Hugur og hönd - 2021, Qupperneq 28

28 HUGUR OG HÖND2021
KARÓLÍNA VEFARI
NÝ SÝNING Í ÁRBÆJARSAFNI
GERÐUR RÓBERTSDÓTTIR
Karólína Guðmundsdóttir var um margt
merkileg manneskja. Strax sem ung
stúlka bjó hún yfir hugrekki, þrautseigju
og metnaði til að fylgja eftir áhuga
sínum. Hún lærði listina að vefa til hlítar
á tímum þegar vélvæðing var að komast
á skrið í vefjariðnaði. Vefnaður varð
hennar ævistarf og rak hún um áratuga-
skeið vefstofu við Ásvallagötu í Reykjavík.
Borgarsögusafn Reykjavíkur hefur nú,
í samvinnu við Heimilisiðnaðarfélag
Íslands, sett upp sýningu í Árbæjarsafni
þar sem verk Karólínu eru sett í öndvegi
og framlag hennar til handverks og
hönnunar dregið fram.
UPPRUNI OG ÁHRIFAVALDAR
Karólína var fædd á Þóroddsstöðum í
Grímsnesi árið 1897. Frá barnæsku hafði
hún gaman af hvers konar hannyrðum
og sem barn í sveit kynntist hún bæði
tóvinnu og jurtalitun. Hún flutti sem
unglingur með foreldrum sínum til
Reykjavíkur og hélt síðan til Danmerkur
árið 1920 á hannyrðanámskeið hjá
Dansk Kunstflidsforening, danska
listiðnaðarfélaginu. Þar lærði hún
fínni útsaum, knipl og vefnað og hlaut
viðurkenningu á nemendasýningu
að námskeiði loknu. En það var vefn-
aðurinn sem heillaði hana. Karólína varð
því um kyrrt í Kaupmannahöfn, sótti
framhaldsnámskeið í vefnaði, fékk vinnu
á vefstofu Johanne Siegumfeldt
í Amaliegade og var þar í tvö ár. Fröken
Siegumfeldt (1868-1953) var þekkt fyrir
vandaðan vefnað og gerði því miklar
kröfur til vefara. Hjá henni voru ofin
klæði í metravís fyrir verslanir og hús-
gagnaframleiðendur, oft í samvinnu við
arkitekta og húsgagnahönnuði.
Frá sýningu um Karólínu vefara í Árbæjarsafni 2021.
Ljósmynd: Hörður Sveinsson.