
umtalsverðar breytingar. Að beiðni
ráðherra tók hann tímabundið við
starfi forstjóra Þjóðskrár Íslands og
hefur gegnt því embætti frá 1. febr­
úar síðastliðnum.
Aðalsteinn er úr Stykkis­
hólmi, lögfræðingur að mennt og
lauk embættisprófi frá lagadeild
Háskóla Íslands árið 1993. Hann
hefur jafnframt lokið námi í opin­
berri stjórnsýslu fyrir stjórnendur
í opinberum rekstri frá sama skóla.
Arnar Már Elíasson settur forstjóri
Byggðastofnunar mun áfram sinna
því starfi þar til ráðinn verður nýr
forstjóri. Jafnframt verður Hildur
Ragnars sett tímabundið forstjóri
Þjóðskrár Íslands til 1. ágúst næst­
komandi.
mm
Útskriftarnemendur í Fjölbrautaskóla Snæfellinga brugðu á
leik fimmtudaginn 12. maí þegar þeir fögnuðu lokametrunum á
skólagöngunni. Þá klæddu þau sig upp sem kúreka og báru for­
láta vatnsbyssur sér til varnar. Einhverjir samnemendur fengu að
kenna á því og blotnuðu aðeins en var fyrirgefið. Þá var nem­
endum boðið í vöfflukaffi á kennarastofunni eins og hefð er fyr­
ir áður en skóladagurinn var á enda. Um kvöldið var svo lokaball
þar sem nemendur dönsuðu fram á nótt. Útskrift úr Fjölbrauta­
skóla Snæfellinga verður svo 27. maí næstkomandi. tfk
Mynd eftir Caroline M. Bjarnarson
Að fanga listina stafrænt
Sýningin í Hjálmakletti. Isobel Líf Diaz gerði þessa mynd.
Jóhannes Lind Hilmarsson gerði þessa stafrænu mynd.
Aðalsteinn
í innviðina
Dimmiterað í Fjölbrautaskóla Snæfellinga
Hópurinn stillti sér upp fyrir
ljósmyndara Skessuhorns.