Fréttablaðið - 10.09.2022, Síða 96

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is 2022 - 2025
Óttars
Guðmundssonar
n Bakþankar
Það vakti athygli nýlega þegar
stjórnsýslan auglýsti eftir ungum
lögfræðingi sem hefði þau
Harvey Specter og Ally McBeal að
fyrirmynd. Þetta fólk er hetjur í
amerískum lögfræðingaþáttum.
Jafnframt var auglýst eftir mann-
eskju sem væri „stálhnefi í silki-
hanska“.
Það er skemmtilegt þegar
ráðuneyti fara áður ótroðnar
slóðir í leit sinni að hæfu fólki. Ég
hefði reyndar viljað hafa aðrar
fyrirmyndir í þessum ráðningum.
Óneitanlega hefði verið þjóðlegra
að auglýsa eftir ungmennum til
starfa í ráðuneytinu sem hefðu
lesið yfir sig af lagakrókum í Njálu.
„Lýst er eftir lögfræðingi sem vill
líkjast Merði Valgarðssyni og Þór-
halli Ásgrímssyni í Brennu-Njáls-
sögu. Viðkomandi þarf að vera
klækjóttur og kunna að skara eld
að eigin köku. Við lýsum eftir silki-
tungu á lopasokkum.“ Með slíkri
auglýsingu væri stjórnsýslan að
tengja nútímann inn í sagnaarfinn.
Síðan mætti halda áfram: Þjóð-
minjavörður ætti að hafa Skalla-
grím á Borg sem fyrirmynd enda
var hann fastheldinn á gamalt
drasl. Seðlabankastjóri mætti
líkjast Agli afa mínum Skallgríms-
syni sem gróf sjóði sína í jörð.
Ráðuneytið vill breyta ímynd
sinni. Þau Harvey og Ally eru útlits
eins og dúkkurnar Barbie og Ken.
Þau eru bæði með BMI undir 19
með fullkomnar tennur og vel hirt
hár og taka sig sérlega vel út á mynd
með ráðherrum Sjálfstæðisflokks.
Auðvitað á ekki að rýna í próf-
skírteini og ferilskrá heldur skoða
hversu mjög umsækjandinn líkist
glæsilegum sjónvarpsstjörnum.
Markmiðið er að fylla ráðuneytin
af ungu og fallegu fólki sem hvorki
eldist né fitnar svo að hópmyndin
verði alltaf jafn glæsileg. n
Lögfræðingur
óskast
LÆGSTA
ER Á BÚSTAÐAVEGI
Í REYKJAVÍK
VERÐIÐ
SKIPTU
YFIR Í
STUÐIÐ
Reykjavík • Mörkin 3 | Akureyri • Undirhlíð 2
Veislan heldur áfram í Tölvutek.
Opið í dag laugardag frá 11-16