Sjómannablaðið Víkingur - 01.01.2013, Page 26

26 – Sjómannablaðið Víkingur
illa þefjandi reykur sem gaus út úr pústinu um leið og sett var í
gang, svo mikill að bílarnir þekktust úr verulegri fjarlægð, jafn-
vel í þoku og náttmyrkri.
Örlítill útúrdúr
Það sem sé leyndi sér ekki hvort þessir bílar voru komnir í
gang eður ei líkt og gerðist með drossíuna norður í Höfða-
hverfi, einhvern tíman uppúr 1950, á liðinni öld. Þá keypti einn
bóndinn í sveitinni sér fólksbíl til heimabrúks en þá voru ekki
margir heimilisbílar í sveitinni. Þeir fáu voru jeppar, svokallaðir
Willis jeppar, sem fengust ekki keyptir nýir a.m.k. nema að
uppfylltum ákveðnum skilyrðum sem mig minnir að einhver
ákveðin nefnd á vegum sveitarfélagsins hafi haft ákvörðunar-
vald um. Fólksbíll til heimabrúks var því töluverð frétt þarna
norður í fásinninu fyrir daga sjónvarpsins en sjónvarpið hefur
dregið mjög úr þeirri íslensku hefð að segja sögur af náung-
anum og því sem var efst á baugi á hverjum tíma.
Eðlilega var mikið spjallað manna á meðal um þennan nýja
farkost sem náttúrlega, a.m.k. að mati eiganda síns, var öðrum
bílum fremri í alla staði. Í því sambandi má sérstaklega nefna að
vélin í honum var svo þýðgeng að í hægagangi heyrðist ekkert í
henni hvorki innan né utan dyra hans.
Einhverju sinni var einn sona bóndans að lýsa þessu ein-
staka tækniundri fyrir áhugasömum áheyrendum nema hvað þá
dettur út úr einum þeirra. Hvernig veit þá pabbi þinn þegar
hann er að starta hvenær bíllinn er kominn í gang. Ekki stóð á
svarinu; hann pabbi hann fer bara inn startar smá stund síðan
fer hann út, krýpur á kné fyrir aftan bílinn, og þefar út úr púst-
inu. Hann pabbi er svo lyktnæmur að hann finnur það strax á
lyktinni hvort vélin er gangi eða ekki.
Til að forðast misskilning er rétt að taka fram að á þessum
árum voru ekki snúningshraðamælar í bílum.
Smiðjuvegi 66 • 200 Kópavogi
Sími 580 5800 • www.landvelar.is
Poclain þjónusta
Sérhæft verkstæði fyrir vökvadælur og mótora
Sala, varahlutir og viðgerðir
Minsk heitir höfuðborg Hvítrússa og þar býr um það bil fimmtungur þjóðarinnar eða um tvær milljónir manna. Fáar borgir fóru jafn illa út úr seinni heimsstyrjöld
og þessi borg og er þá langt til jafnað. Segja má að þar sem borgin stóð fyrir stríð hafi verið rústahrúga að loknum þeim hildarleik. Stjórnarráðið, aðalstöðvar
Lúkasénkós, við Frelsistorgið er vaktað af sjálfum Lenín sem lætur engan bilbug á sér finna við þá varðstöðu ólíkt því sem gerist í öðrum austantjaldsríkjum.
Í Hvítarússlandi eru fjöldi minnismerkja um hörmungar seinni heimsstyrjaldar.
Hér er Sigurhæð, 35 metra manngerð hæð sem er minnisvarði um sovéska her-
menn sem féllu í síðari heimstyrjöld. Hún var reist 1969 þegar 25 ár voru liðin
frá frelsun Hvítarússlands í gríðarlegri orustu sem stóð frá 22. júní til 19. ágúst
1944. 178,507 sovéskir hermenn féllu. Minnisvarðanum var valinn staður þar
sem fjórar sovéskar herdeildir mættust á leið sinni til Berlínar. Gerður úr jarð-
vegi sem sóttur var til þeirra bæja, þorpa og borga sem nasistar lögðu í rúst.